يامن سحرت قلبي بجمالها وصدت عيني عن غيرها

Part 50

سلطان : مدري مدري بس اموت واعرف السبب
دق جوال سلطان ورد وهو بعده ماتخطى الصدمه
ريتال : سلطان وينك متى بنمشي ؟
سلطان بصوت مخنوق : اطلعي انتظرك برا
ريتال : يلا جيت بس لحظه ليش صوتك متغير ؟
سلطان : انتظرك باي
استغربت ريتال من اسلوبه كذا بدون لايصير مشكلة او شي ونغزها قلبها لكن تجاهلت الشعور وكملت تسولف مع اريج وهي تلبس عبايتها
سلطان : مشعل ترا في شي وانا متأكد ان كل هالي يصير من ورا جدي
مشعل : سلطان انت مستوعب كلامك !
سلطان : انت ماشفت كيف تغير من بعد ما قال محمد بيخطب اختك دينا
مشعل : طيب بس اهو من قبل كان كذا مو جديد
سلطان : صدقني وبتشوف لأن مستحيل يختفي فتره ولا عاد رجع وين بيروح وحتى البيت والشركه ماراح لهم
مشعل : اف سلطان اف ليش طيب بيسوي كذا وش مصلحته
كان بيرد سلطان بس قاطعهم خروج ريتال الي شافت وجيهم متغيره وكل واحد قمط العافيه من شافوها
ريتال : شفيكم سكتوا ؟
سلطان : مافي شي يلا امشي نروح
ريتال : الا فيكم شي بس يطلع مع الوقت ونشوف
دخل مشعل للشقه ومشى سلطان مع ريتال
ــ
عند فهد الي دق على اريام لكنها ماردت ودق اكثر من مره وبكل اتصال كان ينقطع ولا ترد عليه
فهد : يمه دقي على اريام شوفيها وينها
ورد : وش الي صاير بينكم ؟
فهد : اريام زعلانه مني واتوقع تهاوشت مع سعود وتركت البيت
ورد : لاحول ولاقوة الا بالله يلا الحين ادق اشوفها
دقت ورد على اريام ونفس الي صار عند فهد صار معاها ماترد وحاولة الاتصال اكثر من مره بس بعد ماترد
ورد : يمه فهد اختك ماترد عسى ما صار فيها شي بس
فهد توتر وتوقع انها ماردت عليه عشان انها زعلانه منه لكن خاب توقعه بعد ما دقت امه ولا ردت
راح فهد يدق على سعود لكنه مارد عليه وبدا فهد يتوتر كثير
وراح يدق على سلطان : هلا سلطان وينك ؟
سلطان : اهلين راجع بيتي
ناظرته ريتال وطيرت عيونها : لا ابي بيت امي
رفع سلطان يده بمعنى اسكتي شوي
فهد : تقدر تروح بيت عمتي تشوف اذا اريام هناك ولا لا
سلطان : دق عليها وشوف
فهد : كلنا دقينا عليها بس ماترد واتوقع انها بتروح هناك بالله روح شوفها
سلطان : تمام
سلطان كانت عنده شكوك لكن قرر انه ينتظر يشوف بيت عمته
وبعد ماوصل يناظر السيارات الي خارج البيت لكن ما شاف سيارتها
نزل من سيارته ودق على فهد  : فهد سيارتها موموجوده ماشفتها
فهد : اكيد صار لها شي
سلطان : وش الي صاير ؟
فهد : اريام كانت زعلانه مني وتهاوشت مع سعود وطلعت من البيت
سلطان تقريباً تاكدت شكوكه : بكلم سعود يكلم بيت عمي اذا راحت هناك ولا لا
فهد : وطمني
سلطان : تمام
دق سلطان على سعود وسعود رد : سعود دق على بيتكم شوف اذا اريام راحت هناك ولا لا
سعود : ليش هي مو في بيت عمتي ؟
سلطان : لا مو هناك بسرعه وعطني خبر
سعود : تمام دقايق بس وارد عليك
سكر سعود من سلطان ودق على دينا لكن ماردت رد بدالها محمد : دينا وينك
محمد : هلا سعود
شال سعود الجوال من اذنه بيتأكد من الاسم وشاف فعلاً ان داق على دينا : محمد وين دينه ؟
محمد : في الحمامات [ يكرم القارئ] تغسل وجهها من بعد الي صار
سعود باستغراب : شنو الي صار ؟؟
محمد : في واحد واحنا طالعين من المطعم حاول يقتلها كان يلف السياره على جهتها وعلى اخر لحظه سحبتها
سعود : طيب وش الي يخليك متأكد ان هو متعمد
محمد : ماكان على السياره لوحات وكانت كتم وغير كذا لو انك شايف كيف الي صار بتعرف ان متعمد مو عن طريق الخطأ
سعود : استغفرالله طيب المكان الي انتوا فيه مافيه كاميرات
محمد : الا بس مايطلعون التسجيلات الا للشرطه بس تطلع دينا بنروح نقدم شكوى
سكر سعود من محمد وكلم سلطان وحكى له الي صار
وسلطان كان مصدوم ومتوقع ان الي يسوي كل هذا جده بس الى الان مو فاهم السبب

ــــــــــــــــــــــــ
اعتذر عن التكمله لظروف خاصه