حور: بنات احنا لازم نتقابل انهارده
رقية: ايه ده هو في حاجه ولا ايه
سلمي: مالك يا حور انتي كويسه
حور: فاكرين محمد اللي كان معانا في المدرسه
رقية: اه ماله
حور: طلع هو اللي متقدملي
سلمي: انتي بتهزري طب استني ننزل نتقابل احسن
رقية: خلاص ننزل نتقابل في الكافيه اللي جنب بيت حور
حور: خلاص ماشي هشوفكو هناك
"في الكافيه بعد ما حور حكت كل حاجه حصلت"
حور: بس وهو ده اللي حصل
رقية: يعني انتي فعلا مش عيزاه ولا علشان انتي شايله من الموضوع اللي حصل
حور: بصراحه الاتنين مش عاوزه اشوفه تاني ولا هنسي اللي حصل
سلمي: طب خلاص يا روحي اهدي المهم انك كويسه وحاولي تنسي الموضوع ده انا عارفه انك مش مش مرتاحه نفسيا من ساعت ما شوفتيه بس حاولي تنسي علشان تعيشي مرتاحه
حور: عندك حق يا سلمي وانا فعلا مبقتش بحبه
اه صح انا اسفه علشان بوظت الخروجه في نصها الصبح
سلمي: تعيشي و تبوظي يا صحبتي😂🤍
رقية: المهم انك بخير🤍
"عند عمر"
"كان قاعد بيفكر في البنت اللي شافها وابتسم بس رجع استغفر ربنا ورجع يركز في المذاكره
لكن قطع تفكيره صوت رنه موبايل"
عمر: ايه يا شادي عامل ايه
شادي: الحمدلله
بقولك ايه ما تيجي ننزل حجز كوره
عمر: بص بلاش دلوقتي لاني بذاكر
خليها بكره احسن
طب بقولك ايه ما تيجي نذاكر مع بعض
شادي: خلاص ماشي جايلك
"عند مالك"
مالك: خلاص يا محمد انا اول مره اشوفك في الحاله ديه
محمد: انا مش فاهم هي ليه رفضتني ما خلاص الموضوع خلص من بدري مش عايزه اننا نرجع ونتخطب ليه
مالك: لان هي مش عارفه تنسي اللي حصل بس خلاص إن شاء الله ربنا هيعوضك بالاحسن حاول تنساها
محمد: انا لو عرفت انساها كل الفتره ديه مكنتش قررت اروح اتقدملها
مالك: بس انت محاولتش تنساها انت كنت بتشغل عقلك بس مكنتش بتنساها
محمد: انت تعرف يا مالك انا كنت بحكيلها ان انا بقا عندي شركه ودخلت الكليه اللي بحبها قالتلي ما شاء الله وبعدها بشويه قالتلي بس انت جاي دلوقتي ليه انت متخيل هي قد ايه هي كانت بترد علي قد السؤال ولا عايزه تشوفني انا غلطت في حقها بس مش للدرجه ديه
مالك: انا متفهم اللي انت حاسس بيه بس بردو لازم تبص للموضوع بشكل مختلف يعني انت كنت هتسامحها لو انت كنت معاها وهي قعدت تكلمك وحش بعد كده تكتشف انها بتخونك كنت هتفضل بتحبها بردو ولا كنت هتشيل منها وكنت مش هترجعلها اصلا
محمد: .....
مالك: انت لو مكانها كنت هتعمل اكتر من كده كمان ومكنتش بصيت في وشها انا اسف لو دايقتك بس انت عارف ان انا بعتبرك زي اخويا وبكلمك بمنتهي الصراحه متزعلش مني
محمد: فعلا يا مالك انت عندك حق وبجد كلامك بيفرق معايا لانك بتقولي الصراحه مش بتنافق
ياتري محمد هيحاول مع حور تاني وهيتقدملها ولا خلاص هينسي وهيحب حد تاني و ده هنعرفه البارت الجاي🤍
للكاتبه: مريم علي🤍
أنت تقرأ
عيناها كالقهوه..💙
Romansaتجد نفسها بين حب قديم ومستقبل جديد، بينما يسعى لاستعادتها بأي ثمن. وسط التحديات، تتغير مصائر الجميع، وتظهر فرص غير متوقعة للحب والحياة.
