....
“ I don't know what it is
but I got that feeling ”
“ Waking up in this bed next to you swear the room, yeah, it got no ceiling"
အေးငြိမ့်ငြိမ့် ထွက်ပေါ်လာတဲ့ အသံဟာ ထင်မထားလောက်တဲ့အထိ ချိုသာမှု အပြည့်။ အကြောစိမ်းတွေ ယှက်ဖြာနေတဲ့ ရှည်သွယ်သွယ် လက်ချောင်းတို့က ဂီတာကြိုးအပေါ် ပြေးလွှားလျှက်။
“ If we lay ,let the day just pass us by ”
“I might get to too much talking ”
“ I might have to tell you something ”
သာယာတဲ့ ပတ်၀န်းကျင် အခြေနေနဲ့ ငြိမ့်ညောင်းတဲ့ သီချင်းသံတို့က ပြီးပြည့်စုံစွာ။ထို့ပြင် ဂီတာတီးရင်း သီချင်းကို အာရုံစိုက် ဆိုနေတဲ့ အသံပိုင်ရှင်ဟာလည်း သဘောကျဖွယ်အတိ ။
“Damn, I like me better when I'm with you”
“ I like me better when I'm with you ”
တဖျတ်ဖျတ် တိုက်ခတ်နေတဲ့ လေပြည်။ဖြာကျနေတဲ့ နေရောင်ခြည်တို့က ထိုလူအတွက် အားဖြည့်ပေးနေသယောင်။ မျက်စိမှတ်ပြီး သံစဉ်တွေထဲ စီးမြောနေတဲ့ ပုံရိပ်က ယောက်ျားချင်းပင် အားကျလောက်စရာ။
“I knew from the first time,
I'd stay for a long time”
“ 'Cause I like me better when ”
“I like me better when I'm with you ”
သီချင်းဆုံးမှ မျက််လုံးပြန်ဖွင့်လာတဲ့ ထိုလူက ဂီတာကို ဘေးမှာ အသာချရင်း သူ့ဘက််ကို မျက်နှာမူလာသည်။ အကြည့်တွေက တခုခုကို မျှော်လင့်နေသလိုမျိုး။
“ ဘာမှ မပြောတော့ဘူးလား ”
“ ဘာလဲ ဘာပြောရမှာလဲ? ”
“ ကဲပါ ထားပါတော့ ဘာမှမဟုတ်ဘူး ”
“ ပြီးတာပဲ ဒါနဲ့ ခင်ဗျား သီချင်းဆိုတာ ဘယ်ဆိုးလို့လဲ မိုက်သားပဲ ”
ခုနက မှုန်ကုတ်ကုတ် ဖြစ်ချင်နေတဲ့ လူက ခုမှ လိုချင်တာ ရသွားတဲ့ကလေးလို မျက်လုံးတွေက လက်ကနဲ။ ဘာလဲ။ သူချီးကျူးတာကို စောင့်နေတာလား။
“ အင်း မင်းသဘောကျတယ်မလား ”
“ နားထောင်လို့တော့ ရပါတယ် ”
သဘောကျသည်ထက် နားထောင်ပြီးရင်း နားထောင်ချင်လောက်တဲ့ အသံမျိုး။သို့သော် ပြီတီတီရုပ် ဖြစ်နေတဲ့ လူကြောင့် အမှန်တိုင်းတော့ မပြောဖြစ်။ အရူးကို ဘုံမြှောက်လို့ ဘယ်ဖြစ်မလဲ။
