يامن سحرت قلبي بجمالها وصدت عيني عن غيرها

Part 45

همس فهد لها : هيام
التفت بسرعه فكرة نفسها بحلم
هيام : فهد !
فهد : اي فهد
هيام غمضت عيونها بقوه : اف اكيد حلم نفس كل مره
رجعت ظهرها على السرير وقبل تنزل راسها
رد عليها فهد : هيام انا فهد صدق مو حلم
استعدلت بجلستها وهي قاعده تتوقع شي ثاني غير الي بقوله لها : ادري انك جاي تعاتبني بشي انا مالي يد فيه
فهد : لا انا موجاي اعاتب انا جاي اشوف حبك لي وغلاتي عندك
هيام : وش قصدك ؟
فهد : تقبلين انا اعاونك في اصعب ايامك او بالأصح ايامنا ؟
هيام : تمزح صح ؟
فهد مد يده الي مو مكسوره : تقبلين
هيام رفعت يدها وهي ترجف مو مصدقه الي قاعد يصير
وجات في بالها الايه {{ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ }}
صح انها فقدت قطعه منها لكن صار لها هالطفل طير في الجنه ورجعت علاقتها مع زوجها واكتشفت مشاعرها الحقيقية إتجاهه
مسكت يده وبدت تضغط عليها بقوه من الخوف والتوتر وفي داخلها شكرت ربها على النعم الي عندها ورجوع زوجها لها
فهد : انشاء الله لأخر يوم في حياتي ما بترك يدك
هيام : الله يطول بعمرك ويخليك لي يارب
قاطعهم دخول الدكتوره الي قالت لهم ان لازم تدخل العملية ينزلون الجنين
ــــــــ
عند ريتال الي جالسه جنب سلطان و يتعشون
ريتال : سلطان بقولك شي
سلطان : قولي
ريتال : بروح بيت امي لين يجي يوم العرس بعدها ارجع معاك
غص سلطان بلقمته وبسرعة شرب ماي : تستهبلين صح ؟
ريتال : لا حتى بديت اجهز اغراضي
سلطان رفع حاجبه : ولا بتتحركين من مكانك
ريتال : مابي كيف بسوي عرس وانا قاعده عند زوجي شنو بيقولون الناس !
سلطان : ماهموني الناس اهم شي انتي جنبي كيف انام بدونك
ريتال : كيف كنت تنام قبل في بيت خالي كمل الحين بعد نفس الشي بس لين بعد شهر بس شوي
سلطان : يالظالمه ٣٠ يوم بس شوي !
ريتال : اي عادي
سلطان : طيب روحي قبلها بسبوع مو من شهر
ريتال : لا مابي خلاص اصلاً شلت اغراضي بروحي بكرا بعد المدرسه
سلطان : آخ هالثقه بتذبحني مافي انسي الموضوع مستحيل
ريتال : سلطان بروح عند امي مابي نقاش
سلطان ابتسم : اي اوامر ثانيه ؟
ريتال : اي بكرا وديني هناك ومنها يصي باقي ٢٩ يوم مو ٣٠
سلطان : لا والله يعني الحين فرق
ريتال : اي اكيد
سلطان : طيب بس بشرط
ريتال : موافقه قبل تقول
سلطان : حلفي
ريتال : لا امزح خفت واضح عندك نيه مو زينه
سلطان : انام عندك على الاقل يومين بالاسبوع
ريتال : افكر
سلطان : اي واخذي وقتك وانتي تفكرين عشان تقل الايام اكثر
ريتال : طيب طيب خلاص موافقه
ــــــــــــــــــــــــ
عند لين الي رجعت البيت لان عندها دوام في اليوم الثاني
وقبل تنام دق عليها مازن
مازن : هلافيك حدك ساحبه عليّ
لين : لا والله ما اقصد اسحب بس هيام في المستشفى وكنا معاها
مازن : سلامتها شفيها ؟
لين : جاها نزيف والجنين مات
مازن : جد !
فهد حده كان طاير فيه الله يرزقهم بالي احسن
لين : امين يارب
مازن : اسمعي بحجز بعد يومين يناسب ولا
لين : مدري كيف اصارحك بس ماما مو موافقه
مازن : ليش عادي انا زوجك مو غريب
لين : اي ادري بس قالت كلنا بنسافر معاكم وبعد الزواج انتوا روحوا بروحكم شهر العسل
مازن : ياليل والله كان ودي نسافر بروحنا ما يخلوني  اقعد معاك براحتنا
لين : ههههههه عادي مابقى شي
مازن : انتي عندك دوام بكرا ؟
لين : اي عندي
مازن : اجل ما اطول عليك تصبحين على خير
لين : تلاقي الخير

ــــــــــــــــــــــــــــــــــــــ
اعتذر عن قصر البارت لكن تعبانه وماقدر اكمل
ومابي اقطع من جديد ف هذا بارت بسيط بكرا بنكمل 💕