#نبيد_احمر
اليتا Aletta
___________________♡
يارا:حطت السماعات في وذانها عشان ما تسمعش كلام
خواتها و علت الصوت و بحتت فيهم باستهزاء
صفاء:قاعده على المرايه واتسقم في مكياجها وبحتت في يارا....هي انتي انتي وعدت حولت سماعات من وذانها يارا
يارا:شن تبي خير
صفاء:قالتلك ماما ماتبيكش تطلعي قدام الناس الي جايه مش ناقصنا يجينا كلام من حضرتك تعرفي عليش عشان انتي منحوسه
يارا:ما تخافيش ماحد ح يشوفني وصبت وطلعت ومشت للمطبخ
نجاة:خشت في جرتها بحتي فيا بعد ما يجو الناس ردي بالك يجو و يشوفوك تسمعي فيا ولا لا
يارا:ماتخافيش وقتها انا مش قاعده في الحوش طالعه .. فيه اي حاجه اخره تبيها مني
نجاة:طلعت بدون ما ترد عليها
يارا:ضحكت باستهزاء وطلعت توتي روحها
__________
يارا روحت للحوش بعد ما روحو الناس اللي جو فتحت الباب بالمفتاح وكانت تبي تسكر الباب بس سمعت باتها وهو يحكي
نجاة:اليوم الجارات كلهن يحكن على بنتك نحنا شن درنا عشان البنت تطلع هكي بس
مجدي:ياريتها ماتت و هيا في العمليات بدال ما نسمعوا كلام من وراها
يارا:فتحت الباب وطلعت وقعدت تمشي وهيا تحت تأثير الصدمه .. قعدت تمشي لعند ما وصلت عند......
___________
فهميه:جهزتي السفره ؟ مافيش حاجه ناقصه ؟
شغاله: اي مدام كل حاجه جاهزه
فهيمه:طاحت عينها على يد مالك و هوا نازل....مالك استنى
مالك:صبى وبحت في امه
فهميه:خليك اليوم مش ح ناخد منك غير ربع ساعه بس افطر معايا درتلك فطور اللي تحبه
مالك:عندي شغل وطلع
فهميه:امتى ترد زي قبل بس
مالك :طلع وهوا ماشي بالسياره شاف بنت على حاشية الكورنيش و تبكي .. بعدها نطت
مالك:نزل من السياره يجري وسلح تيشرته ونط في جرتها و أنقذها وحطها على الأرض
يارا: تكح و طلع أميه من فمها
مالك:في حد يعزق روحه في البحر هكي
يارا:ما ردتش عليه وصبت وبحتت فيه ياريت خليتني نموت احسن من ه العيشه وعدت سيباته وهي ترعش من الصقع
مالك:حس من عيونها في وجع كبير لدرجه انه تتمنى الموت
عدا وخدا جاكته و مدها لها
يارا:بحتت في عيونه و شعره اللي يقطر وينزل عضلات بطنه..... شكرا منبش
مالك:حط الجاكه على كتوفها وعدا ركب سيارة
يارا:حست بريحه قويه في الجاكه وعدت للحوش
وجت تبي اترن الجرس خوها سعد نادها
سعد:قرب منها.... كنها حالتك هكي
يارا:حالتي كنها لقيت روحي مضايقه قلت نمشي للبحر بلكي نفرفش شويه على نفسي
سعد:نحكي جد انا و من وين الجاكه هذي 🤨
يارا: تذكرت اللي أنقذها بعدها سلحتها هذي لقيتها على الشط دورت على صاحبها ما لقيتش وانا كنت معبيه ميه و صقع خديتها
سعد:بحت فيها و هوا مش مقتنع بس مشاها فتح الباب خشي بسرعه توا تمرضي
يارا:خشت للدار وطلعت دبش وخشت للحمام
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
سعد:عزق مفاتيحه على الطاوله ومعاذ يلعب في بلايستيشن
معاذ:سعد وحق الله وجهك وجه سعد فزت عليه واخيرا بعدما خسرني5 مرات🙂
سعد:تي خاطري يقعد راسي بارد زيك بس
معاذ:مفيش حد زيي انا مهم كنك
سعد:اختك تصرفاتها مش مريحتني
معاذ:من يارا مستحيل ادير حاجه اتواطي الراس بس انت تعرف الضغط اللي عايشته
سعد:عشان الضغط هضا اللي في هيا ممكن ادير حاجه
معاذ:ماتقعدش سوسه هكي لازم ادير حاجه اتنكد عليك وعليا عدي عيش حياتك يا سعوووووودي اطلع وسافر و امشي فيه بنات واجد جرب و خوذ على راحتك🙃
سعد:لبسه هيا عشان انجرب فيها انا
_____________
يارا طلعت من الحمام وكانت لابسه شنبر واتبحت في المرايه وقعدت اتبحت في العلامه اللي على رقبتها و جزء من وجها و دمعتها نزلت قعدت اتغطي💔 فيه ولبست ومشت حطت راسها على المخده فجاه خطر عليها اللي ساعدها ناضت خشت للمطبخ وفتحت الثلاجه وطلعت جلاطي وفتحاتها وقعدت تاكل خشت اختها صفاء
صفاء:انتي
يارا:نعم
صفاء:انتي حماره ولا ما تفهميش كم مره قتلك معش تاخدي حاجاتي مش ساد انك عاله في حياتنا
يارا:قربت منها...على اقل انا مانديريش في العار اللي اديري فيه انتي وغمزتلها😉
صفاء:شن قصدك انتي هااا
يارا:خدت حفاظة الجلاطي و قعدت تاكل انتي عارفه شن قصدي وطلعت وهيا تاكل....قمعزت جنب معاذ برو ضرباته على ضهره نلعبو قيم
معاذ:بحت فيها و حق الله نحسابك صاحبي اسلام😂 بعد بحت في يدها مستحيل تلعبي قبل ما تغسلي يدك اتلبزي درعات
يارا:مصت صوابعها اهو قعدن نظاف هات خليني نجلدك🙂
معاذ:طربق ضحك وحق الله اسلام رسمي امسكي 😂
يارا:هات توا انخسرك زي كل مره
معاذ:تحلمي
يارا:نننني توا انشوفو
معاذ:اللي يخسر يعزم الاخر على بيتزه وشاورمه
يارا:قد كلامك
معاذ:مايقعدش اسمي معاذ لو مش قد كلامي
______________
ثاني يوم
.
يارا:طلعت من دارها وباتها كاين طالع من المطبخ
مجدي:انتي وين طالعه بدون ما تاخدي الاذن تحسابيها مفيش حد يلمك
يارا:كان انت لميتني 😏بس ماتقدرش وانا وانت عارفين عليش يا بابا الحلو هيا نبي نمشي تبي حاجه مني وطلعت وسيباته
مجدي:تنهد وخدا فلوس من على المكتبه وطلع
___________
مالك :كاين متكي على السياره ويدخن🚬 وكاين لابس جاكه جلد وتحته تيشرت ابيض طلع تلفونه ورن..... وينك يا راجل نرجا فيك ليا قريب ساعه
ساجد:اهو يا معلم نازل
مالك:عزق دخان🚬 وسكر وجت عينه على يارا وهيا طالعه
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
يارا:درست على محال ملابس عشان تاخد كم حاجه وخشت وخدت ثلاث بلوزات و سروال معاه كم تشرة وطلعت ومشت لمدرسة اختها وقعدت ترجه فيها
ميار:اتشوف فيها ودارت روحها ما تعرفهش
يارا:فطنت وتنهدت وقعدت ترجا فيها
فرح:جت جنب ميار بصوت واطي حرام اختك ترجا فيك
ميار:فرح انتي ما تدخليش
ياسمين:من هذي اللي برا المدرسه ترجا ...من المسكينه اللي تكون هذي قريبتها
ميار:تبحت فيها
اريج:صح شوفي شكلها
ميار:تسمع فيهم وساكته
فرح:هيييييي انتي وياها عليش تحكو على البنت هكي كيف هلكم ماعلموكمش ان حرام تحكو على الناس هكي
ياسمين: انتي شن تحسابي روحك هاااااا😡
اريج:سوسو هيا ماما جات امك اليوم قالت تروحي معايا فوتيها هذي توا
ياسمين:خدت شنطتها بكره حسابك معايا وعدت
فرح:نننني وانتي لعند امتى ح تقعدي هكي هذي اختك راه😠
ميار:قعدت تبحت اذا كان في حد ولا لا وطلعت بدون ما اترد على فرح وركبت السياره
يارا:الناس اتسلم ولا شنو😒
ميار:قلبت عيونها نقدرو انروحو ولا عاجبتك التصبايه هنا
يارا:يارب و ولعت السياره وعدت بعدها وصلو للحوش........انتي يا بنت في شكاير خوديهم معش نبيهم دفعت فيهم فلوس على الفاضي
ميار:اوووووف ونزلت فتحت الباب خدت شكاير وخبطت الباب بالقوه
يارا:بالشويه على الباب راه انكسر راسك
نجاه:ميار!!!
ميار:خشت لدارها بدون ما ترد وعزقت الشكاير على الوطا وجت عينها على بلوزه فتحتها لقت البلوزات اللي حقتهم على نت وعجبنها
______________
صفاء:اكيد اليوم انشوفك
سراج:باهي شن تبي تلبسي
صفاء:سر شن نلبس
سراج:صار سر ماشي نصبر كم ساعه
صفاء:هيا باي نبي انوتي روحي
سراج:ضحك😏وسكر
اميره بنت جرانهم:اسمعي اليوم ماحوته ما حصلت عشان انجي معاك راه
صفاء:باهي خلاص فاهمة وانتي كيف الببغاء اللي يعاود في الكلام.......المهم شن نلبس
اميره:البسي بلوزه قصيره وسلوال ضابط عشان يبان جمالك عشان ما يبحتش في غيرك
صفاء:صح و انحط مكياج
يارا:خشت عليهم وهيا تاكل وقمعزت على الوطا في نص طريق وتاكل في مكرونه😂🙂
اميره:رفعت حاجبها 🤨 انتي شن اعرابك بزبط هنا في حد ياكل في نص طريق
يارا:حوشي ناكل وين ما يعجبني و ردت تاكل وتسحب في مكرونه 😂
صفاء:انتي شن جاب خلقت وجهك هنا مش اتحقي فينا نحكو
يارا:احكي من ماسكك ولا خايفه اني نعرف بالعار اللي اديرو فيه انتي وياها
اميره:شني شن قصدك انتي
يارا:ابتسمت انتي عارفه شن قصدي وقمعزت وطلعت
اميره:بحتت في صفاء اختك تبيلها مستشفى مجانين شنو هضا
صفاء:متعدليش عليها مهم شن نلبس توا
______________
صفاء:واخيرا عدلت علياا ليك كم اسبوع مش معدل معقوله هكي
سراج:ما كنتش فاضي
صفاء:مفروض ديما فضيلي
اميره:هااي يا عصفير حب🙂
سراج:ابتسام اهلين
صفاء:ميرو هيا طولنا وخدت شنطتها وصبت
سراج:بحت في اميره وغمزلها بدون ما تفطن صفاء وهيا تضحك
اميره:وهنا مشيات جتها رساله......(✉طلعه حلوه اليوم)..سكرت تلفون..... صفاء شن رايك نخشو محل هضا نغيرو جو
صفاء:هي
__________
ساجد:نزل من سياره وهو يسمح في يده
مالك:نزل يدخن🚬 هي تبي حاجه نبي نعدي
ساجد:مالك رد بالك تمشي بروحك
مالك:شنو اتشوف فيا عيل قدامك😒
ساجد:يا راه تذكر اخر مره شن صار
مالك:عزق دخن 🚬
مسعوده:فتحت باب الحوش
مالك:بحت فيها ومشى يسلام عليها....كيف حالك يا عمتي
مسعوده:الحمدالله عاش من شافك وين معش جيت
مالك:وللهي شغل واخد وقتي ومعش حصلت وقت
مسعوده:ربي يعونك انشالله
مالك:هي تبو حاجه
مسعوده:خليك
مالك:خليها مره ثانيه
ساجد:امي خلاص خشي
مسعوده:بحتت في يده وخشت
مالك وساجد حكو شويه بعد ساجد خش مالك يبي يركب سياره جت عينه على يارا وهيا في بلكوني تنشر في الدبش وحطا سماعات في ودنها ركب سيارته وعده
____________________
يارا حطا سماعات وقاعده في عالم اخر ومش حاسه على حاجه
معاذ:خش للحوش يصفر ويدور على يارا ولقاها في بلكوني ابتسم بخبث😈 ومشى بشويه وعياط وراها
يارا:عيطات من الفجعه
معاذ:يضحك عليها😂.....اخ يا بطني شوفي وجهك ويضحك
يارا:يا حقير امتى اتبطل تصرفت زي عيال صغار
معاذ:اختى يا عسل يا نور عيوني ممكن 70 جنيه🙂
يارا:شنووو انت اتشوف فيا فتحتلك مصرف يعني ولا شنو🤨
معاذ:وراس اختي هيا عشان خاطري
يارا:خطا وجهي وعدي اشتغل على حالك بدال ما انت تشحت هكي وعد سيبته
معاذ:باهي يا اختي توا اتشفي كيف ح نخدهم منك كيف شاطر🙂
_________
يارا: قاعده في اصاله وحطا سماعات وديره قنع وجه بالخير
صفاء:خطمت من تلاها بحتت فيها ياريت اللي ادير فيه بس دير فايده من يبي يبحت في خلقتك وعدت
يارا:دارت روحه طرش ومسمعت شي
معاذ:صبا قدامها اختي حبيبتي درتلك سندوتش بجبنه كيف ما اتحبي🙂
يارا:تبي تزلبحني عشان تاخد فلوس😒
معاذ:غير مره هذي بس وراسك انا خوك حبيبك😭
يارا:كذاب وتوا خويه حبيبي
معاذ:درلها نظرات براء🥺
يارا:اوووف عاد عدي خودهم من دار
معاذ:مشى يجري🏃♂️و رن على اصاحبه وقاللهم جاي حصلت فلوس
_______________
مالك :ماسكه من رقبته انا يا حقير تعلب من ورايه ويضرب فيه عندما وجه قعد دم......
______________
انتظرونا ❤🔥
كاتبه
《🔥اليتا Aleta🔥》
ممنوع تنزيل رواياتي بدون اسمي☑
