#ستنتهي_الحرب_ولكن
"إننا محكومون بالأمل وما يحدث اليوم لا يمكن أن يكون نهاية التاريخ "
سعد مصدوم من جده كيف يوافق بدون م يأخذ راي البنت شاف ابوه ابوه اشر له بعيونه يسكت
راجح: متى م انتم جاهزي نحدد متى العرس يكون
ابو ناصر: اصدق انا مستعجل واشتي افعل العرس سريع لان ابني بيرجع يسافر
الجد:خلاص العرس بعد ثلاثة ايام يوم الخميس مش ضروري نتأخر
راجح كان بيعترض على ابوه بس تراجع جلس ساكت
ابو ناصر: يلا تمام بعد يومين بعد يومين الكل مشي ماعاد اصحاب البيت
سعد: ليش كذا فعلتوا ياجد
الجد بصرامه:الكل يخرج اشتي اجلس انا وابوك بس ليت انا بس اسمع واحد يتكلم مع النسوان بحرف خرجوا كلهم عاد الجد.وراجح
راجح:احس انك تأخرت
الجد: المهم سمعتنا ياابني م نشتي احد يتكلم بسمعتنا ليش احنا نتسرع عشان الناس يقولوا يعلم الله ايش بينهم
راجح حس ان كلام ابوه صح: صح كلامك يابه بس انا م اشتي ابسر صورتها اشتي اتخلص منها
الجد:هذا نهاية دلعك روح كلم زوجتك وخليهم يتجهزوا للعرس
راجح:خلاص يابه الان بروح اكلمهم
اليوم الثاني راحت المدرسه هدى كل البنات يسألنها على خطبتها من ناصر بس هي ماردت عليهن رجعت البيت بعد.م خلصت الاختبارات راجح والجد م كلموا احد على سبب تزوجهم ل هدئ خلوها تروح تكلم اختبارها عشان م حد يحس..
في يوم العرس البيت كان مليان معازيم وغير معازيم كانت سميحه جنب هدى تلبسها وتكوفرها هدى تبكي
تعرفي ياسميح ابي ولا جدي شفتهم يتجنبوا الكلام معي
سميحه: اتتي هبلا تبكي بيوم عرسك بعدين الكلام الي سمعوه خالي وجدي ماهو قليل تعرفي عبد المحسن كيف بيزيد لكن ان شاءالله بينسوا ويرجع خالي مثل م كان يحبك اشتيك ذلحين تمسحي دموعك تمام
هدى تحس نفسها مخنوقه :تمام
خلص العرس وانتهى مشت الايام جاء وقت سفر ناصر للمدينه عشان شغله اخذ معه هدى عاشوا في المدينه (صنعاء) هدى ماقابلت احد من اهلها ولا احد قابلها لانها كانت في قريه وهم في قريه تمنت انها تشوفهم لكن هذا غلطها لازم تتحمله قالت بنفسها لابد ابوها واهلها يوم يسامحوها..عاشت مع ناصر بهدوء شهر كامل في (صنعاء)
في الصباح كان ناصر يتجهز عشان يخرج اوقفته هدى
هدى: ناصر اشتي اعرف ابي ليش ماسأل عليا ولا امي ولا احد شهر وانا هنا م حد كلمني
ناصر: انتي مجنونه ولا ايش افهمي يابنت انسيهم هم ماعاد يشتوا يشوفك
هدى:انا السبب
ناصر خرج وغلق الباب هدى بكت بقوه تذكرت اهلها افتقدتهم ماتعرف متى بتلتقي بهم حست نفسها تاعبه وغاثيه سمعت الباب اندق راحت تفتح:من
انا انا جميله جارتكم..فتحت الباب وسلمت عليها:ارحبي
جميله:شفت زوجك خرج قلت بجي اتعرف عليك
#ستنتهي_الحرب_ولكن
هدى راحت المطبخ تفعل قهوه وجلست هي وجميله واتعرفوا
جميله : شكلك تاعبه
هدى: شويه تعب وبيروح
جميله: باايش تحسي
هدى: احس بدوخه وصداع وبطني تعورني
جميله : يمكن تكوني حامل
هدى: صدق
جميله: ايوه
جميله: خلاص يلا مع السلامه انا بروح بس ها تكوني تجي عندي الباب جنب الباب
هدى : تمام
مرت الايام وكانت هدى تروح بيت جميله وجميله تجي عندها واكتشفت انها حامل بس ما كلمت ناصر من صدق ماكنت تحس بالوحده مع جميله كانت مثل اختها وام جميله مثل امها..في يوم من الايام
هدى:كيف ترجعي القريه وتفلتني وحدي هنا
ناصر: انا بروح وارجع بسرعه مش ضروري تجي معي
هدى: من صدق
ناصر:ايوه
هدى بحزن :خلاص طيب
ناصر رجع القريه وتأخر كثير انتظرته هدى يرجع مارجع عدة الايام والاسابيع اجاء صاحب العماريه عشان الاجار ماكانت معاها قالت له لما يىجع زوجي
صاحب العماريه مهلها اسبوع اذا مارجع رح يخرجها من الشقه راحت عندجميله تكلمها
جميله: هو ايش قال لك
هدى:قال بيروح ويرجع بسرعه ذلحين انا ايش افعل قد انا بجنن حتى صاحب العماريه يشتي الفلوس
جميله: والله زوجك غريب كيف يتركك وحدك
هدى: ايش افعل يااختي انا تعبت من الوحده
جميله:الله يعينك ياختي بس انا بجيب لك الفلوس
هدى:لا لا م يصلح قد تعبتكم معي يكفي المصاريف الي جبتوها لي طول غياب ناصر
جميله:ايش ذا الكلام انتي مثل اختي
أنت تقرأ
ستنتهي الحرب ولكن 💔
Mystery / Thrillerحكم علينا بالحرب تفرق موت اشتياق حب حنين . . قلت لها وانا انظر الى الفراغ: متى ستنتهي الحرب اجابت وهي تعض ع شفتيها باالم: لا ادري ولكن اعرف انها ستنتهي قلت بألم : اتعلمين سمعت هذا الكلمه كثير حتى اني اصبحت يآسه من ان الحرب ستتوقف قالت وهي تحاول...
