يامن سحرت قلبي بجمالها وصدت عيني عن غيرها

Part 30

هيام : ماتسمع اقولك طلقنيييي
فهد : كيف عرفتي !؟
هيام : الحين هذا المهم يعني كيف عرفت!
انا برجع الرياض وورقتي توصلني
فهد : اسمعيني اول
هيام : انا سمعت كل شي ماله داعي اسمعك
خرجت هيام ولحقها فهد لكن دون جدوى مشت بدون تسمع منه كلمه وهي بتموت قهر كيف كان يخدعها بالكلام والحركات الي كان يسويها
ــــــــــــــــــــــــــــــــــــــــــ
سعود دخل للحمام [يكرم القارئ] وهو في باله اريام بتنتظره برا وحده متحمس
بعد ماخرج تزحلق بزيت كان مكبوب بالأرض وعرف انها حركات اريام قام وهو يتألم وراح يدورها لكن ماحصلها
ودخل غرفة خواته وشافها في غرفة دينا وشافهم متجمعين على بعض و يضحكون على شكله لأن اريام فتحت فيس تايم ودقت على دينا وخلت الجوال بالغرفه وكلهم شافوه وهو يطيح
سعود : على وش تضحكون ؟
دينا : عليك
سعود : ليش فيني شي يضحك ؟
لين : لامافيك شي بس طيحتك الي تضحك ههههههههههههه
سعود : ارياموههه ياتبن
اريام كانت ماسكه بطنها من كثر الضحك
يلا لين وخري بنام واذا تبين تنامين معانا حياك
سعود : تستهبلين انتي بتخلين لين تنام معانا كأنها بزر
اريام : ههههههه مين قالك اني بنام عندك اقصد معانا انا ودينا
خواته يطالعون بعض ويضحكون عليهم كيف اخوهم الي كان متحمس عشان يتزوجها والحين بس معصب عليها
مسكها سعود من يدها وسحبها للغرفه
سعود : يلا ياشاطره نظفي الي سويتيه
اريام : نادي الخدامة تنظفه تصبح على خير
جات بتطلع سحبها سعود لحد ما صدمت بصدره : على وين ياحلوه ؟
اريام : بعد بطلع
سعود : لا مافي انتي اليوم بتنامين بحضني
اريام : لا مابي ماتقدر تجبرني
سعود : متأكده ؟
اريام : اي متأكده
سحبها سعود للسرير و..................................نروح مكان ثاني
ــــــــــــــــــــــــــــــــــــــــــــــــــــــ
ورد : طيب زوجتهم الحين تقدر تقول شنو مسوي
حسين : انا في فتره تاجرت بالممنوعات
ورد شهقت من كثر صدمتها بزوجها : ليششش
حسين : عشان تعيشون في هذا العز والرفاهية
ورد: بالحراممممم!!
اذا كذا مولازم ما نبي لا عز ولا رفاهيه اعيش بفقر ولا اني اعيش بفلوس حرام
حسين : وهددوني اذا ماارجع معاهم بيسحبون بناتي لطريق السوء
ورد : وشفت الحل انك تزوجهم !
وين عقلك ومخك وين طار ؟
حسين : ادري اذا بلحق وحده ماقدر على الثانيه واحسن حل كل وحده تصير مشغوله ببيت زوجها
ورد : حسبي الله عليك
تعرف اذا عيالك دروا مستحيل يطالعون بوجهك
حسين : اهم شي اني امنت عليهم بس برتاح اكثر اذا سافروا بعد احسن واحسن
ورد : ياربي بيموتني هالرجال زر عقله
ـــــــــــــــــــــــــــــــــــ
دخل مشعل وعطى اريج الكيس : جبت اكل تعالي اكلي معاي
اريج : طيب بروح وارجع
مشعل : انتظرك
بعد خمس دقايق رجعت اريج تجلس على الطاولة مع مشعل
مشعل : شرايك دام عندك اجازه نروح بكرا نقضي للشقه
اريج : اي صح نسيت اشتري فستان لملكة لين
مشعل : خلاص نخلص اشغالنا بكرا من الصباح بدري
اريج : وابي اروح بيتنا اخذ اغراضي
مشعل : خلاص اوك اجل نامي مبكر
اريج : باكل وانام وانت ما بتنام
مشعل : عندي شغل اخلصه وانام
اريج هزت راسها وكملت تاكل بصمت
ــــــــــــــــــــــــــــــــــ
رجع فهد لجود اف فهمت غلط
جود : اتركها مع الايام تهدأ وارجع كلمها
فهد : ماتوقع مو بسهوله كسبت ثقتها والحين صدمتها غير اني كنت مكذب عليها قلت لها بسافر اوربا بس كيف عرقت
جود : حاول لاتستلم مثل ماعرفت تكسب ثقتها اشرح لها الحقيقة وغير كذا توني اعرف انك متزوج
فهد : وش بيفيد فقدتها خلاص
جود : عادي انا احاول اكلمها
فهد : انا ماشي الرياض توصين على شي ؟
جود : لا ماقصرت خلال هالسنتين مهما شكرتك قليل
فهد : هذا واجبي حبي مهند بدالي وقولي له اذا كبر اني انا الي انقذته وعاملته كأنه ولدي وماقصرت عليه بحبي وحناني له يشهد ربي علّي انك انتي مثل اختي وصح كان المفروض ما احضنك اعتذر من بس من فرحي لك الي صار لك مو قليل واعتذر من جديد
جود : خليه يعرفني اول وبعدين اسولف معاه واقوله وغير انك وقفت معاي وساعدتني وانقذت ولدي سببت لك مشاكل مع زوجتك انا الي اعتذر
ــــــــــــــــــــــــــــــــ
في الساعه الخامسه صباحاً
جلست ريتال تتروش وتسوي شعرها ولبست زيها المدرسي وجلست سلطان الي نام متأخر ولا جاي يقوم
ريتال : سلطان يلا قوم بتأخر على المدرسه
سلطان : بس شوي
ريتال : مايمدي الساعه ست وربع
سلطان : ياربي ماتخلين الواحد ينام
ريتال : نفسك بس شغلتك تصحيني
سلطان : طيب قمت
بعد عشر دقايق نزلوا وركبوا السياره ووصلها المدرسه
سلطان : عندك مصروف ؟
ريتال : اذا بتعطيني ماقول لا
عطاها سلطان مصروفها : اسمعي لا اسمع انك مسويه مصيبه طيب
ريتال : شدعوه تراني مو راعية مشاكل