#نبيد_احمر 4
اليتا Aletta
________________♡
احمد:وين ولدك توا
فاطمه:ما نعرفش اكيد عند اصحابه
احمد:قولي يصيع مع اصحابه👌🏻
فاطمه:حرام عليك ما تضلمش العيل
احمد:على اساس مش عارفه ولدك صايع يعني وعدا و سيبها
رئبال: خش للحوش يغني ... يعيني على الغرام اممم و سنين الغرام اممم😂🙆🏻♂️
ولقه امه في الصاله .. فطومه وين حبي رايحه حلوه يا مزه انتي
فاطمه:ضحكت رقع رقع يا فرخ ابساعه كم توا
رئبال: شويه بس يا حبي بحت في الساعه2 الليل يا الحب 🙂
فاطمه:تحشم على وجك امك انا مش صاحبتك🤦🏻♀️
احمد:سمع صوته و طلع وهو راقيتله😡 وين كنت يا حيوان
رئبال:وين بنكون يا بابتي مع الشباب
احمد:تكلم كويس خير ما نعاود انربيك أخره يا كلب
رئبال:حاضر في اي اوامر اخرى نبي أنتريح🙂
احمد:من بكره تمشي للشغل معايا تسمع
رئبال:لا ما نسمعش🙂💔🥲
احمد:كان يبي يحذف عليه صباط
رئبال:هرب و هوا يضحك ما جتش فيا يا حويج😂😂
نعرفكم على رئبال بطلنا الجديد🙂
رئبال عباره عن شخص تاااافه لأبعد الحدود و البنات عليه زي السوس😂 هوا طبعن ما يقولش لا لاي بنت الحنون يخاف على مشاعرهن و قلبهم الصغير ينكسر عشان هكي مصاحبهم كلهم 😂 ويحب جو الطرحات و اللبس ديما مهتم بنفسه واجد و اهم شي عند في حياته هوا البنات واللبس و نظافته حتى الدخليات يحدد فيهم😂🤦🏻♂️
.
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
.
على الجر مالك خش للحوش عزق شنطه على ابسرير و طلع للبلكوني و طلع دخانه🚬 و غمض عيونه و صورة يارا قدامه خش يدوش بلكي معش يفكر فيها بس زاد تفكيره مع كل نفس يطلع منه يفكر فيها خدت عقله و تفكيره بكلامها و تصرفاتها
_________
يارا:كانت في سابع نومه و تحلم في احلام جميله وفي وسط الحلم مالك جا و كرها من يدها 😂 و هيا منسجمه بعدها فطنت لروحها و قعدت اتعيط لا لا مستحيل وناضت و هيا تعيط من الفجعه 😂 و تبحت يمين ويسار....حي على امي طلعت نحلم ان شاء الله لا ياربي ما يطلعش واقع ننتحر بعدها ........ كله من المتخلف هضكي تي حتى اسمه نسيته🤦🏻♀️ ناضت من مكانها خشت للحمام تغسل في وجها بيش اتصحص من الحلم غيرت دبشها عشان تمشي لشغلها و كاين عباره عن بلوزه بيضاء طويله شويه و عليها رسمة برج ايفل بلون اسود و سروال بيج و وشاح نفس لون السروال و كويش ابيض🤎
طلعت وعدت تشوف ميار و صفاء خشت دار ميار لقتها مش قاعده عدت تشوف في صفاء
صفاء:واعيه وضامه الورغان
يارا:صفاء ما تبيش تمشي لشغلك
صفاء:منبش سيبته اصلا
يارا:قصدك معش تبي تشتغلي
صفاء:غطت وجها بالورغان
يارا:براحتك ديري اللي تبيه انا عمري ما تدخلت فيك ولا ح ندخل و طلعت و سكرت الباب و قعدت اتبحت في المطبخ بعدها خشت تدير لصفاء فطور
.
.
مهما الخوات ما كانوش يحكن معاها بعضهن
و مهما عايرن بعضهن هذا ما يعنيش أبداً أنهن ما يحبنش بعضهن بالعكس يخافن على بعضهن بدون ما يبينو اي حاجه
و مهما كان الاخت اخت و الخوات ملهنش غير بعضهن❤🔥
______________
ساعه8:00 الصبح
.
نور:ماما انا ماشيه للشغل
فاطمه:استني خوك يمشي معاك
نور:ضحكت من يمشي معايا رئبال ضحكتيني يا فطومه من عند الصبح 😂
فاطمه:بطلي ضحك نحكي معاك جد باتك قاله يبدا يمشي يشتغل
نور:رئبال و شغل انا نحلم ولا شنو😳
فاطمه:سيبت نور في صدمتها وخشت تنوض في رئبال
رئبال:قاعد راقد و يهلوس هوا راقد...تعالي هنا انتي يا حلوه نبي بوسه بس 😂
فاطمه:صبت عند الباب وربعت يديها ربي يهديك و خلاص و مشتله.......تي نوض يا راجل توا الساعه8
رئبال:خليني يا فطومه انكمل هل الحلم و رد رقد😴
فاطمه:تي نوض وانت هضا فيش فالح باتك قالك الساعه9:00 يحقك في الشغل
رئبال:تذكر كلام باته نط مصبي على السرير😂الساعه كم حييي خدا مفاتيحه و طلع يجري وصل فم باب الحوش
نور:تعال هنا وين ماشي بالدبش هضا حشمت بينا🤦🏻♀️
رئبال:بحت في روحه لقه مزال لابس توته بعد استوعب الغباء اللي دايره خش يغير🙂
فاطمه:صبرك يارب توا هضا يبي يمشي لشغل 🤦🏻♀️
رئبال:تي كنك معانا يا حلو اليوم اول يوم شغل خلي جوك سمح يا سمح انت ينعلي انا من السمح صباح التفاح يا حلو يا مرتاح
فاطمه:تي غير خش للحمام وتي روحك و انا توا اندير فطور بش نتفتك من وجك
رئبال: دار صوته زي بنت ينعلي من فطومه اللي تبي تفتك من وجي والله عارفك متسيخي فيه
نور:بحتت فيهم ماشاءالله ربي يدوم المحبه 😑انا حتى ما سألتي فطرتي و لا .....شنو انا بنت البطه السوده
رئبال:باهي اسكتي و أقلبي وجك يا حسديه حقوده عدا وسيبها و مشى للحمام وهو يقول بصوت بنت ريتي الحقد طبعا غايره من جمالي
فاطمه:الصبر يارب 🤦🏻♀️
_________
يارا:وصلت للشغل و لقت مالك مدرس سيارته و نازل....و انا نقول ليش يومنا منحوس من اوله🙄
مالك:جا الكلام في وذنه احمممم 😒شن قلتي؟؟؟
يارا:ما قلت شي وجت تبي تعدي
مالك:مسك يدها
يارا:انصدمت ...حول يدك
مالك:قرب منها شن حديري لو ما حولتش يدي و زاد قرب منها لدرجة نفسهم تخلط مع بعضه🔥
يارا:خلاص قريب تدوخ عليه
مالك:عيونه في عيون يارا🔥
يارا:بدت تتوتر
مالك:نزل عيونه على فمها و هيا دايره روج وردي
يارا:نار ركبت فيها 🔥
مالك:طلع من جيبه منديل ومسحلها الروج و بعد من عليها
يارا:غمظت عيونها وفتحتهن من صدمه بعدين ردت لوعيها 😂
مالك:بحت فيها و ضحك
يارا:انت شن تحساب روحك بجد انت احقر حد انشوفه خشت للشغل و هيا راقيتلها من مالك طبعا غرورها و كبريائها وجعنها......شن يحساب روحه التافه هضا عشان يمسح روجي😤 عزقت شنطتها على المكتب و بدت تشتغل عشان تنسى اللي داره لها مالك
مالك خش وقعد يبحت فيها وهيا تشتغل و تنفخ مسك ضحكته 😏
يارا:بحتت فيه و كشخت وبرمت وجها
__________
صفاء:صبت قدام المرايه لما انموت💔🔥؟ من يفتقدني💔🔥؟ من يفتقد صوتي💔🔥؟ من يفتقد كلامي معاه💔🔥؟ من يفتقد غبائي وبصارتي💔🔥؟ من يبكي عليا 💔🔥من يرايف عليا💔🔥
ضحكت بهزوه انا شن نقول اذا كنت انا و عايشه و ما شفت حد مهتم بيا اكيد بعد ما نموت ح ينسوني
.
صفاء حالياً تعيش اسوأ ايام في حياتها بعد ما صار معاها اكبر كارثه تصير مع اي بنت 💔🔥هيا ما خصرتش اغلا حاجه في حياتها بس .. هيا انصدمت في اكثر إثنين وثقت فيهم .. خانوها 💔
.
لبست دبش يغطي جسمها كله وطلعت لقت سعد كيف خاش للحوش
سعد:كيف الحوش فاضي
صفاء:ماما عدت للجران و باتك بعدما تعارك مع ماما طلع و معش روح ومعاذ بايت عند اصحابه و الباقي انت عارفهم وين جت تبي تعدي
سعد:صفاء كنهن عيونك حمر
صفاء:لا شي تيالك بس
سعد:قرب منها و عرفها داسه حاجه...متاكده🤨
صفاء:هزت راسها
سعد:مشاها تمام ديريلي حاجه ناكلها
__________
