عيناها كالقه‍وه..💙

الرحلة الغامضة

---

بعد فترة:

**محمد:** صباح الخير يا حوري.

**حور:** صباح النور. صح، أنت هتروح النهارده المدرسة؟

**محمد:** معرفش بصراحة، بفكر ما أروحش. أنتي هتروحي؟

**حور:** بفكر أروح، هشوف صحابي كده لو راحوا هروح.

**محمد:** ماشي، لو إنتي هتروحي أنا هروح.

**حور:**من خلال جروب الواتس اب،  إنتو هتروحو المدرسة انهاردة؟

**رقية:** أنا هروح.

**سلمي:** وأنا كمان.

**حور:** خلاص، ماشي، نبقى نتقابل بس متنسوش تعدوا عليا علشان نبقى نروح مع بعض.

**حور:** ايه يا محمد، أحنا هنروح؟

**محمد:** خلاص، ماشي وأنا كمان.

*في المدرسة:*

**مديرة المدرسة:** السلام عليكم يا أولاد، قررنا نعلن عن رحلة لدريم بارك بـ 200 جنيه يوم الخميس الجاي.

**حور:** أنا عايزة أروح، تعالوا نروح ونغير جو بجد.

**رقية:** آه وأنا كمان عايزة أروح.

**سلمي:** مش عارفة هحاول أقنع ماما.

**حور:** خلاص، ممكن نكلمها ونقنعها.

**سلمي:** خلاص هحاول معاها، لو معرفتش هخليكوا تكلموها.

**حور ورقية:** ماشي.

*تتصل سلمي بأمها:*

**سلمي:** إيوا يا ماما، في رحلة دريم بارك الخميس الجاي بـ 200 جنيه، ممكن أروح وأه رقية وحور هيجوا معايا؟

**ماما:** خلاص، ماشي يا حبيبتي، طالما هتبقوا مع بعض، روحوا.

**سلمي:** شكرًا بجد، يا روح قلبي، صح خلاص قربت على البيت، أهو.

**ماما:** ماشي يا حبيبتي، ابقي خلي بالك من نفسك، باي.

**سلمي:** يا بنات، ماما وافقت  الحمدلله

**حور:** أخيرًا .

**رقية:** أحنا نجهز السندوتشات من دلوقتي مفيش وقت للتفسير.

*بعد أن كل واحد راح على بيته:*

**حور:** صح محمد، أنا هروح الرحلة مع رقية وسلمي، أنت هتروح؟

**محمد:** لا، ممكن ما أروحش بصراحة.

**حور:** ليه بجد، تعالي.

**محمد:** خلاص، مش مهم، المهم إنك تتبسطي.

*اليوم التالي في المدرسة:*

**إيه:** آه صح يا بنات، إنتوا هتروحوا الرحلة؟

**رقية:** آه إن شاء الله هنروح، أحنا التلاتة.

**إيه:** صح يا حور، هو محمد رايح الرحلة؟

**حور:** لا، مش رايح للأسف.

**إيه:** أزاي يا بنتي، ده رايح، عرفت من باسم صاحب محمد.

**حور:** مش عارفة بصراحة.

*بعدما ذهبت إيه:*

**رقية:** مالها دي؟

**سلمي:** مش عارفة بجد، وبتبص بشكل مش مريح.

**حور:** مش عارفة بس هو في العموم قالي إنه مش رايح، ممكن يبقى عامل ليا مفاجأة.

**سلمي:** آه، فعلا ممكن يبقى عاملها مفاجأة.

*حور عندما روحت:*

**حور:** صح يا محمد، أنا ممكن ما أروحش الرحلة.

**محمد:** إيه ده، ليه ما تروحي مع صحابك؟

**حور:** لا، مش هروح.

**محمد:** على فكرة، أنا رايح، بس كنت عاملها ليكي مفاجأة علشان كان نفسي أشوف رد فعلك.

**حور:** ما أنا عرفت من إيه انهارده إنك هتروح، باسم قالها 😂.

**محمد:** رد بقلق، ماشي.

*"لكن يا ترى، هل هذه صدفة أم أن محمد يخفي شيئًا عن حور؟ سنعرف ذلك في البارت الجاي 🤍"*

---

الكاتبه:مريم علي🤍