التَصويت شَذرات + مُشاهدة مُمتعة
رتبة و ظفيرة
رُسل فَهد
....
يهنيالي بمحبتك يا رفيج الروح
گرنفل والگرنفل من بعيد يفوح
...
يَاسمين
- والله اذا تروح اكتل ابنك
اندار هو و الـ واكفين يمة راد يجي لزمة واحد من كتفة
- يالله ابو شاهين لا تورطنة
هد ايدة و اشرلهم
- نزلو نزلو اجيت يالله ركبو السيارات جاي
اباوعلة و نَفسي يصعد و ينزل بسرعة اذا صدك سواها و راح اموت
اجة بأتجاهي و الهوسة بكل مكان سَد الباب و اني على وكفتي ما تحركت لزم زندي
وانرسمت الضحكة على وجهة
ارشد : حااااامل يا طركااااعة حااااامل ؟؟؟
- اي حامل و ما تروح والله اكتل روحي و اكتل ابنك
احتار شنو يسوي و الهورنات برة سبت الدُنيا
لزم ايدي و نزلني الدرج كل ضني راح ياخذني ويا فتح باب غرفة سَهلة وصلنة يمها
وكاللها
- امانتج يمة هاي امانتج بس اسلم واجي هساع والله ساعتين ما اطول
حامل الطركاعة يمة حامل
هو حجاها و كامت سَهلة تهلهل صارو يصيحون باسمة من المطبخ بعصبية
هو لازم ايدي هدها ودار وجهة ركضت ورا مچلبة بي
ارشد : لـج والله هساع هينا كعدي انتظريني والله اجي
- لا لااااا يجوز تموت والله كلبي يوجعني لا تروووح اكتل ابنك ارشد والله
صاح لمرت علي تلزمني و جر سلاحة و طلع انهاريت بالبچي
و سَهلة الكاع ما سايعتها تطب و تطلع من الغرفة تهوس
سَهلة : و عرجججج فالج ما گبلنا لا تنوحين هساع يجي انا امة و كلبي بارد
يَاسمين: و ليشششششش يروح ليششش عايز فلوس هو شنو قحط اذا يموت اني وين اروححح
سَهلة : يمن صگعج البين كون بيش طالبتو هساع يفوت ها عرض جتافو يتبختر عش تجيبين طاري الموت اربزي بمچانج يجي ما يتأخر هو روحو هينا ما دحكتي كوة شلع روحو
يَاسمين: والله الا اكتل ابنةةةة و احرك كلبة يفضل السلاح عليةةةةة
سَهلة : عجل ينلامن من يكولن مسودنة ولج هذا شاهين هذا عمرج ورا عمرو يُمة يَبعد جدتك انا عدلة و تجي تاخذ مني فلوس يمةةةةة تعاي ولج يمصكوعة من ايمتى حامل و عش ما تخربينا
يَاسمين: عوفيييييييني سهلةةةةةةة عوفينيييييي
تركتها و طلعت لزمتني مرت علي و قفلت باب المطبخ
اسماء : شبيج ياسمين تخبلتي عجل هاي بدال ما تفرحين بابنج
تجيت راسي على باب الثلاجة و غطيت وجهي ابجي هن واكفات يمي هم منتظرات رجولتهن حارن شحجن شروق و صابرين و فرح ما جاوبتهن
لما اجتي امها هزت كتفي بعكازتها
ام ارشد: جذابة انتِ مو حامل شمعنى هساع يالله حجيتي ؟
يَاسمين: لان المكان الراحولة خطر والله خطر حجيتها و بچيت
أنت تقرأ
رتبة و ظفيرة
General Fictionصغيرةٌ فاتنة تخرج من قاع و تدخل آخر تَلف بها الدُنيا تقع بغرام تاجر أسلحة برَقبته ثأر مُخيف
