#نبيد_احمر 7
اليتا Aletta
________________♡
في الليل الوقت اللي ناس كلها ترقد فيه و تنسى همومها .. أبطالنا كانو يفكروا في كل حاجه مرو بيها
رئبال: من لما شاف صفاء صورتها و شكلها طول الوقت قدامه مش قادر يشيلها من عقله ❤
.
صفاء: تفكر في اللي صارلها و كيف تبي تكمل حياتها اللي خربت و تفكر في صحبتها اللي كانت كيف اختها و خانتها و لا ولد عمها اللي مفروض هوا اللي خاف عليها و على شرفها يكون هوا السبب في دمار حياتها 💔
.
يارا: راقده بس كانت تحلم باليوم اللي كانت من المفروض يكون احلا يوم في حياتها بس في لحظه خسرت كل حاجه و ناضت و لقت فوقها اجهزه و راسها يبرم و مش متذكره حاجه غير صورة مغبشه و جسمها كله كدمات 💔 وفجأه الصورة بدت توضح عندها و قعدت تعيط و خشو عليها الممرضات يهدو فيها و ناضت من النوم و هيا تبكي و حطت يدها على وجها بعدها على بطنها 💔
.
اما مالك كاين في الاستراحة بروحه و قاعد في دوامه بين ماضي و حاضر و يشوف في دم جاف قدامه 💔
《اكيد كلكم تبو تعرفو مالك شن قصته وشن يصير معاه وشن علاقة الماضي انا نحكيلكم 🔥》
.
من 3سنين مالك كان عند اخ اصغر منه في يوم مالك كاين مع ساجد و كان عندهم مهمه في العسكريه فسافرو قعدو يومين و روحو طبعاً مالك ما قالش لعائلته أنه يبي يروح اليوم .. لما روحه خش للحوش لقاه فاضي استغرب بعدها جاته رساله من مجدي
مجدي:كان تبي خوك تعال في الاستراحه وجيب معاك 20 الف و إلا ح تلقاه ميت
مالك:خدا سلاحه و طلع يجري و كاين ناوي شر🔥 و كلم ساجد و جماعته اللي معاه و عدو شور الاستراحه
مجدي:مقمعز قدام خو مالك ..و يضحك تعرف خوك وجعني معقوله يا راجل ادير علاقه مع خطيبته فيه حد يدير في خوه هك
خو مالك:كاين دايخ من كثرة الضرب
فجأة مجدي سمع صوت ضرب نار برا بحت في اللي مصبين معاه اسمعو كان صار اي حاجه أقتلوه
عيد: تبي تهرب و تسيبنا
مجدي: فيش تخرط انت مش هارب تحق فيا عيل
عيد: أمالا وين ماشي
مجدي: خدا الكاميرات اللي في الاستراحة عندي هديه حلوه لاستاذ مالك 😏
عيد:انا منسحب مليش دخل فيك و البنت حتردلك مش لازمتني و عدا هرب
مجدي:بحت في الشباب ديرو اللي قلتلكم عليه اي حاجه تصير أقتلوه و خدا الكاميرات و هرب
مالك خش لقا خوه ميت 🔥💔
في الثلاث ايام العزاء مالك كانت حالته صعبه و شكل خوه و هوا ميت قدامه و ما فارقش عيونه 🔥💔
خامس يوم ساجد كان يحاول يغيرله نفسيته بس ملقش اي فايده
ساجد:اللي ادير فيه في روحك غلط خوك في مكان احسن من هنا
مالك:ساجد اطلع ما نبيش نحكي
ساجد:باهي لعند امتى تبي تقعد عايش على القهوة و الدخان
مالك:مردش عليه بعدها جاته رساله فتحها لقاه فيديو لي خوه و خطيبته مع بعضهم 🔥 قعد يعيط و يكسر في كل حاجه قدامه و ساجد انصدم من ردت فعله مسك التلفون شاف الفيديو من يومها و مالك كل ما يذكر اللي صار معاه يقعد يكسر في كل حاجه يلقاها قدامه 🔥
☆روآيَـــــآت آلَــــيَتٌــآ Aleta☆
☆آلَــــيَتٌــآ Aleta ☆
