#نبيد_احمر 6
اليتا Aletta
________________♡
يارا:قاعده في دارها وتغطي في العلامات اللي على وجهها وجزء من رقبتها وقعدت تذكر كيف كانت حياتها عاديه قبل ما تصير اكبر مصيبه في حياتها اللي كان سببها باتها بدال ما هوا اللي يحميها .. هوا اللي تسبب في دمار حياتها 💔و قاطع تفكيرها صوت تلفون....ردت وحطاته على سبيكر
نور:نبي نجي نشوف راجلي مرايفة عليه🙂
يارا:الناس في الاول تقول خير كيف حالك قبل تيالي مش مرايفه على راجلي
نور:خير كيف حالك كويسه باهي الحمد لله 🙂
يارا:انا نبي نطلع و راجلك جايينه اصحابه
نور:شن قلتي ماسمعتش صوت مشوش وسكرت
يارا:يارب ثبت علينا العقل و الدين🤦🏻♀️
_____________
احمد:وين ولدك المحترام
فاطمه:راقد
احمد:نوضيه ليا نبيه
فاطمه:شن تبي فيه
احمد:ديري زي ما قتلك ونوضيه ليا بس
فاطمه:عدت اتنوضه رئبال
رئبال:اممم😪
فاطمه:رئبال نوووض باتك يبيك
رئبال:قوليله يأجل اللي يبيه نبي نرقد😴
فاطمه:الصبر يارب في وحده برا تسال عليك
رئبال:نط مفجوع قصدك قاعده برا مع باتي
فاطمه:من هيا
رئبال:اللي مع باتي
فاطمه:مفيش حد مع باتك
رئبال:درتي هكي عشان توضيني
فاطمه:ايوه سلم ولدي صبي أغسل وجك وعدي شوف باتك شن يبي منك
رئبال:رد تغطى بالبطانية في الساعه السعيده🥱
فاطمه:تعرف كان ما تنوض توا نحكي لباتك على بيتك برا
رئبال:نط يجري للحمام
فاطمه:كان من الاول
.
رئبال: طلع نعم يا حويج
احمد:وين كنت امس
رئبال:بلع ريقه بحت في امه😰
فاطمه:شيرتله أنها ما حكتلش
رئبال:كنت مع الشباب انفكرو شن نشتغلوا في الشغل
احمد:توا تبيني نصدق ااكلام هضا🤨
رئبال:انا ليش نبي نكذب
نور:طلعت واتيه ولابسه و مأنتكه روحها
احمد:موضوع هضا نحكو فيه بعدما تشيل اختك لصحبتها
رئبال:عليش ان شاء الله مش فاضي أنا خلي السواق يشيلها
احمد:هيا كلمه وقلتها
نور:ابتسمت هي سلم خويا شيلني انا اختك الوحيده 🙂
رئبال:حسابك معايا بعدين
نور:مش حتقدر ادير حاجه😌عشان حنقول لبابا على كل حاجه نعرفها
رئبال:قدامي قدامي الا ما نمسك عليك حاجه وقتها شوفي شن حندير فيك
نور:به لوقتها انا نقعد اندل فيك و طلعت ركبت السياره و رئبال لحقها
.
وهما في نص الطريق رئبال ولع اغاني وقعد يغني معاها
.
رئبال:عليك عيون سحرها خلاب
نور:اسكت🤢
رئبال:والقلب اهو داب مداري عينيك
نور:وراسك اسكت صدعتلي راسي🤦🏻♀️
رئبال:عليك عيون بتاخذني اقول
نور: خلااااا ص ياا .. نبي نعرف من اللي قالك أن صوتك حلو
رئبال :بقا ده اسمو كلام الله يجزيك
نور:راه درتلي تلوت سمعي
رئبال:وانا كنت مالي اول ما عينك جت في عيني
نور:صوتك كيف الكلب يلي ينبح
رئبال:غير اسكتي غايره مني عشان صوتي خلاب😌
نور:كذب كذبه وصدقها و بحتت في روشن
__________
صفاء:قررت تكمل حياتها عادي و تدور على شغل جديد ودير حياه جديده لها واللي صار معاها مستحيل تحكيه لحد لين ربي يفرجها ويدلها للطريق♥️لسبت وجت تبي تطلع لقت امها في المطبخ خشت عليها....ماما
نجاه:خير شن تبي مني
صفاء:لا شي وطلعت....شن كنت نتوقع منها 💔 طلعت تبي تلبس كندرتها قدام الباب وقعدت تسمع في الباب يخبط بقوه
نور:نزلت من السياره تجري و قعدت تدق محد فتح تمت تخبط 😂
رئبال:هيه انتي في حد ديق هكي بالشويه توا تكسري الباب
نور:ما دخلكش حوش صاحبتي وقعدت تخبط
صفاء:فتحت الباب
نور:دفتها حولي هكي وين اختك الحقيره
صفاء :تبحت فيها ومزالت فاتحه الباب ....هي انتي وين قاعده
رئبال:سمع صوت بنت بحت طول لقى صفاء مصبيه على الباب عيونه تمن قلوب😍احييي على صروخ
نور:شقلبت عيونها وعدت في اتجاه دار يارا😒
صفاء:لعند امتى حنقعدو في الحاله🤦🏻♀️ هذي خدت شنطتها وطلعت لقت رئبال مصبي متنح فيها فاتاته وعدت
رئبال:تلفونه رن فطن لي صفاء عدت حي على امها وين كاين جمال هضا مدسوس الزفته اللي اسمها اختي كل يوم تجي هنا ويارا المعفنه ولا مره قالت عندي اخت طرف هكي انا نبي نقعد نوصل في نور كل يوم هنا عندما نطيحه 😐رد على تلفونه اللي معش سكت
تيم:كنك يا حيوان ما تردش من اول مره
رئبال:وين انت في هرجه تلاك
تيم:في الاستراحة مع الشباب
رئبال:باهي اسمع عندي موضوع هكي شوية و نجيك ركب
__________________
مالك:خش للشركة و قعد يدور بعيونه على يارا بس ما لقاهش وخش للمكتب و استغرب حتى نور مش باينه بعدها بشويه خشت وحده من الموظفات المزيتات
👩🏻🦱:استاذ مالك جبتلك قهوه وقربت منه وحطتله القهوه وهيا تبتسم دايره روحها تغري فيه
مالك:شن الحركات اللي اديري فيهن🤨
👩🏻🦱:توترت شن درت انا استاذ مالك
مالك:حركات براءه فكيني منهن وبعدين مفروض يارا اللي اتجبلي القهوه مش انتي
👩🏻🦱:يارا واخده اجازه
مالك:باهي تقدري تطلعي تكملي شغلك
👩🏻🦱:طلعت و هيا متنرفزه
مالك:لم حاجته وطلع من مكتب
👩🏼:كنك انتي
👩🏻🦱خاطري نعرف يارا هذي من بس كل اللي في المكتب يسال عليها ياريتها حلوه بس
👩🏼:تبي الحق هيا حلوه بس عندها تشوه
👩🏻🦱:تره خاطي وجي انتي الثانيه اساسا كان لقت حد يبحت في وجها من يبي ياخد وحده متشوهه
مالك:سمع كلامهم ومسك روحه بالغصب وطلع وركب السياره و قعد يخبط في الدومان انا ليش نفكر فيها ولا نضايق لما حد يحكي عليها
.
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
.
نور:فتحت باب الدار بالقوه لين يارا انفجعت ....هلااا
يارا:الله يفجعك في حد يخش هكي على الواحد
نور:ابتسمت انا نخش هك🙂
يارا:انا مش قتلك نبي نطلع عليش جيتي
نور:اتبحت في ضوافرها💅🏻🙂جايه نشوف في راجلي
يارا:تي هوا مش معبرك🤦🏻♀️
نور:غصبن عنه يعبرني ولا نوريه وجي لاخر
يارا:باهي صبي تبي تطلعي معايا مش حنسيبك هنا خايفه على خويا منك
نور: مش حناكله انا😒 طلعت من دار يارا
معاذ:طالع من داره
نور:محلاك 🤭
معاذ:ضحك شن رايك فيا يا فرخه وغمزلها 😉
نور:تهبل ما شاء الله عليك بس وين ماشي
معاذ:ماشي مع شالباب ولبس نضارته هي باي وعده
نور:اتشم في عطره اللي عبه المكان ينعلي من راجلي والله محد واخدك غيري🙂
يارا:كانت مصبيه قدام الباب كملتي ولا مزال كان كملتي قدامي
نور:وين ماشين
يارا:توا تعرفي
____________
نور:مصبيه في محل... يارا شوفي القفطان هضا محلاه
يارا:خلاص وانتي قريب شريتي السوق كله
نور:والله بابا اليوم توا يدبحني صرفت واجد
و طلعن وكاين في واحد يلحق فيهن و يعاكس
🧑🏻🦱:انتي يا حلوه ام خدود
يارا:ماشيه في الطريق وهيا متنرفزه كانت تبي ترد عليه
فجاة عمكم مالك عطه بوكس على نص خلقته وقعدو يتعاركو و الناس جت تحز بينهم
مالك:يبحت في يارا وعيونه نار 🔥و مسكها من يدها وركبها سيارته
يارا:انت شن تحساب روحك 😤
مالك سكر الباب عليها و بحت في نور اركبي حتى انتي في شن ترجي
نور:حاضر فتحت الباب وركبت 🙂
مالك:ولع السياره و عده توا عاجبكم اللي صار انتي وياها
يارا: شن دخلنا نحنا اللي قلناله تعال عاكسنا مثلا
مالك:انا ما قلتش هكي بس اللي حاطتيه في خلقتك يخلي الاشكال هذي تجي شوركم
يارا:بالله عليك اسكت منبيش نسمع صوتك
مالك:يارا اسكتي خيرلك مزلت راقيلي
يارا:نزلني
مالك:مفيش و اسكتي
يارا:نزلني ما تفهمش انت
مالك:ما ردش..بحت في نور الاور عندك تمام
نور :بحتت كان عندك حاجه تتاكل جوي يقعد مثالي🙂
يارا:نووور اسكتي وبحتت في مالك تعرف كان ما تنزلني نفتح الباب نط ونديرها راه
مالك:درس السياره فجاة خلاص اسكتي
يارا:بحتت نور ما تبيش تنزلي ولا شنو
نور:باي يطرفي منور على توصيله👋🏻🙂
مالك:بحت فيها وضحك
______________
رئبال:مساء الكيري يا معذب تفكيري✌🏻🙂
تيم:مساء فل يا معذبني🙃 ....اوو حبي كنك مروق
رئبال:تي يا راجل انا اليوم شفت جنه بعيوني
تيم:طلع دخان🚬ولعه والله اللي كيفنا مفروض يحق نار مش جنه
رئبال:خش النار بروحك انا نبي نقعد في جالنه و وين ما هيا انا🤤
تيم:كنك يا رورو اليوم
رئبال:بدا يحكيله في اللي صار معاه اليوم
تيم:يضحك اووو بطني😂ينعلي طحت على وجك
رئبال:هو مطحتش على وجي بس جسمي كله طاح
تيم:لا حول ولا الله قوة الابالله انا نبي نتبرا منك🙂💔
رئبال:المهم هيا وجك نبي نروح باختي
تيم:تروح اختك ولا حاجه ثانيه 😉
رئبال:مش وقتك توا مستعجل وعده
______________
يارا و نور خشو الحوش
.
معاذ:استقبلهم وهوا ياكل......شن طلعكم و كيف تطلعو بروحكم ومع من مشيتو وشن درتو وعليش طلعتو🙆🏻♂️
يارا:انت اخر من يتكلم😒
معاذ:كني انا مش خوك الكبير و نتكلم ونص كيف تطعلي من دون علمي ولا علم سعد
نور:بصوت واطي ينعلي من راجلي الواعر
يارا:بحتت فيها بعدها بحتت فيه ... قبل ما تحكي فكر و تصرف زي الخوه الكبير بعدها تحكم
معاذ:عاجبتني حياتي هذي و مش شورك
يارا:على كيفك
معاذ:مالا شنو بكيفي
يارا:معاذ
معاذ بحت فيها خلاص متعصبيش غير مكسد عليك
يارا:انت طول عمرك مش حتكبر
معاذ:يب
يارا:مرزن دمك
معاذ:رزين من يومي
يارا:نور هيا قدامي للدار
نور:دارت باي لمعاذ وعدت 👋🏻💕
__________
يارا :تبرم في الدار شن يحق فيه ماعنديش شخصيه ولا يشوف فيا هبله قدامه و مانعرفش نتصرف وندوي...من سمحله يدخل....انا هكي مش حنهدا بحتت في نور عندك رقمه ولا لا
نور:هضا سوال طبعن عندي🙂
يارا:عطيه ليا
نور:نعطيه لك عشان ترني عليه من ورايا
يارا:انا مش رايقه لي تفاهتك 😡 عطيني رقم
نور:باهي اصعابك هكي
يارا:خدت الرقم ورنت
مالك:كاين في سيارته ويدخن🚬 فجأة تلفونه رن بحت لقاه رقم غريب فات وما ردش
يارا:تي رد يا حمار
مالك:رد الو
يارا:بعصبيه من سمحلك تدخل فيا اتشوف فيه عيل قدامك ما نقدرش ندافع على روحي ......عندي شخصيه راه
مالك:بعصبيه سيبتي اللي يبي تهزيب و جاية تهزبي فيا أنا ؟! اسمعي انا ما نحبش نسكت على الغلط .. و ما نبيش نغلط معاك في الكلام مازلت ماسك روحي
يارا:بصوت عالي لا والله عليش ماسك روحك وجت تبي تحكي تلفون يطفه في وجها......استغفر الله وقت شحن يطفه و عزقت تلفون على سرير
نور:قاعده تاكل في معمول شنو ذنبه التلفون المسكين
يارا:بجد بديت نصدق اني انسانه منحوسه فعلا
نور:و هيا تاكل .. و عسى أن تكرهوا شيئاً و هو خير لكم 🙂.....ماتندريش مرات اللي تقولي عليه حمار ومصيبه في حياتك يقعد شي حلو لك
يارا:والله .. بالله عليك اشقي بروحك و نصائحك حطيهن في خويا ....ضحكت من قالك مالك ينقلب شي حلو تعرفي تخدي مالك بتاعك وتنقعيه في كلو سكر وما يقعد حلو
نور:به اندير روحي صدقت
يارا:يكون احسن😒
.
.
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
.
.
رئبال:درس قدام حوش يارا وقعد يرجه في نور تطلع على امل يشوف صفاء بس مشفهش
نور:غريبه عليش انت اللي جاي تروح بيا
رئبال:انت اختي حبيبتي كان ما انا ما روحت بيك من يبي يروحك🙂
نور:انت توا قتلي اختي حبيبتي صح
رئبال:كنك ليش استغربتي
نور:عشان عارفه في مصلحه في الموضوع يا خويا حبيبي 🙂صح
رئبال:يعني كان قتلك اختي حبيبتي معناته فيه مصلحه انقنك زي فوزيه الفقريه خصاره فيك الكلام الحلو🙂انتي تبي حد يشتمك وبس
_______
احمد:و اخيرا شرفتوا
رئبال:حويجنا شن اخبرك
احمد:رئبال فكني من تفاهتك و بكره تبي تجي للشغل بدري عشان عندنا اجتماع و نبيك تحضر
رئبال:متاكد يا حويج مرات تخسر الاجتماع بسببي ف خليني منحضرش خير عشان مصلحت الشغل .. وجي مش وجه شغل بكل🙂🙆🏻♂️
احمد:صبى انا قلت اللي عندي ان شاء الله المره هذي تجيني متأخر
رئبال:حاضر يا حويج 🤷🏻♂️و بحت في امه فطومه يا فطومه جعان🙂
فاطمه:عشاك في الثلاجة
رئبال:عد يبي ياكل و بعد بنص ساعه طلع وهوا ياكل فطومه كنه الملح ناقص هكي
فاطمه:حطت يدها على قلبها وقمعزت اااه قلبي
رئبال:عد يجري امي كنك
فاطمه:اااه قلبي
رئبال:امي شنفيك
فاطمه:خلاته يقرب منها و كراته و سلحت صباطها وبدت تضرب فيه 😂😂
رئبال:فك روحه اووووو عليا فطومه تبي تقتلني بالضرب و الحويج يبيني أنوض بدري عشان الشغل شن درت في حياتي انا بس🥲💔
فاطمه:عزقت عليه الصباط
رئبال:عدى يجري مش حننساها لك يا فطومه راه
فاطمه:قعدت تضحك عليه امتى تعقل بس
___________
انتظرونا❤🔥 انحبكم
نسمع حد يقول الحلقه قصير نهاره أسود 🙂 حطو رأيكمم في تعليق و توقعاتكم و ما تنسوش اللايك🥲💔 عشان مزال كم حلقه على ااحلقه الاخيره
#تعديل
كاتبه
《🔥اليتا Aletta🔥》
ممنوع تنزيل رواياتي بدون اسمي☑
