رتبة و ظفيرة

الحَلقة 14 ⚜️

رِتبة و ظفيرة
..
اذا تَصنعت النَفسُ على صِفةً
تَعودت عليها ، إما بَعد لا تتصنعَن الا بالقوة ..
...
ام باسم: اسمعيني زين
شام : خيرك ستي شو بعمل

ام باسم: تخلينو يعشگها
شام : مين ؟
ام باسم: الي يحبها ارشد
شام : والله ما عاد يتحمل هالشَب

ام باسم: و انتي شلچ غرض ضناج لو ضنانا ؟
شام : وبعد شو أعمل

ام باسم : خلي يهواها و الباقي سَهل
...

يَاسمين

ما أجمل الحياة بِرفقة مَن نَحب ؟
فقط إنفاسهم الدافئة تُشعرنا بالامان ، يا ليت مَن نحبهم لا يذهبون

راح و دموعي ورا
طلع من الباب و اني بَعدني أباوع من الشباك
چان هالمرة جاي بدون سيارة رفع راسة إبتسم و أشرلي على گلبة
يعني أني هنا ؟

لو صدگ تصير و يضمني بگلبة !
كُل هالدنيا مو بحاجتها أني خسرت هواي وهوَ عوضي التمنيتة

قطع حديثي وي نفسي دخول سَمر تُغمز
سَمر : بَشري ؟
يَاسمين: گالي احبچ يعني اني اليحبها !

سَمر: آوه و أخيراً راح اخلص منچ و مِن نَكدچ
يَاسمين: شوكت يرجع ؟
- ولچ بعدة ما وصل راس الشارع

غَمضت و أحس كُلشي بالدنيا صار حلو توضيت و فرشت السجادة ووعدت رَب العالمين ثُم نَفسي ما راح أكطع صلاتي و مِن هاللحظة يَارب انتَ صديق عُمري لأن انتَ الوحيد الي تفهمني بدون حچي ..

و الوحيد الي أگدر أسرك و أدري الحچاية تضمها يمك
وتعرفها قبل لا احچيها ..

و انتَ الوحيد الي گادر تعوضني و تجبر خاطري و تسامحني مهما كثرت اخطائي بدون مَتلومني و تقسي عَلية ..
خَلصت الصلاة و نِمت براحة كأني أنظف بَشر على وجه الكرة الارضية

بدت أمتحانات نُصف السَنة و چان عِصام الي ياخذنة و يودينة
علاقتي ويا صارت حلوة لأن ماكو فرق جبير بينة بالعمر چنت
حاسبتة اخوية وكل ضني هو هم معتبرني هيج

بسبب عدم احتوائي بعائلة من صغري ما جنت اعرف مو كل الاشخاص لازم نقترب منها و نضحكلها اكو اشخاص معاملتها تقتصر بس على السلام حتى نكدر نتلافة اشياء ممكن تحصل بالمستقبل