اريج انهارت بكي وهي تشاهق : بس مشعل لا تضغط علّي زياده ما قدر اتحمل صدمات اكثر بس بس خليني بحالي
مشعل راح يهديها وحضنها : ما بضغط عليك بس عشان صحتك والي صار درس لنا كلنا اولهم انا
والي تبينه بسويه بس اكلي شوي واوعدك اني بطلع
مسحت دموعها وهزت راسها وبدت تاكل ويدها ترجف وماقدرت شافها مشعل وقام يوكلها
وهي انحرجت منه ومن معاملته
خلصت اكل : ابي اروح عند عمتي هبه
مشعل : شرايك نروح شقتنا واخليها تجي لك ؟
اريج : تمام
ساعدها مشعل تقوم تلبس عبايتها ويطلعون من المستشفى
مشعل : انتظريني هنا بروح اشوف الدكتور واجي
طلع من الغرفه وراح للدكتور دخل عنده : دكتور الحين وش بيصير عليها ؟
الدكتور: اخذ الحبوب الي عندها و اتلفهم وحاول تكون جنبها على طول وتنتبه على تغذيتها
مشعل : بس
الدكتور : اي بس وبكتب لها فيتامينات لان ناقص عندها الحديد وفيتامين د
مشعل : اوك يعطيك العافية
الدكتور : الله يعافيك
طلع مشعل وراح للغرفة واخذها وطلعوا
مشعل : بمر الصيدلية اجيب فيتاميناتك تبين شي ثاني
اريج : لا
ــــــــــــــــــــــــــــــــــــــــــ
هبه راحت لورد : ورد زوجك في شي ؟
ورد : والله مدري قال بيقول لي اذا زوج اريام لسعود بس واضح مسوي مصايب ويقول ابي أأمن على بناتي
هبه : الله يستر بس
تم العقد وراحت اريام مع سعود قبل اهلهم للبيت
بس لما هبه شافت رسالة مشعل قامت ورجعت مع بناتها على طول
صعدت هبه شقة ولدها : هلا يمه مشعل اريج فيها شي ؟
مشعل : ادخلي واعلمك كل شي
دخلت هبه وشافت اريج منسدحه على السرير ونايمه وجهها ذابل : وي بسم الله قول شصاير
مشعل : تعالي الصاله
قال مشعل لأمه السالفة بالكامل
هبه : حبيبي مشعل لاتلومها انت شفت الي صار بحياتها وكيف تغيرت اصبر وبتعتذر منك انت مالك ذنب
مشعل : اعرف وعاذرها لانها مو قاعده تفكر صح بسبب الاحداث السريعة الي عاشتها بس تصدقين اليوم نهارت بالمستشفى وحضنتها عشان اهديها ولا قالت شي
هبه : وليش بتقول عادي انت زوجها
مشعل : يمه نسيتي الفوبيا !
هبه : احلف اول مره يصير كذا غريب بس اكيد ماكانت منتبها
مشعل : حتى انا ستغربت
هبه : اي صح نسيت اقولك اليوم سعود ملك على اريام وابوها مسوي شي بس مو جاي يقول
مشعل : اصلاً تصدقين حسيت لان مو تصرفات عمي
قاطعهم صوت اريج وهي تنادي مشعل قام لها بيشوف شنو تبي
اريج : ابي ماي
راح مشعل يجيب لها خذت امه منه وراحت دخلت عليها وحضنتها وبدت اريج تحضن عمتها بقوه وتبكي بعد ربع ساعه وخرتها هبه : يلا يابنتي شربي ماي وهدي نفسك
اي اليوم ملكت سعود واريام واختك عندنا تحت شرايك تنزلين تشوفينها
اريج : لا بنام
هبه : براحتك بس اول بقولك شي تدرين ابوك زوج اريام لسعود نفسك انتي ومشعل
اريج بستغراب : كيف !
هبه : شوفي يابنتي ابوك مسوي مصايب ويقول يبي يزوجكم عشان يأمن عليكم يعني مو عشان البنت الي انتي كنتي تكلمينها
او عشان الاشياء الي قالها لك
اريج : مثل شنو المصايب ؟
هبه : تقول امك مابيقول لين يزوج اريام لسعود
اريج : يعني مو بسببي ابوي تغيرت معاملته معاي
هبه : لا يابنتي و الواضح كان بيزوجونك من قبل بس الي صار كان سبب له
اريج ارخت ملامحها بصدمه من الي سمعته
هبه : انا الحين بنزل بكرا اجي اتطمن عليك
اريج بعدها مصدومه وماردت
راحت هبه ودخل مشعل : اريج فيك شي ؟
اريج حست بألم في بطنها : لا بروح الحمام [يكرم القارئ]
بعد ماطلعت راحت لمشعل : اسمع بقولك شي
مشعل : قولي
اريج : انت تعرف اني اخذت اشياء بسيطه من بيتنا ومو كل اغراضي جايبتها
مشعل : اي
اريج بإحراج: احتاج شي ضروري
مشعل : طيب اسمعك قولي
اريج : ليش انت ماتفهم يعني لازم اقول ؟
مشعل : تبين اغراضك من بيت اهلك
اريج : اي ابيهم بس لا مو هذا الي قاعده اقولك عليه
مشعل : وش
اريج : عطيني جوالك
عطاها مشعل الجوال وخذته تبحث فيه وطلعت له الصوره : شوف هذا الي احتاج فهمت الحين
ضحك مشعل بسبب خجلها منه : طيب كان قلتي اسمها وش الصعب في !
اريج : وجع لاتضحك مايضحك وبعدين كيف اقول اسمها وانا معاك مو ذيك الميانه واستحي منك اصلاً
قام مشعل : طيب الحين بجيب
ـــــــــــــــــــــــــــــــــــ
عند فهد تحديداً في جده
فهد : كيف وضعها
الدكتوره : احسن من اول بكثير واول ماصحت سألت عنك
فهد : الحين بروح اشوفها اقدر اطلعها اليوم معاي
الدكتور : اي تقدر اصلاً صار لها سبوع من صحت وتطمنا عليها من بعد الغيبوبه تقدر تسجل لها خروج
مشى فهد ودخل غرفة جود
جود : فهد حبيبي
فهد : روحه وقلبه اشتقت لك راح وحضنها
جود : كيف ولدنا مهند
فهد : كبر صار عمره سنتين
جود : متحمسه اشوف شكله احس مابيتقبلني خوصوصاً من ولدته ماشفته
فهد : بيتعود عليك و بيحبك
جود من بعد ولادتها بمهند دخلت غيبوبة
ــــــــــــــــــــــــــــــــــــــ
سلطان : مو مصدق خواتي تزوجوا
ريتال : عادي مصيرهم بيتزوجون
سلطان : لا بس مدري حسيت نفسي كبرت
ريتال : ليش ولما تزوجتني صغرت مثلاً اكيد بتكبر ياروحي
سلطان : شفيك انتي خليني اعيش شعور الاخ الكبير
ريتال بدت تضحككك
سلطان : صح بقولك عندي سفرة عمل بالدمام
ريتال : وكم بتضل
سلطان : شهر تقريباً
ريتال : اي خير انشاءالله مابتروح
سلطان :ليش
ريتال : بس انا قررت
سلطان : بكيفك هو
ريتال : اي بكيفي
سلطان : امزح معاك بس اسبوع
ريتال : اذا كذا اسمح لك تروح
سلطان : لا ياشيخه ومين قال باخذ الاذن منك يعني
ريتال : اي صح سلطان صديقاتي بالويكند بيروحون شاليه وبنقعد يومين
سلطان : مافي روحه
ريتال : لا ياشيخ باخذ الاذن منك يعني
سلطان : اها يعني رديتيها
ريتال : لا صدق بيروحون وبروح معاهم
سلطان : لا ياقلبي ممنوع
ريتال : ليششش
سلطان : صاحيه انتي بنات بروحكم بشاليه ومافي رجال معاكم وبكل ثقه تقولين بروح
ريتال : عادي مافيها شي
سلطان : والله ان رحتي مايحصل لك خير
ريتال : طيب اذا انت بتسافر انا شنو اسوي بالحالي هنا ؟
سلطان : روحي عند عمتي وبعدين صح بالويكند يوم الجمعة ملكت مازن ولين
ريتال : يووو صح نسيتتتت ماشريت فستان
سلطان : بكرا اخذك من المدرسه ونروح نشتري لك فستان
ريتال : خلاص طيب متى بتسافر ؟
سلطان : يوم السبت بعد الملكه
ــــــــــــــــــــــــــــــــــــــــــــ
في جده دخلت هيام عليهم
هيام : فهد طلقني
فهد انصدم من الصوت الي سمعه وقام على طول من الكرسي : هيام !
هيام : ماتسمع اقولك طلقنيييي
أنت تقرأ
يامن سحرت قلبي بجمالها وصدت عيني عن غيرها
General Fictionزواج ريتال وسلطان بسبب عائلة والدها المتوفي بأمر من جدها ابو امها لحمايتها منهم
