قبل ما تقرو الحلقه فيه حاجه نبي انقولها لكم
حلقة اليوم الاحداث واقعيه و صاحبة القصه يلي اتجسد شخصية صفاء أصرت اني نكتبها عشان انتو تاخذو منها العبره 🔥
#نبيد_احمر 3
اليتا Aletta
________________♡
معاذ:خش على صفاء و هيا تمكيج ...فيش اديري🙂
صفاء:شن اتحق مثلا
معاذ:اديري في سمكره و زواق
صفاء:عزقت عليه فرشة المكياج
معاذ: ليش هكي يا متوحشه
صفاء:اندلف من قدام وجي
معاذ:طالع يا معاقه 😒
صفاء:خدت شنطتها و رنت على اميره
اميره:انا بره نراجي فيك
صفاء:طلعت وركبت السياره و عدو لمكان شبه مهجور ...عليش جينا هنا
اميره:فيه مفاجأة
صفاء:حست بالخوف ... فجأة سمعت صوت طلع من دار و أنصدمت لما شافت سراج طالع 😳
اميره:انا درت اللي عليا تبي حاجه أخرى؟!
صفاء:مش فاهمه حاجه و مازالت مصدومه
سراج:مش عندك شغل توا😉
اميره:هيا اتشاااو وعدت
سراج:قرب من صفاء
صفاء:سراج حول نبي نطلع
سراج:ماسكها من يدها
صفاء:أدف فيه حول يا حقير
سراج:كتف صفاء و بدا يقرب منها و هيا تقاوم فيه بس صار يلي صار💔
صفاء:اغمى عليها بعد ساعه ناضت و لقت جسمها كله كدمات و بحتت في سراج...و تبكي ليش درت هكي انا شن درتلك
سراج:كاين يدخن🚬بصراحه انتي كنتي بنسبه ليا عناد
صفاء:ادير فيا هكي عشان ترضي غرورك انت تعرف شن درت فياااا💔 دمرت حياتي كلها
سراج:كنك مكبره الموضوع اعتبريها مصار شي بيناتنا😏
صفاء:معش حست بروحها وحست الدنيا تدور بيها و داخت
سراج:مسكينه .. يالا خليني نمشي قبل ما حد يشوفني
صفاء:اول ما فتحت عيونها تشوف لجسمها و تذكرت كل جاحه صارت في لحضه خسرت اغلى حاجه عندها و اكتشفت خيانة صحبتها اللي كانت واثقة فيها و اتحبها 💔
صبت و هيا تبكي فتحت الباب و طلعت و هيا حالتها حاله و تمت تمشي وهيا مصدومه
____________
نور:يارا عادي نسألك
يارا:اسالي
نور:العسل اللي شفناه من 10دقائق من وين تعرفيه
يارا:واحد حيوان حشاك ملش اي اهميه
نور: شنو حيوان حرام عليك و توصف فيه.....ياعيني طول في عرض تقول طالع من الحرب العالميه الأولى😂💔
يارا:انا ماشيه قبل ما نرتكب فيك جريمه
نور:في عالم اخر😂
____________
يارا:روحت .. و هيا مروحه شافت مالك متكي على سيارته قدام حوش ساجد ..... مكثر الخبزه اليابسه الايام هذي😒
مالك:بحت فيها و رفع حاجبه و قرب منها... عاودي شن قلتي توا
يارا:منحبش انعاود كلامي
مالك:تنرفز من اسلوبها افطني لخرا اللي طالع من فمك
يارا:كان مافطنتش شن يصير يعني
مالك: سكري فمك خير ما نسكره بطريقتي
يارا:لا هكي واجد مش ناقص غير انت تسكتني
مالك:مسكها ولصقها في ساس و قرب منها
يارا:دفاته .. هييي انت شن تحساب روحك يا حقير حيوان معندكش دم و عدت و سيباته
مالك:يبحت فيها هوا بروحه مش مستوعب
يارا:خشت للحوش وهيا تحت تأثير صدمه
نجاة :يارا عيت عمك اليوم جايين تعالي ساعديني في الهم هضا و شوفي الطنجرة
يارا:خشت لدارها بدون ما ترد عليها وصبت قدام المرايا و تبحت في روحها الحيوان قليل الادب شن دار وانا كيف خليته يقرب لدرجه هذي ينهار ابيض فيش نخرط انا🤦🏻♀️
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
نور:وصلت لحوش يارا وقعدت ترن ومعش حولت يدها من على جرس😂🤦🏻♀️.....ترن ترن ترن ترن...شكله مفيش حد يحل و تعاود اتحط يدها على الجرس
معاذ:جا يبي يفتح الباب وعيونه طمز و متنفخات عشان امس سهر على البلاستيشن......جاي جاي جاي نم بطل رن خلاص فتح الباب وهوا يحك في عيونه لقى نور قدامه و هيا مبتسمه بخبث
معاذ:هذي انتي نحسبك عيل صغير
نور:دفته بيدها حول انا جايه ليارا وخشت
معاذ: سكر الباب بكرعيه وخش يكمل نومته😂
نور:خشت على يارا وهيا سايحه
يارا:بحتت فيها كنك
نور:راجلي شكله طرف و هوا دوبه نايض من نوم😭
يارا:صبر ايوب🤦🏻♀️
نور:ركزت على يارا كنه وجك احمر هك
يارا:طول جا مالك في بالها وتوترت مفيش شي غير تهيالك
نور:كذابه 🙄
يارا:شن كذابه هذي
نور:سقدي روحك و احكي
يارا:حيوان اللي جا الصبح 😒
نور:كنه
يارا:وانا مروحه شفته والحقير كان يبي يبوسني بس دفيته
نور:شهقت حيييييييي طرفي😱
يارا:خليكي انتي في صدمتك و انا طالعة انجيب حاجه ناكلوها
_________________
صفاء:فتحت باب الحوش وخشت وهيا ماحوته ما تمشي اتكر في روحها كر 💔
يارا:طلعت من الدار و شافت صفاء كيف متبهدله....صفاء
صفاء:بحتت في يارا و عيونها تعبن دموع
يارا:قربت منها شن... و قاطعتها صفاء بحضن وتبكي💔 و هذي اول مره صفاء تحضن يارا فيها
يارا:انصدمت من ردت فعلها😳
صفاء:بعدت من عليها و خشت دارها بدون ما تحكي مع اي حد و خشت تحت البطنيه وتبكي
_____________________
سراج:مشى عند اصاحابه و قاللهم انه دار اللي يبيه و فاز بالعناد و كان فرحان و ما فكرش حتى دقيقه في صفاء
مؤيد:قصدك درت اللي تعاندنا عليه و اغتصبت البنت😱
سراج:ابتسم شنو منبوش نحتفلوا
مؤيد:ضحك اي احتفال هضا سهرايه لصبح
_________________
بعد كم ساعه جو عيت عمهم طبعاً عيت عمهم حالتهم الماديه احسن منهم و العائلتين يكرهوا بعضهم بس يجتموع لما يقعد فيه مصلحه و بس
نجاه:مرحبتِين بيكم
نجيه:رافعه خشمها وتسلم و بناتها نفس الشي
نور:اتبحت فيهم من فوق للوطا وقربت من يارا بنات عمك شن لابسات عليك عار في حد يلبس هكي 🤦🏻♀️ حتى حني تلبس أحسن منهن
يارا:مسكت ضحكتها😂
الباب رن
يارا عدت تفتح و أنا انقول شن ناقص في اليوم الاسواد
سراج:ابتسم
يارا:خش بدال ما انت ماد وجهك
معاذ:طلع من المربوعه اوووو ولد العم
سراج:خش وكأنه مش داير حاجه ولا خايف
يارا:سكرت الباب و خشت للمطبح
نور:من اللي رن
يارا:سراج
نور:ثقيل الدم خاطري نضربه 😒
يارا:و عليش ان شاء الله هوا جا شورك
نور:لا مجا بس نكره من اول ما شفته ... طلعن يمدن
سلوى: و هيا تاخد في الفنجان وين صفاء غريبه مجتش اتسلم
يارا:توا تجي
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
صفاء:قاعده تبكي بصوت واطي عشان محد يسمعها انا الغبيه عشان صدقتهم اصلا انا نستاهل نستاهل
يارا:حست في حاجه غلط في صفاء و عدت اتشوفها وفتحت الباب لقت صفاء تبكي و حالتها حاله💔...شنفي
صفاء:تمسح في دمعوها شي غير اليوم طحت ومكان الطيحه يوجع فيا💔
يارا:ما صدقتش بس مشتها تمام عيت عمك برا
صفاء:شويه توا نجي
يارا:طلعت و سكرت الباب و هيا شاكه أن فيه حاجه
صفاء:طلعت وسلمت وقعدت ساكته وما حكتش مع حد
يارا:ركزت عليها
________
سراج:كاين برا يدخن🚬 يرجى في اهله يطلعوا
نجاه: تسلم عاودوها مره ثانيه
نجيه:اكيد بس مره الجايه عندنا نحنا بس في فاتحة سراج
سراج:بحت فيهم ومعدلش😒
صفاء:خطمت من تلا الباب و جت عينها في عين سراج💔
سراج:بحت فيها وعزق دخان🚬
سلوى:قربت منه عليش اتبحت فيها
سراج:ما عدلش عليها و عدى و سبيها .. ركب سيارته
نجيه وسلوى ايناس ركبن سياره وعدو
صفاء:عدت لدارها وق عدت تبكي 💔
يارا:كانت تبي تلحقها بس باتها قعد يخبط و يعيط
مجدي:وين الفلوس يا بنت حرام🤬
نجاه:عليش نعطيهن لك عشان تصرفهم على سم اللي تاخد فيه
يارا:اتبحت فيهم
نور:يارا انا نبي نمشي كان تبي حاجه قوليلي
يارا:مع السلامه حبيتي و ما تعدلش علي اللي شفتيه
نور:ابتسمت و طلعت انا اصلا شفت حاجه هي وجك🙂
مجدي:قتلك جيبي فلوس عن%&%&%🤬
نجاه:انموت ولا انخليك اتشم بنتها
ميار:تتفرج عليهم وساكته ودمعتها على خدها
يارا:قربت منها وحضنتها وخشت بيها للدار
ميار:يارا نحنا شن درنا في حياتنا عشان انعيشوا هكي
يارا:نحنا ما درنا شي هلك اللي داروا انتي توا امشي اغسلي وجك و توضي وصلي عشان بكره مش عندك امتحان و لازم اتصفي ولا خلاص معش تبي تسافر و تفتكي من وجوهنا
ميار:ابستمت .. و صبت خشت للحمام
يارا:طلعت و قعدت اتبحت في دار صفاء قلبها مش متريح مشت دقت على الباب صفاء ما تردش خشت عليها لقتها قاعده عند زاوية الدار وتبكي يارا انصدمت 😳عدتلها تجري كنك
صفاء:رفعت راسها و هيا تبكي
يارا:شنو فيه
صفاء:حضنتها و تبكي بشهقه💔
يارا:قعدت تهدي فيها
صفاء:سامحيني انا ديما نعاير فيك و ديما أنتهزه على وجك وكل يوم نجرح فيك بكلامي😭💔
يارا:صفاء صاير معاك حاجه
صفاء:صفاء شن يبي يصير معايا اكثر من هكي باتك يروح عقابات الليل و ديما هوا و امك يتعاركوا وعيت عمك ديما يعايرو فينا و يعزقو في كلام
فجاة أصواتهم علت
نجاه:انا الغلطانه اللي خديتك هلي ما كانوش راضيين .. كان خديت ولد خالي دكتور ما هضا حالي توا
مجدي:يا بنت الكلب انتي كنتي تجري في جرتي على خاطر الفلوس و لما عرفتي باتي مش كاتبلي حاجه من ورثه $&$🤬
صفاء:شفتي حياتنا💔
يارا:باهي خلاص معش تبكي و أرقدي تمام و صبت تبي تعدي صفاء مسكت يدها خليكي معايا
يارا:ردت قمعزت جنبها لين رقدت غطتها كويس و طلعت
معاذ مش قاعد في الحوش طلع ومشى يبات معه اصحابه
اما سعد ماحد شافه اليوم اساسا ولا يندرو عليه حاجه
العيله هذي متفككه من جميع الجهات وكل واحد فيهم مايندري شي على الاخر وكل واحد فيهم عايش على مزاجه ولما واحد فيهم يطيح في شي مشكله ما يلقش حد يسند عليه فيزيد يغرق اكثر💔
.
صدق اللي قال الام و الاب هما اعمدت الحوش لما واحد فيهم يطيح او تصيرله حاجه الحوش ميقعدش متوازن يما بالكم الاثنين
الحوش كله ينهار و يقعد تراب و هضا اللي صار بالضبط💔
_____________
احمد:وين ولدك توا
فاطمه:ما نعرفش اكيد عند اصحابه
احمد:قولي يصيع مع اصحابه👌🏻
فاطمه:حرام عليك متضلمش العيل
احمد:على اساس مش عارفه ولدك صايع يعني وعدا و سيبها
___________
انتظرونا❤🔥
تفاعلو بلايك لان لايك شي كبير بنسبه ليا وخلي رئيكم وتوقعتكم في تعليق مش ح ينقص من عمركم صدقوني😂😂
كاتبه
《🔥اليتا Aletta🔥》
ممنوع تنزيل رواياتي بدون اسمي
