Love time || وقت الحب

16 | سؤالٌ في محلِّه.

فوت قبل قرأة البارت🌟
______________

16 |

صكَّ آسر على فكّه بغيظ ما إن إستمع لحديث الرجل والّذي قام بِسبّه للتو، فَزفر بضيق وهو يضحك بتكهُم على صوت عقله والذي كان :

' رائع!.. حقًا رائع، تم رفضُك للتو من قِبَل الفتاة المعجب بها، وسبُّك للتو وغدٌ لا تعلم من هو حتى، وقريبًا سيتمُ رفدُك من مطعم والدك أيضًا بعد تحطيم رأس هذا الوغد!.. يومٌ مثالي بالفعل! '

وقف أمام الرجُل مباشرةً وهو يقول بعملية مدّعيًا عدم سماعه لحديثه " أقدر أفهم إيه هي مشكلة حضرتك يا فندم ؟"

فصاح الآخر بإنزعاج وهو يُشير للصحن الذي أمامهُ بإنفعالٍ واضح " جايبلي مكرونة طعمها يقرف ومش مستوية وجاي تقولي إيه إلّي مضايقني؟!.. طب بزمتك ده طعم أكل طبيعي يعني ؟"

قلّب آسر عينيهِ بضجر وهو يتمتم بإختصار " حرام تقول على نعمة ربنا إنها تقرف على فكرة! "

وكان على وشك أن يكمل حديثهُ لكن قاطعهُ الرجل من جديد بإستنكار " وحرام تبوظوا نعمة ربنا كده في الأكل ده وبعدها تقدمه للناس. "

نبس آسر بنبرةٍ مرتفعة نسبيًا وهو يعقد يديهِ أمام صدره " اولًا كل صوص بتاع مكرونة بيبقى مكتوب مكوناته وإنت تختار إلّي عايزه، مش معنى إن إختيارك معجبكش يبقى أكلنا وحش، غير كده المكرونة الإيطالي بيبقى تسويّتها كده، وبعمل العجينة على طول قبل الأوردر يعني كل حاجة بتكون طازة ومعمولة مخصوص على حسب الطلب.. إلّي حقيقي مش فاهمه إزاي حضرتك تيجي في مكان زي ده هادي ورايق وتعمل دوشة وتغلط فينا لمجرد إن إختياراتك وحشة يعني!! "

إنتفض على صوتِ والده الذي جاء من مكتبه ووقف جانبه، ثم نبس دون فهمٍ " في إيه يا آسر، إيه إلّي حصل؟.. في مشكلة يا فندم ؟"

كان ينظُر لآسر في بدايةِ حديثه، ثم حَوّل نظرهُ للزبون الذي أمامه وهو يبتسم بعملية شديدة.

نبس الرجل بإستياء وهو يشير على الصحن الذي أمامهُ " الأستاذ جايبلي أكل نَيّ وطعمه وحش، وجاي كمان يبجح فيا!! "

رفعَ آسر حاجبيهِ بتفاجؤ ما إن إستمع لحديث الرجل والّذي نعتهُ ' بالمتبجِح ' ثم مال على والده وهمس بخفوت " بذمتك يا بابا أنا بجح؟.. أنا رايق لدرجة إني هكسل أقوله حاجة! "

نظر لهُ والدهُ وهو يردُ بحنق " لأ طبعًا يا حبيبي إنتَ بارد بس. "

ثم وجَّه نظرهُ للزبون من جديد وهو يبتسم بسمةً بلاستيكية زائفة أثناء قوله " بعتذر لسوء الفهم يا فندم بس المكرونة دي بتتعمل وتتقدم كده، يعني مفيهاش غلط.. "

كان على وشك أن يُكمل حديثهُ لكن قاطعه الرجل وهو يتمتم بوقاحة " والله إن المكرونة دي المفروض كده أصلا دي بحد ذاتها مشكلة!.. أنا مش هدفع جنيه في الأكل ده!.. بذمتك إنتَ ترضى تأكل حاجة كده أصلًا ؟"