#روايات_يمنيه #ستنتهي_الحرب_ولكن
في مكان بعيد عن اجواء الحرب في منتصف اليل اخر الليل جاء من عند شلته بيفكر كيف يدخل البيت من غير م يحس ابوه وامه. دائما يصيحوا فوقه.. يفتح الباب.. دلا دلا دخل ويغلق الباب الا ويسمع ابوه
كنت اتاخر للفجر احسن بصوت معصب ومرتفع وين كنت لاذلحين انا ايش قلت لك
بخوف وصوت منخفض: كنت عند صاحبي مريض بالمستشفى
لاتكذبش وين تروح يامجد
مجد:يبه انا قدنا كبير م اشتي احد يتدخل بي بعدين اجلس بالبيت ايش اسوي
الاب سعد:بكره معك مدرسه ليش تتأخر لاذا الوقت
مجد:وانا م اشتي ادرس
الاب سعد:انت اشكر ربك انك تدرس في ناس يتمنوا يتعلموا
مجد:ايش افعل لهم
الاب سعد:والله لو مره ثانيه تجي مثل هذا الوقت ماتدخل بيت
مجد:خلاص يكفي تتحكموا بي انا اشتي اعيش مثل ما اشتي كل شي مجد لا تروح مجد لاتجي مجد لاتتأخر انا مش عادنا صغير انا قدنا كبير... وراح الغرفه
الاب بصوت معصب:ايوه عادك صغير ودخل عند زوجته وهو تاعب من مجد..
في الغرفه جالسه تسمع زوجه وخايفه على ابنه من غضب ابوه.. قالت هذا المره مارح تدخل يكفي المره الاوله.. ما ذلحين خليه يتربي احنا نقلق عليه وهو م يحس بنا... سمعت الغرفه تنفتح: والله ما دريت م افعل لاابني ايش ناقصه لما يفلتنا ويخرج يجي اخر اليل م يسمع كلامنا
والله ياسنا قد هذا الولد رح يطلع لي الشيب انا يومي اكلمه هو م يفهم اليوم شفتي كم تأخر وبكره معه تسجيل في المدرسه كل مننا خلينوا دلوع حنا م معانا لاهو زيدنا بدلع
نزلت من عينها دمعه مسحتها بسرعه عشان م يشوفها زوجها تبكي
نرجع لليمن
كان في السياره يراقب البنت من بعيد لما شافها مشت لوحدها رح لها
البنت تمشي تشتي توصل بسرعه عند امه وشافت تجاهها
***وين ياحلوه يضحك بصوت مستفز وين سوبرمان عشان ينقذك
البنت:انت مره ثانيه ايش تشته مني.. سمعت صوت جوالها يرن
تشتي تفتح الشنطه الا واخذها منها
****اوف من ذا الي يتصلك بعدين مسجل بلانجليزي .. طبعاً كانت مسجله لاامها بلانجليزي mama) رد عليها الوو
الام :من انت وين مريم
*** اهاا اسمها مريم حلوو مريم ماعاد ترجع ياحجه وسكر الخط
مريم:تف عليك ياكلب هات جوالي
***امك صوتها حلوو تشرفت بمعرفت اسمك احم اقدم لك نفسي مروان
مريم خايفه على امها لايصير لها شي بعد ما رد عليها:تشتي تهرب..لحق بعدها مسكها من معصمها وغطا بيده الثانيه على فمها...مريم تحول تدهفوا بكل قوتها وتقول يارب انقذني منه فتحوا باب السياره يشتوا يدخلوها سمعوا صوت عمر
عمر ووليد لحقوا بعدها لاني عمر مااطمأن رح بعدها سمعوا صوت مريم تصرخ.. عمر قال لوليد انت اجلس هنا شكلهم عصابه مايطمنوا لو وقع شي انا بأ شر لك تجي وراح بتجاه مريم
عمر:انت ياحيوان والله لااشرب من دمك
مروان: اوه جا سوبرمان ايش في تلحق بعد البنت ليكون انتم روميوا وجوليت وغمز له
عمر:سريع فلت للبنت ورفع السلاح يشتي يخوفه عشان يفك لها
مروان: اوه صراحه خفت منك والله لو ما تنزل السلاح لقتلها قدام عينك ورفع السلاح فوق راس مريم
عمر:شوف انا ما احب الف ودوران ما احب التهديد قلت تترك يعني تتركها ولا بيكون حسابك عسير
مروان: يلا هات المسدس ورحتلك من هانا سريع قبل ما تشوفها جثه
عمر شاف وليد ورا الي خاطف مريم وغمز له:تمام تمام بسلم المسدس بس لاتذي البنت
مروان: تعجبني ايوه هات المسدس ياريميو عاد يشتي يأخذ المسدس من عمر يجي له وليد من وراه
وليد:وقعت بيدي ياكلب..دهف وليد مريم عشان تهرب وفعلوه لطمه ضربوه زبط ودكم لما داخ م يقدر يتحرك
مريم خايفه وتبكي
عمر: والله لو اشوفك مره ثانيه بهذا الشارع ما فلت لك جثه سمعت
مروان ما يقدر يتكلم يهز راسه هزيز
عمر بعصبيه:يلا سرعه من قدامي
طلع السياره ترك مريم وفحط وهو يتوعد لعمر وليد بقتلهم
مريم:انا انا ما اعرفش كيف رح اشكركم انقذتوني مرتين
عمر: احنا فعلنا واجبنا
مريم بخوف:اوف نسيت امي ذلحيت تكون قلقت عليا الكلب الواطي مروان اقلقها يارب لطفك بامي يلا باي
وليد: احنا نمشي معك لما توصلي بيتكم
مريم بأحرج: طيب باقي شويه نوصل بيتنا
عمر:ان شاءالله مايكون صار لها شي امك
مريم:انشاءالله
بعد عشر دقايق وصلو مريم بيتهم قد كان قرب الفجر بس كانت المفاجأة!!!!
أنت تقرأ
ستنتهي الحرب ولكن 💔
Mystery / Thrillerحكم علينا بالحرب تفرق موت اشتياق حب حنين . . قلت لها وانا انظر الى الفراغ: متى ستنتهي الحرب اجابت وهي تعض ع شفتيها باالم: لا ادري ولكن اعرف انها ستنتهي قلت بألم : اتعلمين سمعت هذا الكلمه كثير حتى اني اصبحت يآسه من ان الحرب ستتوقف قالت وهي تحاول...
