بعد نص ساعة طلعت هيام من غرفة العمليات
وودوها لغرفة عشان ترتاح يوم وتكون تحت الملاحظة
اريام : فهد لازم ترجع للغرفة تعبت اليوم كثير وهيام اساساً بتنام
فهد كان مو معاها ولا سمعها
انحنت اريام لين وجهه وحركت يدها عشان ينتبه لها
فهد : اعوذ بالله شنو تسوين قبال وجهي !؟
اريام : قاعده اكلمك ماترد شفيك
فهد : مافيني شي شنو كنتي تقولين
اريام : اقولك اوديك غرفتك ترتاح
فهد تذكر الوجع الي يحس فيه : اي بس بكرا بتجين مبكر؟
اريام فهمت قصده : اي اصلاً بنام عندك بعد
فهد : زين عشان بكرا توديني عندها بتعبك معاي وبقعدك مبكر
اريام : شدعوه مابينا هالكلام انت اخوي
ـــــــــــــــــ
عند اريج الي سكرت شنطتها وجات بتنام وساحبه على مشعل الي مقفله عليه الباب
زهق مشعل من القعده بروح وجا بيدخل الغرفه وانصدم انها مقفوله
مشعل : اريج افتحي الباب
اريج : اف مشعل توني قعدت على السرير مافيني اقوم
مشعل : اريج لا تستهبلين افتحي
اريج : اف طيب قمت
فتحت الباب ودخل وسحبها بقوه لين صدمت بالجدار
اريج : اح شفيك عورتني
مشعل : اخر مره تقفلين الباب
اريج : خير عادي اسوي الي ابيه
مشعل : حتى انا اسوي الي ابيه
اريج : طيب سوي الي تبيه
جات بتمشي لكن استوقفها قُبله ضيعت علومها بعدها استوعبت على نفسها وبعدته
اريج : شنو تسوي !
مشعل : انتي الي قلتي سوي الي تبيه تحملي
اريج : ما اقصد كذا سوي الي تبيه بعيد عني
مشعل لصق انفه بانفها وتسارعت انفاسه : شنو اسوي انتي الشي الي ابيه تعبت من البعد
اريج بصوت واطي : مشعل بعد مبكر على هالشي تونا بالبداية
مشعل : ما اقدر
اريج بعدته تصبح على خير بكرا عندي دوام
مشعل : اف منك طيب اعرف كيف ارضيك
ــــــــــــــــــــ
ساعدت اريام فهد يدخل لغرفته وقالت : انا بطلع اكلم سعود اقوله اني بنام عندك
فهد : وإذا ماوافق روحي وتعالي الصبح لا تعاندينه طيب
اريام : طيب
خرجت من الغرفه وجلست على الكراسي الي يم الغرفه ودقت على سعود
اريام : هلا سعود وينك
سعود : لفي يمين
لفت اريام وجهها وشافته جاي ومعاه عشا لهم
سكرت الجوال وجا يجلس جنبها : ادري فيك انك بتبقين جنبهم وادري انك نسيتي تاكلين جبت لك اكل
اريام : كيف تعرف اني بجلس هنا ؟
سعود : اعرف انك فضوليه وملقوفه وتبين اول وحده تعرف شنو بيصير بينهم عشان تنقلين الكلام حق عمتي هناء
اريام فتحت عيونها على اوسعها : ماتوقع كل هذا عرفته خلال هالفتره البسيطة بس
سعود وهو يبي يزيد فضولها : اكيد
اريام : طيب كيف لازم اسحب الكلام منك يعني قول
سعود : تذكرين لما كان عمرك اتوقع بين التسعه والعشر سنوات كنا بمزرعة ابها
كانوا جايين ضيوف لجدي وعيالهم توهم متزوجين وكنتي تطالعينهم مستغربه من حركاتهم
بعدها قاموا يجلسون مع بعض ورحتي وراهم تشوفين شنو يسون و شفتيهم حاضنين بعض و ركضتي لعمتي هناء وقلتي لها ان في ثنين يسون شي حرام يحضنون بعض
اريام مصدومه منه : كيف عرفت
سعود : شفتك تركضين وركضت وراك وسمعت كل الي قلتيه حق عمتي
اريام لما تذكرت الي صار بدت تضحك على نفسها : طيب ماكنت اعرف انهم متزوجين
سعود : لا تحشرين نفسك بينهم
اريام : ماقدر ياخي احس شعور حلو اجمع بين قلبين
سعود : اتركي قلوب العالم بهواها واجمعي بين قلوبنا وارفقي بحالي ترا من بعد يوم الشاليه ماجلست معاك لحالنا وغير متى بنجيب بيبي
اريام وجهها صار احمر انحرجت من كلامه : تونا مابي الحين بعدني صغيره
سعود : حرام عليك عمرك ٢٥ وتوك صغيره
اريام : اي توني بعز عز شبابي بعد ما شيبت
سعود : طيب ما شيبتي بس نحتاج بيبي يغير جونا
اريام : لاحقين اصبر شوي بس
سعود : ادري وبعدها بتسحبين
ـــــــــــــــ
في الصباح عند لين الي جلست متأخر وحدها مستعجلة
خلصت سريع وطلعت وشافت مازن برا
مازن : مابغيتي تطلعين
لين : ليش
مازن : صار لي ساعه انتظرك تطلعين على اساس بسوي لك مفاجأة الا صرت شجره قدام الباب
ابتسمت لين : اسفه مدري انك بتجي صحيت متأخر
وكأنها توها تستوعب انها متأخره وشهقت : مازن تأخرت باقي نص ساعه على المحاضره
مازن : بسرعه تعالي اركبي
مشوا سريع ولين كانت خايفه من سرعته ومن انها تتأخر
بعد ربع ساعه وصلوا الجامعه ولين الي قلبها من الخوف طاح في بطنها
مازن : وصلنا روحي بسرعه قبل تتأخرين
لين : اخر مرا اركب معاك
مازن : تخسين مواخر مرا تركبين معاي روحي وبعدين نتفاهم على هالموضوع
نزلت لين وهي معصبه منه مابغت تناقشه لانها متأخره
ـــــــــ
عند فهد الي ماقدر ينام وقعد اريام عشان توديه لهيام
فهد : اريام ريومي
اريام فزت : هلا فيك شي تحس بألم ؟
فهد : لا بس قومي وديني حق هيام
سعود : الي حس بفزت اريام وقام يشوف الساعه اعوذ بالله مقعد زوجتي الساعه ست عشان مرتك
فهد : اشوف بعت اختك وترا اريام هي قابله انت شعليك
سعود : اي ياراسي صدع منك بقوم اجيب لنا قهوة
فهد : اي والله تسوي خير
سعود : لنا اقصد انا وزوجتي
اريام : بس صدعتونا انا حشى عليكم ما تهجدون شوي،وبعدين سعود اذا ماتجيب لأخوي ما بشرب القهوه
فهد : شفت ماترضى عليّ
اريام : اقول انت بعد امشي خلينا اوديك حق حبيبة القلب
فهد : ماقدر امشي مثل ما انتي شايفه رجلي مكسوره
اريام : اي صح نسيت اقصد اقعد
فهد : يلا وديني
اريام : شفيك مستعجل!
فهد : اتركي الكلام عنك بس ووديني
ـــــــــــــ
عند ريتال الي نامت متأخر عشان كانت تجهز اغراضها ومن صحت وهي تدور ومو عارفه تحط شنو لا تشيل شنو
سلطان : يلا ريتال الساعه ست ونص
ريتال لاحت عليه البجامه : حطها بالغرفة والحين بخلص باقي شوي
سلطان: طيب الظهر كملي مابتطير الدنيا
ريتال : لامابي عشان بس ارجع بيت امي انام مانمت بالليل زين
سلطان : الله يهديك اخلصي بسرعه
ريتال : ياربي لاتحن بس خمس دقايق
سلطان : بشوف هالخمس دقايق ادري بتصير ساعه
ريتال : سلطان روح ودي البجامة وانزل وبتشوفني وراك
سلطان : طيب بشوف
ـــــــــــــــ
عند بيت سالم الي الكل جلس مفجوع من صوت دق الباب
نزل سالم يفتح الباب وانصدم من شاف ابوه واقف وواضح عليه العصبيه
عبد الرحمن : وين بنتك الوصخه هاذي اعرف انها نفس امها
نزلت هبه ودينا وشافوا الجد حاولت هبه ترجع دينا لغرفتها لكن ماسمعت كلامها وتبي تشوف وش بيقول نزلت تحت جنب ابوها
سالم : ماكفاك الي سويته ببنتي جاي بتكمل الناقص !
عبدالرحمن : اعرف انها نفس امها تحاول تغري محمد عشان يتزوجها وبالأخير نجحت وتزوجها
لكن مايستمر هالزواج فاهمين فاهمه يا بنت امك
مشت دينا لين وصلت لعنده : انت بنت ابوي سالم الي هو ولدك يعني حفيدتك انت وغير كذا ما عاش من يتهمني باخلاقي وتربيت ابوي لي واذا على اني مو عاجبتك ولدك هو الي غلط وانا مالي ذنب
عبد الرحمن : اي كلنا نعرف انك غلطه
ورفع يده وعطاها كف طيحها بالأرض من قوته : وانا ما عاش من يرفع صوته عليّ
سالم : دامك رفعت يدك على بنتي و قبالي بعد انسى ان عندك ولد اسمه سالم وبيتي يتعذرك
عبدالرحمن : صدق اني ماعرفت اربي لكن ماراح اخليهم يتزوجون وتشوفون
جات هبه ترفع دينا وقالت : اعلى ما بخيلك اركبه ويلا الباب يوسع جمل
ــــــــــ
دخل فهد على هيام وشافها نايمه التفت على اريام وقالها : يلا اطلعي اتركيني هنا
اريام : لا والله تحلم جيت برجولي اشوف وش بيصير مستحيل اطلع
فهد : وجع يا اريام قلت اطلعي
تحركت هيام وفهد اشر على اريام انها ماتطلع صوت
اريام :مابطلع بكيفك عاد
صحت هيام وشافت فهد قدامها وابتسامتها شاقه وجهها : صباح الخير حبيبي
اريام : الله اي كملي بعد
رفعت هيام عيونها وهي مخروشه مانتبهت على اريام الي واقفه
هيام : بسم الله
اريام : وجع شايفه جني يعني ؟
فهد : توجعك
اريام : توجعك انت
ها لا امزح توك موجوع واجد عليك هالوجع
ضحكت على نقاشهم وقالت : طلعتي من الشر وربي يرزقكم بالي احس يارب
هيام : اللهم امين
فهد : خلاص شفتي الي تبين اطلعي
اريام : اح هاذي كاش طرده
فهد : ياخي وش اسوي صمغ موجاي ينشال
اريام : خلاص بطلع ماهقيتك تزعلني
طلعت اريام وهي زعلانه من فهد
هيام : شفيك عليها زعلتها حرام عليك
فهد : شنو اسوي مو جايه تطلع هالنشبه
ــــــــــــــــــــــــــــــــــ
عطوني رايكم 💕
أنت تقرأ
يامن سحرت قلبي بجمالها وصدت عيني عن غيرها
General Fictionزواج ريتال وسلطان بسبب عائلة والدها المتوفي بأمر من جدها ابو امها لحمايتها منهم
