يامن سحرت قلبي بجمالها وصدت عيني عن غيرها

Part 41

{لا استبيح القراءة بدون لايك ❤️}

وسعود الي مزاجه رايق راح يشغل الموسيقى
ينتظرها تطلع
اريام : سعود غمض عيونك
سعود : غمضت تعالي
طلعت اريام وسحبها سعود وبدا يتمايل معاها
و اريام بتموت من الاحراج وخدودها صارت حمرههه
اريام : سعود بس برجع ابدل
جات بتروح ورجع قربها وبعد شعرها ورا اذنها وقرب : لا خليك عاجبني اشوفك فيه
اريام : مو مرتاحة فيه
سعود : انا مرتاح كذا،سحرتي عيوني بجمالك يابنت
اريام : طيب اخجل منك ماقدر اوقف قدامك كذا
سعود : اعتبريني ماشوف
اريام : بس انت قدامي ماقدر مو متعوده
سعود قرب اكثر تتعودين وتقرب منها ودخلها بحضنه احبك احبك
اريام : بس بيغمى عليّ من هالكلام
سعود : تستاهلين اكثر وقرب منها ......................
ــــــــــــــــــــــــــــــ
صحت هيام على دخول الممرضه الي قاعده تحط
لفهد المسكن
وشافته قاعد ويناظر السقف
هيام : صباح الخير
الممرضه حست بالتوتر الي بينهم وردت بدال فهد : صباح النور
خلصت شغلها الممرضه وطلعت
هيام : بروح اجيب لك فطور وارجع
فهد : مابي فطور
هيام : لازم تاكل عشان تتشافى اسرع
فهد : اكل وقت ما ابي واذا بغيت في غيرك يجيب لي
هيام : اعرف شنو تفكر فيه لكن نتكلم بعد ما تطلع بالسلامة
فهد : مابينا كلام كل شي انتهى ماتفهمين !
هيام : مابي افهم،اعرف انك مو طايقني لكن انا ما بستسلم ادري اني كسرتك بردة فعلي لكن انا بصحح غلطي
فهد : هيام اطلعي برا احسن لك صبري نفذ منك اطلعي
هيام : مابطلع سوي الي تسويه مثل ما انا عطيتك فرصه ليش انت ماتعطيني فرصه انا تعلمت من غلطي لكن انت ماودك بالصلح واضح
لاتحط عذاريب اذا ماتبيني قولها بس لاتقول ان مني السبب لان واضح عافني الخاطر
بروح البيت ارتاح وارجع
جات بتطلع وناداها : هيام
لفت عليه : نعم
فهد : رحتي كشفتي على جنس الجنين
هيام : اذا ماودك فيه لاتخاف مابي شي يربطني فيك اذا ناويها طلاق
احتدت ملامح فهد جا بيرد عليها لكن هي ما نتظرته يتكلم وطلعت
ـــــــــــــــــ
عند ريتال وسلطان
صحى سلطان على صوت منبه جوال ريتال لكن هي بعدها نايمه ولا بحول الدنيا
سلطان بصوت شبه مسموع: ريتال ريتال يلا قومي يرن منبه جوالك
فزت ريتال وهي مخترعه يمهههه الساعه كم تأخرت على المدرسه ؟
راح عليّ الاختبار وين مريولي
سلطان ضحك على خرعتها وحركاتها وهي تدور من مكان لمكان : تعالي تو الناس الساعه خمس ونص ارتاحي وقومي صلي الفجر و تجهيزي
رجعت ريتال تجلس وهي تطفي المنبه : والله خفت راح عليّ الاختبار كنت احلم فيه وانت صحيتني
سلطان : بسمالله عليك الرحمن الرحيم
اسف اذا خرعتك
ريتال : والله لو ما خرعتني كان بعدني نايمه ولا قمت
ابتسم سلطان : يلا قبل تطلع الشمس بروح اصلي
ريتال : روح انت وانا بجي بعدك
سلطان : تمام
ــــــــــــــــــــــــــــ
بعد ساعتين
وصلت اريام للمستشفى مع سعود
وراحوا يزورون فهد الي حاله مايسر الخاطر بعد كلام هيام
دخلت اريام وبدت تبكي من شافته وهو يحاول يهديها
وبهذا الوقت دخلت هيام : السلام عليكم
كلهم ردوا السلام
هيام : ممكن تتركونا انا وفهد بس خمس دقايق
سعود : ننتظركم برا وخطاك السوء يافهد
فهد : خطاك اللاش
طلعوا برا وهيام ماكان ودها بالي بيصير بس فكرت ان هذا احسن حل بينهم
هيام  : اسمع فهد واضح ما بنوصل لمكان انا بسافر وماعاد برجع
وطلق وقت ماتبي ماعاد يفرق مع السلامة
فهد : لحظه انتي تبين تسافرين عشان تطيحين الجنين صح ؟
هيام : لاطبعًا
فهد : توقعين بصدقك بعد الي قلتيه اليوم
هيام : مايهمني انا بمشي طيارتي بعد شوي اقتنعت ان الفراق افضل
ما بنسى ايامنا مع بعض
فهد : صدقيني ان سويتي بولدي شي بقاضيك سامعه
هيام : والله لو ودك فيه ماوصلنا لهنا
فهد : انتي الي وصلتينا لهاذي المرحله لو كنا فعلاً نتقبل افعال بعض بالماضي والحاضر ماصار الي صار
ومافي داعي نفتح مواضيع ما بنستفيد اذا فتحناها احنا انتهينا بس والله والي رفع السبع سموات ان فكرتي تسوين شي ما تلومين الا نفسك
هيام : مع السلامه وانشاءالله بالمرات الجايه اشوفك بخير وما اكون السبب في الي صار
فهد : انتي طبعتي بصمات فيني ماراح انساها
طلعت وهي كانت تتمنى يقولها لاتروحين احتاجك واحتاج قربك واهتمامك لكن خيّب ظنها
من بداية مشاكلهم استسلموا ماعندهم استعداد للتضحية او ممكن الكبرياء طاغي اكثر ؟!
سعود : صاير شي بينكم ؟
هيام : بروح عندي سفرة عمل
اريام :وخوي بهالوضع من جدك انتي
هيام : اخوك الي مايبيني حاولت لكن فشلت اشوفكم على خير
تركتهم مصدومين محد يعرف شنو الي صاير بينهم والواضح انها مشكلة كبيره
سعود : بروح اشوفها وانتي شوفي اخوك
اريام : تمام
ــــــــــــــــــــ
سلطان : اختبار وش ؟
ريتال : كيمياء اف احس ماذاكرت عدل خايفه
سلطان : ذاكرتي ؟
ريتال : لا اعتمدت على الشروحات شايف انت الي صار مامداني اذاكر بس راجعت شي بسيط
سلطان : اذا انتي شاطره فيه بدون ما تذاكرين بتجيبين درجة
ريتال : سلطان طول الطريق بطني تعورني مابي اختبر
سلطان : شفيك مايشوف درجات دنيا عادي
ريتال : مابي انقص مابقى الا ترم
سلطان : متأكد انك بتجيبين كامل يلا وصلنا
ريتال :اف ليش ماطولت الطريق
سلطان : طولته ولا لا انتي بتختبرين بتختبرين،الشي الي تخافين منه واجهيهه
ريتال : ادعي لي
سلطان : الله يوفقك
نزلت ريتال وهي متأزمة من الاختبار
ـــــــــــــــــــــــــــــ
دخلت اريام على فهد و هي ماتعرف كيف بتتكلم معاه وهي ماودها تدخل لكن الوضع الي شافتهم فيه لازم تسوي شي عشان اخوها تعرف ان يموت بهيام
اريام جلست جنبه على السرير : شنو صاير بينكم
فهد : موصاير شي
اريام : ترا عندي عيون واشوف الحمدالله تكلم يمكن ترتاح واحل سالفتكم
فهد : ما اظن انك تقدرين عليها
اريام : انت قول وانا اقرر اذا اقدر او لا
بدا فهد يقولها الي صار بينهم من البداية
صح غلط ان شخص خارج العلاقة الزوجية تدخل لكن في حالات شاذه تحتاج النصائح فقط ماتجبر اي احد من الطرفين على العمل بالنصيحة لأن من الممكن يزيد الوضع سوء
اريام : اعتقد هيام ماكانت تحبك كانت تحاول لأنه نحيت امام المر الواقع لما تزوجتك
فهد : ادري وعارف وحاس وساكت بس خلاص انا لي كرامه تعبت وانا اداريها ولا اشوف منها شي بالمقابل
اريام : طيب واضح انها تعلقت فيك ماشفت وجهها لما جات تقول انها بتسافر
فهد : مدري موقادر اسامحها على الي اسويه معاها مايعجبها
اريام : بس مو حل انك تتركها تسافر
فهد : ماودي بس ماقدر امنعها
اريام : تقدر اذا ودك
فهد : طيب شنو بيصير بعدين صح ماودي تروح بس هم ماقدر اكلمها واعيش معاها طبيعي ولا كأن شي صار بينا
اريام : طيب كان قلت لها تصبر عليك مو تتركها تروح
ـــــــــــــــــــــ
سعود طلع ورا هيام وقام يناديها : هيام هيام وقفي
هيام : نعم اذا بتسأل متى برجع ف جوابي مدري
سعود : امشي نجلس شوي بكلمك بموضوع
هيام : ماعندي وقت طيارتي بعد ساعه ونص بروح اخذ اغراضي وامشي المطار
سعود : بس عشر دقايق ضروري
هيام : تمام تعال نتكلم بسيارتي
مشوا وركبوا مع بعض
سعود : شنو المشكله الي بينك وبين فهد
هيام : سعود لاتحاول الي بينا انتهى
سعود : الي بينكم مانتهى بينكم طفل حرام عليكم لاتفكرون بنفسكم بس وتصيرون انانيين البيبي بعدين يتشتت بينك وبين فهد صح ماعرف الي صار لكن توكم ماصار لكم سنه والمشاكل تحصل بين اي زوجين
حتى انا لاتفكرين اني عايش ومبسوط كانت بينا مشاكل انا واريام
بس لكل مشكله ولها حل واذا سافرتي مابينحل شي بل بالعكس الوضع بيتدهور
اعرفك انتي اذا بغتي تهربين تسافرين ماعندك شغل او شي مهم
هيام : ماقدر مايبيني حاولت لكن هو بس يصدني ويجرحني بكلامه
سعود : هو توه طالع من حادث اليم وبمعجزه اكيد متأثر ولا بيفكر عدل صدقيني اذا راحت السكره جات الفكره
هيام : والحل ؟
باخذك عندي في شقتي مع اريام لين فهد يقوم بالسلامه ويصير خير
هيام : مو كنت في بيتنا !
سعود : اخذت شقه اول امس بس مابعد ننقل
هيام : مايصير انت توك متزوج ماقدر اقعد عندكم
سعود : اريام هي قالت
هيام : طيب بس يومين بعدين اشوف مكان ثاني
سعود : تمام انتي بس تعالي ونشوف بعدين
ــــــــــــــــــــــــــــــــــ
دينا : ماما بنروح نزور فهد كلنا تجين ؟
هبه : اكيد وهذا سؤال بعد طبعًا بجي
لين : لحظه طلبت ورد وحلا يجي ونطلع
دينا : يو انا طلبت بعد
لين : يلا زيادة الخير خيرين
دينا : صح هيام هناك ؟
لين : مدري ماكلمتها من زمان
دينا : من حملت وهي حدها متغيره مدري شصاير لها
لين : يمكن هرمونات الحمل
دينا : ممكن يحصل بعد
هبه : ها يلا وصلوا الاغراض الي طلبتوهم ؟
البنات : اي تو المناديب دقوا
هبه : يلا امشوا نطلع
ــــــــــــــــــــــــــــــ
عند ريتال الي طلعت وهي بتموت من الفرح
شافت سلطان ينتظرها برا وهو واقف بالشارع مو بالسياره وكشرت لأنها تكره هالحركه والبنات ما يتركونها من الطقطقه
شافها سلطان فكر انها جابت العيد بالأختبار مشت من جنبه وركبت السياره بدون تكلمه مشى وراها وهو متوقع عشان الاختبار مايعرف وش ينتظره

ـــــــــــــــــــــــــــــــــــــــــــــ
اشوفكم بعد اسبوعين في الاجازة بإذن الله❤️

وممكن بكرا يكون في بارت صغيرون عشان ارتب حسابي بالانستا واذا حابين
تسولفون معانا ننتظركم بالانستا rwiua2023