و نزلو من اليخت و لعبو بالأوان بس عمر كان غصب عنه بيبص علي حور و ضحكها و هزارها مع صحابها وابتسامتها الجميلة
عمر لنفسه: ياربي انا مش عارف مالي بجد من اول ما شوفتها في الجنينه وهي مفارقتش بالي
شادي: مالك يا عمر سرحان من اول الرحله انت كويس ولا بتحب ولا حالتك ايه بالظبط
عمر: مش عارف في ايه بس فكك يلا
"عند البنات"
سلمي: انا اتخنقت من الألوان تعالو نرتاح شوية
حور: انتي كويسة ولا ايه اجبلك عصير
رقية: استني انا معايا، تعالي نقعد هناك طيب
سلمي: شكرا يا حبايب قلبي
حور: ولا يهمك يا قلبي المهم انتي كويسة دلوقتي ولا ايه
سلمي: اه الحمدلله احسن بس الالوان خنقتني شويه
رقية: طب خلاص خلينا قاعدين هنا ونشوف مثلا لو ينفع نروح كافية قريب من هنا نجيب كوفي من هناك علشان تفوقي كده
حور: طب خليكي معاها وانا هروح اسأل او بصي انا هقول لحد بس اننا هنروح ويبقي يبلغهم
حور: لو سمحت
عليا: اتفضلي
حور: انا صحبتي دايخه وكده وهنروح نجيب كوفي ف ممكن بس تبلغيهم لان احنا هنروح دلوقتي واسفه لو هدايقك
عليا: لا ولا يهمك حاضر
حور: تسلميلي بجد
رقية: شكل حور جايه مبسوطه
سلمي: يبقي قالتلها وهي وافقت
حور: ايه يا بنات يلا نجيب كوفي بس بسرعه بقا
سلمي: هي هتقولهم صح انتي متاكده
حور: اه إن شاء الله
" وعمر كان مستغرب و قلقان هي حور بتبعد رايحة فين"
حور: لو سمحت عاوزين ثلاثة ايس كوفي و عوزاه تيك اواي لو سمحت
"بعد عشر دقايق"
اخدو الايس كوفي و راحو للمكان اللي المفروض يكونو فيه وسلمي كانت قلقانه انهم يكونو مشيو بس كانت الحفله لسه شغاله وبتنتهي
رقية: ايه يا سوسو حاسه نفسك احسن دلوقتي
سلمي: اه الحمدلله بس كنت قلقانه انهم يمشو ومحدش يكون عارف اننا مشينا
حور: حتي لو فداكي
سلمي: انا بحبكو اوي وبجد انتو دايما واقفين في ضهري ومعايا علطول
حور: احنا ملناش غيرك اصلا يا نور عين صحابك
"في الناحيه التانيه"
"عمر اطمئن لما لاقي حور و صحابها جم وكان في ايديهم الايس كوفي محصلش لحد حاجه"
عمر: شادي بقولك ايه ما تيجي نقعد شويه انا تعبت بصراحه
شادي: وانا اوي، كويس ان احنا جايبين سندوتشات و عصاير انا فرهدت
عمر: طب خلاص تعالي ناكل احنا من الصبح مكلناش حاجه
"وقعدو مع بعض و كل واحد اتبسط مع صحابه وكان يوم محدش فيهم هينساه و روحو باليخت وبعدها كل واحد رجع بيته "
حور: وحشتونيي
ميرفت: وانتي كمان يا نور عين ماما عملتو ايه اتبسطو
حسام: الغدا و الفطار كانو ناقصينك بجد وحشتينا اوي احكيلنا بقا عملتي ايه في يومك
وحكت ليهم كل اللي حصل وكانت تعبانه من المشوار راحت علشان تنام وهي علي السرير افتكرت عمر وسرحت وفي ابتسامة صغيره اترسمت عليها بس بعد كده
حور: لا بجد انا بفكر في ايه انا حبيته ولا ايه اكيد لا
و من التعب راحت في النوم
"طب ياتري ايه مصير محمد هل فعلا هيفضل متمسك بأمل ان حور هترجعلو ولا هي فعلا بدأت تحب عمر وده هنعرفه البارت الجاي🤍
للكاتبة: مريم علي 🤍
أنت تقرأ
عيناها كالقهوه..💙
Lãng mạnتجد نفسها بين حب قديم ومستقبل جديد، بينما يسعى لاستعادتها بأي ثمن. وسط التحديات، تتغير مصائر الجميع، وتظهر فرص غير متوقعة للحب والحياة.
