<عند هيام وفهد>
فهد : حبيبتي شرايك نسافر شهر العسل من بعد زواجنا بديتي شغل على طول اذا ماودك ماتوقفين شغلك براحتك بس حبيت اقترح
هيام: شوف هي الفكرة حلوه بس توني ماخذه اجازه شرايك نروح بالاجازة ونصير مع اخوك وريتال بدل مانكون لحالنا نستانس اكثر
فهد : الفكره حلوه بس اول سفره لنا نكون بروحنا افضل اعتقد صح ؟
هيام: هو صح بس مدري يعني شعور غريب اني بسافر مع زوجي شهر العسل قلت اذا معانا احد يمكن يتغير الشعور احس كأنها سفره عاديه
فهد : طيب شرايك تتعودين على اني زوجك وانك من الاساس متزوجه لان واضح مابتتقبلين بسهولة
هيام : خلاص الي تشوفه بروحنا بروحنا بس مو الحين مشغوله ماقدر
فهد :بس تكونين تقدرين تاخذين اجازه علميني عشان اضبط اجازتي معاك واحجز للسفره
هيام : اوك ياقلبي
فهد : ها شنو قلتي ماسمعت
هيام : قلت اوك
فهد : لا قلتي شي بعدها
هيام بإحراج : ياقلبي
فهد : والله انتي الي قلبي وعمري ورحي ودنيتي احبك احبك احبك
وقرب منها وطبع قبلته على جبينها
هيام بخجل من حركاته وكلامه : وانا بعد احبك
فهد : لا انتي ناويه عليّ اليوم شكلك
هيام : سمالله عليك
بروح انام بقعد من الصباح تصبح على خير
جات بتقوم
فهد : صبري بجي معاك بس بودي الكوب المطبخ
هيام : تمام
ـــــــــــــــــــــــــــــــــــــــــــ
مازن جالس مع خواته ومشغل الاغاني ويرقص لهم
اريج : يالمجنون كل ذا عشان زواج ؟؟
مازن : مع السلامه بفتك منك باي باي
اريام :طيب انا ماقدر اعيش بدونك ياتوأمي سو لي غرفه بشقتك
مازن : انقلعي انا اقدر اعيش بدونك تعودي من الحين بختفي من البيت عشان تتعودين
اريج : ول ذا باعنا قبل لايتزوج
اريام : طفي هالزفت الي مشغله وقوم نام بس
مازن : انا مبسوط بفتك من خواتي المزعجات
اريام : الي يسمعك الحين بيقول انت المخطوب مو الخاطب
قومي بس اريج خلي ذا المشفوح على الزواج يتعود على فراقنا
اريج ههههههههه : ياخوفي كل يوم عندنا من بعد الزواج
اريام : والله شكله هذا الي بيصير
ــــــــــــــــــــــــــــــــــــــــــــــــ
<في الصباح بشركة الجد >
دخلت اريام وشافت سعود يتكلم مع واحد من الموظفين جات بتمشي تكمل طريقها لمكتبها بس وقفها سعود وقالها انتظري
لفت وجهها عليه: هلا صباح الخير
سعود : صباح النور
اريام : امرني بغيت شي
سعود : متأخره اليوم
اريام : طيب ادري اني متأخره وانت الحين قاعد تأخرني اكثر على البصمه
سعود : بصمي وتعالي مكتبي ابيك بموضوع
اريام : اوك
راحت تسجل حضورها وهي بتروح لمكتبه صادفها الموظف الي يبي منها توقيع ضروري ووقعت وقعدت تسولف معاه شوي
وسعود طلع بيشوف ليش تأخرت وشافها واقفه وتضحك مع الموظف
سعود بصوت عالي : استاذه اريام تعالي بسرعه على مكتبي
اريام استغربت من اسلوبه
وراحت وراه
سعود : ادخلي وسكري الباب
اسمعي اريام تأخير وضحك مع الموظفين جايين نلعب هنا احنا
اريام : انتبه على اسلوبك معاي وانا اتكلم مع الي ابي مالك حق تتدخل فيني
سعود : اريام انتبهي على حركاتك
اريام ناظرته من فوق لين تحت وجات بتطلع ومسك الباب وش النظرات ذي
اريام بصراخ: وشدخلك بنظراتي ومع مين اتكلم ولا اجي مبكر ولا متأخر فيك شر انت اليوم
بعدته وطلعت من القهر راحت للموظف الي كانت تسولف معاه
اريام : انا اليوم عازمتك على غدا واتمنى ما تردني
اريام : خلاص وقت بريك الغدا انتظرك بالمطعم ........
بدر : تمام شرايك تجين معاي بالسيارة
اريام : لا بجي بسيارتي لان عندي شغل بعد الغدا
بدر : خلاص اوك
راحت اريام و حديثهم بالكامل سمعه سعود ومو عاجبته تصرفات بنت عمه
سعود : انا وريها اجل تعاند زين يا اريام
ــــــــــــــــــــــــــــــــــــــــــ
ريتال : هلا سلطان تقدر تطلعني اليوم
سلطان : وين بتروحين ؟
ريتال : بشتري اغراض للمدرسه
سلطان : تمام العصر باخذك نتغدا وبعدها اوديك المكان الي تبين
ريتال : اي صح اريج بتجي معانا بنشتري اغراضنا مع بعض
سلطان : نتغدا مع بعض بعدين نمر عليها
ريتال : اوك انتظرك
ــــــــــــــــــــــــــــــ
هبه : دينا يابنتي افتحي الباب اكيد ابوك جا
دينا : تمام
فتحت الباب دينا وشافت بوجها عمتها هناء وولدها محمد وسكرت الباب على طول بسبب ان ماعليها حجابها
وبعدها نادت الخدامه تفتح الباب وراحت غرفتها على طول
هناء : المفروض عطيناهم خبر قبل نجي
محمد كان منحرج من امه لان شافته مصنم بمكانه
هناء : شكلها عجبتك نخطبها لك
محمد: يمه قلبي اي اخطبيها البنت تطيح الطير من السما
هناء : اركد ياولد خلص دراسة ويصير خير يلا روح اذا جيت بمشي اكلمك
محمد: طيب
ـــــــــــــــــــــــــــ
هبه: حياك يا هناء حياك
هناء : الله يحيك ياهبه جايتك بموضوع
هبه : عساه خير انشاءالله
هناء : بخطب بنتك دينا لولدي محمد شوفي الصراحه هو منعجب فيها من فتره صح ماقالي بس عيونه عليها انا قلتله بخطبها لك بعد ما تخلص من الجامعه بس تعرفين ما اضمن ان البنت تضل لين يخلص الولد ف قلت احجزها من الحين قولي حق ابوها بس لاتعلمينها لين تخلص جامعتها اذا موافقين
هبه : اكيد ما بنشوف احسن من محمد الله يحفظه بس بقول حق ابوها اول
هناء : اي اكيد الشور شور ابوها
هبه : بقول للخدامه تسوي الشاي وجايه
هناء : الا دينا وينها ؟
هبه : مدري عنها شفت وجها رايح لونه وطارت فوق مدري شصار لها
ــــــــــــــــــــــــــــــــــــــــــــــــ
بدر : انشاءالله ماتأخرت عليك
اريام : لا توني جايه اصلاً
بدر: حدي جوعان
بعدها نسحب الكرسي وجلس سعود
واريام ناظرته بنظرت قهر وكره بس ماتكلمت معاه
سعود : اي وش بتطلبون
وبدر مصدوم شفيه هذا
وتجاهلوه وسعود دمه محترق من حركاتهم : اي انت ماعندك خوات ماتستحي؟
بدر مصدوم من كلامه شدخل خواته فيه : لوسمحت استاذ سعود لاتغلط على خواتي واحترم نفسك
سعود : انت واحد مومحترم تطلع مع البنات و ماتخاف واحد يطلع معاهم
بدر ماتحمل الكلام الي ينقال عنه وعن خواته بالذات وقام وطلع
اريام : انت وش مشكلتك ؟
ليش تعامل الولد المسكين كذا تقبل احد يتكلم على خواتك كذا
وقامت من الطاوله وهي مستغربه اول مره تشوف تصرفات سعود بالغرابه هاذي
دخلت البيت وراحت حق ابوها تقوله الي صار
دخلت البيت وراحت حق ابوها تقوله الي صار
حسين : وولد عمك صادق يابنتي شلون تتكلمين مع واحد غريب وتضحكين معاه وغير كذا عازمته على غدا صاحيه انتي
اريام: طيب بابا انا غلطانه بس الولد المسكين شدخل خواته يتكلم عنهم الولد انحرج من اسلوب سعود
زياده على كلامه
حسين : قفلي على الموضوع صار الي صار ونتهى ارسلي رسالة اعتذار وعدين عطيه بلوك
اريام : بس بابا
حسين : اريام انا مشغول الحين بعدين نتكلم
ـــــــــــــــــــــــــــــــــــــــــــ
سلطان : ارسل لها رساله ان ينتظرها برا
بعد خمس دقايق خرجت ومعاها اريج الي ضغطت على ريتال انها تجي معاهم
ريتال : السلام عليكم
سلطان : وعليكم السلام
اريج : اي يااخوي وين بتودينا نتغدا
سلطان ناظر ريتال وفكر ان هي الي قالت لها
وشافته اريج : هي ماقالت لي اجي بس يعني من زمان عنك واشتهيت اطلع معاكم اعتبروني موموجوده
سلطان : ماصرت حلو الا لما تزوجت يعني
والله ماخليها تعدي اذا تزوجتي بنشب لك انتي وزوجك الزفت ذا
ريتال موقادره تمسك روحها من الضحك
اريج : ترا مايضحك وبعدين شعليك من زوجي المستقبلي
سلطان : زين زين تشوفين يامفسدة اللحظات السعيده
أنت تقرأ
يامن سحرت قلبي بجمالها وصدت عيني عن غيرها
General Fictionزواج ريتال وسلطان بسبب عائلة والدها المتوفي بأمر من جدها ابو امها لحمايتها منهم
