عند (مريم)في غرفتها فوق السجاده تدعي ربها يارب انا مااعرفش ايش افعل انا مقيده دلني ع الطريق الصحيح يارب انا تركت العمل معاهم مااشتي اعيد نفش الغلط يكفي مامريت به انا مقيده يارب.. مااشتي انجبر مره ثانيه بس يارب امي مريضه لازمها عمليه يارب مابقي لي احد غير امي لاتخليني اعيش بدونها يارب اشفها يارب... نزلت دمعتها.. انفتح الباب دخلت خالت مريم جميله
جميله: مريم
مريم تمسح دمعتها: هاا خاله
جميله: يلا يابنتي جي تعشي معانا
مريم: طيب شويه امشي وانا بجي بعدك
جمليه:لاتتأخري
مريم:طيب ياخاله...مشت خالت مريم مريم رفعت ساجدتها وغيرت لبس الصلاه بجامه منزليه كانت بتخرج من الغرفه سمعت جوالها يرن مسكت الجوال وفتحت وهي مستغربه من الرقم الغريب قد شافته من قبل بس م تعرف حق من ردت حطت السماعه على اذنها
مريم:الوو
مريم شوفي لاتحاولي تهربي من الموضوع الي قلت لك عليه والا والله لتشوفي يوم ماقد شفتيه بحياتك
مريم وعلامات التعجب في وجهها :من انت كيف تتحاكى معي كذا
وائل: ههههههه اوف نسيتي صوتي لا لا مستحيل واحد ينسى صوت وائل
مريم قد عرفت من هو بس تشتي تبتعد عنه : شوف انا مااعرف من انت اكيد تكون غلطان.. باي مع السلامه كانت بتفصل المكالمه بس وقفها صوته
ملاحظه (وائل اكيد عادكم تعرفوا الشخص الي التقى هو ومريم في المستشفى في الصباح)
وائل: لاتلعبي معي انا عارف ان انتي عرفتي من انا والله يامريم مامعك الا خيارين ياترجعي تشتغلي عندي يا تشوفي موت امك تسمعي
مريم:شوف ياوائل ماعاش من يهددني شغل معاكم ما شارجعش اشتغل معاكم واخر مره تتصل لي بعدين منين لك رقمي
وائل:خلاص انتظري موت امك اما الرقم في اشخاص هم الي جابوا لي عنوانك ورقمك اعرف وين انتي ساكنه
مريم قلبها يدق بسرعه هي تخاف منهم تعرف انهم مايخافوا من الله بيفعلوا كل شي عشان انا ارجع الشتغل معاهم:وائل اسمع انا موافقه نلتقي بكره الساعه ثمانيه صباحا تجيب الفلوس معك اول شي
وائل:كنتي وافقي من اول شي يلا طيب اتفقنا باي مع السلامه
مريم بعد ماانتهت المكالمه بكت بشده بصوت يقطع القلب دخلت عليها خالتها وشافتها تبكي بخوف:مريم بسم الله عليك ايش فيش
مريم حضنت خالتها لاول مره تبكي قدام احد
جميله:مريم عاد انا خرجت من عندك ماكان فيش شي قول لي ايش الي يبكي يابنتي
مريم ينزلوا دموعها بلا رد
كانت ام مريم في الصاله منتظره لمريم تخرج من الغرفه عشان يأكلوا ماتقدر تقوم تشوف ليش تأخرم نادت:مريم جميله وينكم انا جاوعه
مريم سمعت صوت امها ومسحت دموعها وبتعدت من حضن خالتها وقالت :خاله انا مابين شي بس تذكرت ابي
جميله: ادعي له بالرحمه يامريم مع اني عارفه انه الي يبكي شي ثاني
مريم تحاول تبدوا طبيعيه: لا لا مافي شي ثاني يلا ياخاله امي بتقلق يلا نروح ناكل
جميله في نفسها انا اعرفك يامريم مصيرك ترجعي تحاكيني: اوف كيف نسيت تأخرنا على اختي
جلست مريم وخالتها على سفرة الاكل كانت عيون ام مريم على بنتها مريم شافت نظرات امها لها قالت:مامي فيك شي
ام مريم ولابتسامه بوجهها:لا لا بالعكس اليوم حاسه نفسي بخير مافيني شي
جمليه:ان شاءالله على طول نشوف ابتسامتش
مريم:الحمدلله بس نسوي العمليه وتكوني بخير
ام مريم بسرعه انفعلت : مريم خلاص انا مااشتي افعل عمليه مابيش لها داعي ابسريني انا بخير مرتاحه يابنتي اول مره احس بهذا الشعور
مريم بقلق:ياامه انا مارح ارتاح الا لما تفعلي العمليه ياامه اشتي اتطمن عليك
جمليه:صح كلام مريم ياهدى لازم تفعلي العمليه
ام مريم (هدى):اوف مالش ياجمليه وقفت مع مريم قمتي تسايريها عقليها بعدين ليش الخساره وانا اعرف ان مريم مامعها فلوس انا مفتهنه مابيني شي قامت من طاولة الاكل وهي زعلانه
مريم:يامه ارجعي خلاص لاتزعلي سارت بعدها للغرفه شافت امها تبكي قربت لاجنبها:مامي لاتزعلي مني او من خالتي احنا نشتي نشوفك بخير نشوف ابتسامتك
ام مريم( هدى):بلا رد
مريم: يعني ماتحبني انتي
ام مريم( هدى) بابتسامه تعرف بنتها تجلس تقول لها هذا الكلام من وهي صغيره حضنت مريم: مريم انا مااشتي اتعبك على الفاضي اسمعي مني اذا انا بموت هذا مكتوب من الله ماحد يقدر يرجع قضاء الله وقدره اذا كان لي عمر اعيش معك بعيش معك
أنت تقرأ
ستنتهي الحرب ولكن 💔
Mystery / Thrillerحكم علينا بالحرب تفرق موت اشتياق حب حنين . . قلت لها وانا انظر الى الفراغ: متى ستنتهي الحرب اجابت وهي تعض ع شفتيها باالم: لا ادري ولكن اعرف انها ستنتهي قلت بألم : اتعلمين سمعت هذا الكلمه كثير حتى اني اصبحت يآسه من ان الحرب ستتوقف قالت وهي تحاول...
