رتبة و ظفيرة

الحَلقة 44 ⚜️

التَـصويت شـذرات + مُتابعة لحساب الواتبـاد
رِتبة و ظفيرة
رُسل فَهد
...

اليـشبه اسمك گمت إحاچـي
حتى إذكر اسمك و استلذ بي
من كثـر ما تطري إعلة بالي
سميت بأسمـك كِـل جهـالي
- حسين العميدي
...

يَاسمين
سحبت دشداشتة النازعها اخر شيء حضنتها و امسح دموعي بيها
رجعت نمت و كل ما اكعد احضنها نزلت الظهر و اني عيوني مورمة من البجي
يباوعن الي بطرف عيونهن
سَهلة : تعالي هينا تعالي يولي لا تبجين ورا مايصلح
رحت يمها و اني مهضومة خليت راسي بحضنها
يَاسمين : سَهلة بعدني اول يوم و اشتاقيتلة

سَهلة : هههههه ياطركاعتو و ماجذب من سماج طركاعة
ام ارشد : خلي تشتغل وي البنوات لا الحجي تتغير موجتو
تركتها و كمت ادري بروحي ما الزم لساني و ادري بيها تحفص رحت للمطبخ اباوع للباب مو حلو البيت بدونك يالحبيب

كل ما يشوفني يفتحن موضوع الشغل عبالك البيت واكف علية تركتهن و صعدت
الليل كلة فاتحة كنتورة و ابوس بقمصانة و لمن يطر الفجر انام ما انزل للعصر اول ما تصير بـ 12 احسب اليوم خلص و نقص يوم من العَشر ايام
و يا فرحتي من عبرن الخَمس ايام و بدة العد التنازلي

يخابرني اكثر الاوقات بس اني مشتاقة الة هوَ مو بس صوتة
هاي العشرين يوم عاد بيها تعلقي الجان بالمراهقة قاطات اذا جان المَي
هسة احسة صار الهوى

شعور متعب انتَ من الدنيا كلها عندك شخص واحد بَس
فتحت الجرارة الي يم راسة اكلب بمحابسة واحد احلى من الثاني باعوت شكم جكارة مشمورة بالجرارة ادري بنفسي دنية صارت عندي صحوة ضمير عقجتهن و شمرتهن
واني اردد لا ياسة لا صرتي مرة متزوجة عيب حبيبتي

بعدني احجي و دَگ تليفوني ركضتلة حساب ابو فزعة جاوبت اجاني صوت ارشد
ارشد : هـا حَبيبي شالاخبار
- شوكت تجي
ارشد : السبت الصبح تكعدين تلكيني يمج واذا كدرت اجي الجمعة بالليل
- الجمعة لان تعبت البيت بدونك مو حلو
- اه ؟ صدك ؟ شلون بالله
يَاسمين: عبالك اظلم و هوى ماكو كلشي مو حلو
ارشد : صحيح بَـس انتِ بينة حلوة

سكتت و مسحت دمعتي هو جر نفس طويل و اردف
ارشد : تبچين يولي ؟ طرگاعة !! الو
- لا
- و تچذبين ؟
يَاسمين: اي أبچي تعال لا تعوفني
حول الاتصال كاميرة مسحت دموعي و جاوبت

اباوع كاعد على الكرسي و يحرك روحة منا و منا
دَگ  الميز بطرف اصبعة و اشر على نَفسة
ارشد : اني اعوفج يولي اني ؟ و داعت ظفيرتچ النگصت علمودي
احقق وياهم و بالي يمچ اطلع واجب وبالي يمچ ول يابة انتِ الحبيبة انتِ
اباوعلة مبتسمة و امسح بدموعي