رتبة و ظفيرة

الحَلقة 20 ⚜️

رتبة و ظفيرة
رسُل فهد
يمَدري شلوُن طِبيتي بحَنايا الرُوح
أنتِ التايهِات المَا محسبلهِن .

في مكان اخر
...
ام باسم : شلونو حفيدي ؟
- بخير جدة بس مخنوگ اهجس اكو احد لاحگني
- ساعة التاخذ ثار ابوك يتركك

شام : باسم حبيبي ممكن اتكلم معَ ستك
ام باسم: خيرچ عش طلعتي
- ياستي الَشَب راح يموت انتِ ليش معَتفهميني ؟
ام باسم : مو شغلچ 15 سنة انتِ منچعمة شحصل هساع و ضميرچ صحى ؟
- خوفي على أبني و أحفادي من أرشد
..
يَاسمين
و اني مستمرة بالشُرب وصلت لنُص الباكيت
و اني مندمجة حتى نسيت العرس أنفتحت بيبان السيارة ...
أرشد من جِهتي و ابو فزعة من الجهة الثانية و أثنينهم خازريني

قَبل لا أنطق حَرف أجتي ضَربة على حلگة و أنسحبت الجگارة من أيدي
لزمت مكان الضَربة و أباوع ابو فزعة يباوعلي بشماتة و حاصرتة الضحكة
نزلت دموعي و انطبگ الباب قوي

ارشد : إدبسز ذيل الچلب ماينعدل والله
حچاها و خلة الجگارة الاخذها مني بحَلگة و شربها
أبو فزعة : نشغلها ويانة ؟ بالعباس امكانية هاي
- أنچب انتَ الثاني

ما نطقت حرف مستحية من موقفي شسوي والله ما أكدر الزم نفسي
أرشد أعصابة نار و دماراتة بارزة و يسوق بعصبية غير حتى طريق الزفة و عاف السيارات مَد ايدة ابو فزعة للُمُسجل و گعد يدور بالاقراص
- أتركها يولي الله بلاني بيكم واحد انگس من الثاني
- اسمع و معليك

بدة لحن اغنية و ابو فزعة يگول هاي شنووووو؟
لك ملعووون ... ارشد خافي الابتسامة
وبعدها يردد بكلمات الاغنية
بعدك صغير كَتكوت بِن عائلة و إبن بيوت
ملعون ياهو العَلمك تشرب جگاير بسكوت ؟؟

صار صوت البچي مالتي عالي بلكي ينقهرون و يسدون الاغنية لان صدگ استحقرت نفسي بوقتها أحس بروحي مضحكة الهم و ماگدر أسوي شيء
صرخت بصوت .. طفيههااااا

ابو فزعة : لك ذبها لك هاي شنو؟؟
متلوگلك و انتَ حلو ما قاري هذا التحذير !! اليشرب جگاير يموت ؟
والله تأذي صحتك و تضيع هاذي ضحكتك
مو هذا سم يَبن الناس أشرب حليب و بَسكوت

كلمات الاغنية جانت مستفزة اكثر منهم بعد
كمت افتح بالباب قوي اريد اطلع من السيارة بس مقفولة و دموعي تجري
ارشد مَد أيدة طفة الاغنية و صرخ
- انچعمي و ركدي هذن حركاتچ حافضهن