#نبيد_احمر 2
اليتا Aletta
___________________♡
مالك :ماسكه من رقبته انا يا حقير تلعب من ورايا و يضرب فيه لعند ما وجه قعد دم
شخص:و الله كانت مضطر للفلوس و هما عرضو عليا الفلوس امي مريضه و محتاج الفلوس لعلاجها
مالك: ضحك وطبس عليه لالالااا امك مريضه تكذب عليا امك متوفيه من ثلاث سنين
شخص: مصدوم كيف عرف !
مالك:صبى .. خوذوه و أعزقوه في اي تركينه ورفسه في بطنه وعدى سيبهم
____________
الساعه 2 في الليل
.
مالك:خش الحوش و الدنيا ظلام فتح البلكوني ولع دخان🚬 و اتكا على الحديد و يدخن
فهميه:ولعت الضي لعند امتي حتقعد هكي اتروح عقابات الليل
مالك:نفخ الدخان غير انتي ما تفكريش واجد في الموضوع
فهميه:كيف ما انفكرش انت ولدي وما عنديش غيرك و ديما حنقعد مشغوله عليك
مالك:باس راسها وعدى
فهميه:اتبحت فيه ومش قادره ادير حاجه
_______________
يارا:قاعده على التلفون تقرا في روايه و كل اللي في الحوش راقدين .. فجأة تسمع صوت تخبيط برا و كأنه في حد يحاول يحل الباب
يارا:قربت و لقت باتها سكران وما حوته ما متوازن
مجدي:بحت فيها اووووو متشوها فيش اديري و يضحك
يارا:ضحكت بهزوه😏 غير شوف روحك حتى مشي مش قادر تمشي
مجدي:كاين يبي يضربها بس طاح على الوطا
يارا:ااخ يارب معاذ يا معاذ
معاذ:طلع و هوا يحك في شعره شن في تعيطي عقاب الليل🥱
يارا:تعال ارفع باتك
معاذ:اووف لعند امتى بس
يارا:و الله شكله الحاله هذي مستحيل تتغير
معاذ:حطا على الصالون و بحت في يارا انتي فيش اديري في الوقت هضا
يارا:شن اندير يعني قاعده انكلم في حبيبي
معاذ:نحكي جد انا
يارا:نحسابك تحكي على جدي 🙂
معاذ:يسمح في وجه استغفر الله وعدى و فاتها
يارا:قدامك الخير و ضحكت قعدت اتبحت في حالة باتها
_____________
ثاني يوم
.
مالك:في المخزن و حاط كراع على كراع و يدخن🚬
ساجد:يا راجل معقوله هكي امس شن قتلك و انت شن درت شوهتله وجه
مالك:عشان مره ثانيه معش يلعب بذيله مع العلم ان ذيل الكلب ديما يلعب🚬
ساجد:تنهد
مالك:عندك علم ان صار تهريب من مخازن الاسلحه
ساجد:اكيد نفسه كلب الحرام كان نحصل نقتله
مالك:عزق الدخان🚬 وخذا سلاحه خلاص هانت قريب حيكون لك
ساجد:مالك شن فيه في راسك
مالك:عدى بدون ما يرد عليه
ساجد:ربي يستر منك يا مالك
.
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
.
يارا:طلعت من دارها وهيا ماشيه للمطبخ سمعت امها وهيا تكذب وتنافق كيف مجدي امس جابلها باقة ورد عشان يراضيها وقالت جايبلها خاتم ذهب بهضك المبلغ يارا جاها فضول تشوف هضك الخاتم ومن يلي مع امها اتفشك عليها عيني عنك😂 لقت ام ساجد عندهم
مسعوده:يارا كيف حالك يا بنتي
يارا:ماسكه الضحكه كويسه الحمدالله ولما شافت الخاتم اللي امها خشت جمعيات بيش تشريه و ادير مشاكل مع مجدي على خاطر فلوس الجمعيات معش قدرت تمسك ضحكتها عدت للمطبخ وهيا تضحك😂
معاذ:خش في جرتها ويضحك سمعتي امك فيش تحكي😂
يارا:بكل وخاتم واخذ حته من صبعها😂
معاذ:بحت فيها يارا وابتسم🙂
يارا:كان تبي فلوس خاطي وجي فلست😒
معاذ:بصوت بنت لا يا حنه مش فلوس خلاص تميت مورق معش نشحت منك 🙂
يارا:راه تقعد سارق شي محل بس
معاذ:سقع عليك حصلت شغل ما كيف حد😎
يارا:لا يا شيخ شنو شغل
معاذ:قيمر🙂(يعني يعلب العاب الكترونيه)
يارا:توا هضا اسمه شغل
معاذ:انتي توا تعرفي كم يحصلو اللي يلعبو على اليوتيوب
يارا:عدي اربح من قدام وجي شن تحساب روحك يعني ابو فله ولا ابو الراب مندري ايش
معاذ:و كني انا تي حي عليه حي ابو فله هضا تي نغلبه انا وتوا نقعد اشهر منه اخره وتقعدي تاخدي موعد بيش تحكي معايا من كثرة شهرتي 😎
يارا:حي حي حي وين تلفوني عشان انصور معك قبل ما تقعد مش فاضي وتضحك😂
معاذ:تهزي توا يا بارده توا اتشوفي😒
يارا:كان تشتغل عامل نظافه خير راه وترد تضحك😂
معاذ:تنرفز وطلع و ميار اتخش تشرب ميه
يارا:ميار حصلتي حد كويس
ميار:اغلبهم كويسين بس غالين شويه في الاسعار وانتي عارفه باتك مش حيدفع قرش واحد
يارا:ماعندش بش يدفع تقويات لبنته بس عند للسم اللي يشرب فيه
ميار:شن الجديد
يارا:حطت تبسي فيه حلويات قدامها انا توا ندفع الفلوس
ميار:مفيش داعي
يارا:شنو مفيش داعي قلت توا ندفع يعني ندفع وخلاص هي خودي تبسي وعدي كملي قريتك
ميار:تبحت في يارا وساكته
________
صفاء:اووف كنه هضا معش يرد رنت على سراج كم مره ميردش و يطلع مشغول و رنت على اميره وحتى هيا نفس شي متردش....عزقت تلفونها على سرير وطلعت لقت امها و باتها يتعاركو زي العاده وسعد قاعد يدخن برا و داير عالم خاص بيه
اما معاذ قعد على بلاستيشن عايش الحياة بالطول و العرض و اللي يصير في الحوش اخر همه
اما ميار طول الوقت قاعده في دارها تقرا حاطه في عقلها تكمل قرايتها هنا و تسكر جميع موادها عشان اتسافر برا و هيا مش معترفه ان هذي عائلتها وكل صحباتها اللي في المدرسه واخدين عليها انها بنت عيله راقيه و الشخص الوحيد اللي يعرف ميار صاحبتها فرح
اما يارا مش قاعده في الحوش طلعت
______________
يارا:قاعده في كافي ترجا في صحبتها نور
بس في واحد كاين يراقب فيها من بعيد بعدها قرب منها وصبى قدامها
يارا:رفعت عيونها 😳
مالك: قمعز قدامها
يارا:انت فيش ادير هنا
مالك:قولي للباتك رد البضاعه في مكانها احسن له هوا مزال مايعرفنيش شن نقدر اندير فيه
يارا:انا ما دخلنيش تبي اتقوله حاجه عدي قولها لاه بروحك
مالك:ابتسم غريبه البنت اللي طلعتها من البحر كاينة ضعيفه وتبي تموت
يارا:صبت هضك اليوم ياريت تنساه .. لا انا شفتك ولا انت شفتني و اليوم نفس الشي و عدت
مالك:تنرفز من اسلوبها لحقها و مسكها من يدها و عيونه طلعت منها ناار 🔥 اول مره وآخر مره تحكي معايا هكي تسمعي فيا
يارا:حست بخوف بس مبتش تبين خوفها من نضرته
مالك:طلقه وعدا سيبها
___________
يارا:وصلت للحوش و عزقت شنطتها قدام باتها و هوا يتفرج على التلفزيون
مجدي:خير😒
يارا: في واحد من شغلك .. قالك رد البضاعة احسن لك و غيره من الكلام
مجدي: باهي كان كملتي اقلبي وجك
يارا:تنرفزت وخشت لدارها و تذكرت كلام مالك....الحقير كيف يدير هكي شن يحساب روحه
معاذ:طالع من المطبخ وهو يشرب في شاهي و حليب بالبشكوط كنها هذي 🙂
____________
ساجد:كاين يدخن🚬 رن عليه مالك
مالك:ساجد وينك
ساجد:شن فيه
مالك:نبو أنفذو عقاب الخطه مجدي باع البضاعة
ساجد:كيف صار هكي
مالك:بنته اللي دارت مش انا
ساجد:قتلك ما تدخلش يارا في الوضوع
مالك:سكر و مستغرب من خوف ساجد على يارا
.
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
.
يارا:خشت لمكان شغلها و قمعزت في مكتبها
نور:هلا بوجه الفقر
يارا:نور مش رايقتلك اليوم
نور: قمعزت تلاها كيف حال راجلي
يارا:بحتت فيها راجلك كويس 🙂
نور:اممممم اليوم نبي انشرفكم في الحوش عشان اتحل بركتي عليكم🙃
يارا:ياريت اللي اديري فيه داير فايده بس هوا بروحه مش معبر خلقت وجك
نور:حلت شكارت شبس و تاكل عادي نخطفه و نتزوجه غصبن عنه
يارا:اقسم بالله أديريها عارفتك😂
نور:الحمدالله سمعتي معروفه😂
يارا:😂😂
_____________
بعد ساعه
.
نور:ليا انا..... انا اول من شفته 😠
سميه:ليا انا....انا قلت عليه سمح قبل 😒
يارا:مش فاهمه شي لا لك و لا ليها ليا انا 😂
نور:قصدددك تعرفييييه 😱من ورايا
يارا:ركزت لقته مالك انصدمت
مالك:عطاها نظره وخش
نور:حي على امه يهبل و هوا واعر😱
يارا:بحتت فيها مش على اساس اتحبي خويا 😒
نور:عادي انحب أثنين
يارا: فاتتها و عدت تكمل شغلها
مالك:عيونه على يارا
احمد:يارا تعالي
يارا:رفعت عيونها يلعن حظي🤦🏻♀️صبت نعم
احمد:ديري لنا قهوا وجيبيلي الاوراق
يارا:عندي شغل خلي اي حد اخرا
احمد:رفع حاجبه🤨بس انا نبي منك
يارا:بس أنا ورايا شغل
احمد:يارا عدي ديري اللي قتلك عليه اساسا هضا شغلك
يارا:ماسكه اعصابها حاضر وعدت و هيا تدوي مع روحها
نور:جنب يارا.....ينعلي انا شفتي عيونه سحت انا🤤
يارا:تفول اول مره تشوفي واحد يعني عادي راه هوا
نور:انتي اللي عميه ما تشوفيش
يارا:خدت قهوة وعدت .. خشت للمكتب تفضلوا القهوة
مالك:بحت فيها بنص عين
يارا:قلبت عيونها و طلعت
احمد:مالك المره هذي اللي اديرو فيه خطير
مالك:ما عليك المهم تقدر ادبر الي قتلك عليه
احمد:توا انشوف
كملو و مالك طلع و كاين يفكر في الف قصه
نور:انت 🙂
مالك:رفع حاجبه🤨
نور:قربت ممكن نسالك سؤال
مالك:تفضلي بسرعه مستعجل
نور:امك فيش كانت متوحمه فيك عشان طلعت طرف هكي 🙂
يارا:🤦🏻♀️🤦🏻♀️
مالك:مسك ضحكته و عطاها ملامح جديه و عدى
_______________
معاذ:خش على صفاء و هيا تمكيج ...فيش اديري🙂
صفاء:شن اتحق مثلا
معاذ:اديري في سمكره و زواق
صفاء:عزقت عليه فرشة المكياج
معاذ: ليش هكي يا متوحشه
صفاء:اندلف من قدام وجي
معاذ:طالع يا معاقه 😒
صفاء:خدت شنطتها و رنت على اميره
اميره:انا بره نراجي فيك
صفاء:طلعت وركبت السياره و عدو لمكان شبه مهجور ...عليش جينا هنا
اميره:فيه مفاجأة
صفاء:حست بالخوف ... فجأة سمعت صوت طلع من دار و أنصدمت لما شافت سراج طالع 😳
اميره:انا درت اللي عليا تبي حاجه أخرى؟!
_________
انتظرونا ❤🔥انحبكم❤
كاتبه
《🔥اليتا Aletta🔥》
ممنوع تنزيل رواياتي بدون اسمي☑
