رتبة و ظفيرة

الحَلقة 43 ⚜️

التَصويـت شـذرات + مُشـاهدة مُمتعة
رتبة و ظفيرة
رُسـل فهـد
....

‏لا حچينا بألف شفة
‏ولا لبسنا وجوه ترفه!
‏ولا گدرنا نعيش يوم ملونين
‏وباعنا الما مشترينا..
‏وصاحت الوادم علينا مسودنين
...

يــاسـمين
طلع و طلعت روحي ورا و بِدو بالتجهيز عكس عرس سميحة
جانت المَنطقة كلها مَخبوصة و شعور الفرح ماليني
جابني هنا اول مَرة وهو يضمضم بية منهم
و اليوم نفسهم يجهزون لزواجة مني

نايمة و كعدت على سمر و ركصها سحلتني للشباك
و هم ينزلون بالغرفة و يهوسون و يغنون .. أبتسمت
يَاسمين: هاي هيج تحبون الاعراس ؟
- وهو عرس اي واحد يولي هذا خالي ابو شاهين دحكي ذولة كلهم
هو زافهم بأيدو غصباً عنهم يرگصون

رحت للمرايا اباوع لشكلي
- اكلج شو مابية نشعة عرايس جانت بيبي دكول العرايس يلمعن بأيام عرسهن
سمر : اي عادي هسة نحطلج لماع

خابرت دُرة
وكعدت اسولفلها شنو اريد البس بس استحي من ام قيصر
كعدت تدزلي تصاميم و اني اختار و كالت احجزهن و انتي انطي علم لرجلج خابرتة بسرعة ما جاوبني ورا ساعة اتصل هستوة كاعد من النوم
ارشد : ها يا طركاعة شونج
- هم طركاااعة ؟؟؟ ترى ايع ايع ما احبة
- ميلوگلچ غيرو والله

يَاسمين: عيني شوف
ارشد : عينچ ؟ يا حَبيبي اطربيني
- اني من جنت صغيرة يعني حتى قبل لا اعرفك اريد اطلع بعرسي اميرة
ارشد : حلوو وهاي و انتِ جاهلة ماتفكرين غير بالعرس
- اهوووووو
- هههههه كملي بالله تاشوف

يَاسمين: اني بس دُرة تعرف ذوقي وتعرفني شنو اريد و هي متكدر تجي لهنا
لو تخليني اروح يمها لو تخليها هي تجيبلي و من تجي انتَ جيبهن وياك
ارشد : هن شنو غير افتهم !
- البدلات و التاج و الورد و كلشي يعني
- وعَش يابة متروحين وي ام قيصر
- لا هسة يجوز ميعجبهن ذوقي و يكولن مو حلو و اني من يكولن مو حلو يخرب واهسي و راح اضل افرفر و يخلص الوكت اني اريد دُرة تجيبلي
هي تختارلي كلشي احبة ، عفية لا تعارض

ارشد : ما معارض بس زحمة و اني مكفل امينة هساع تاخذ بخاطرها
بس يالله يالله مو مشكلة اني افهمها و تكچ راح اخلي منصور ينطيها الفلوس
تاتعجبج الاجواء ؟
- يي حلوة حيل و انتَ شوكت تجي
- ما بقى بس هالايام تـا اخذ اجازة عشرين يوم لخلقتچ الزفرة

- عشرين يوم تبقى متطلع حتى بالشارع
ارشد : لا يولي هساع انتِ وحدج تملين و دكليلي اطلع
يَاسمين: اني امل منك ؟ شلون انتَ الحبيب اكو واحد يمل من روحة