يامن سحرت قلبي بجمالها وصدت عيني عن غيرها

Part 56

بعد ما بدا الفلم بس بربع ساعه الا ريتال من الخوف لاصقه في سلطان وكل مالها وتلصق اكثر سلطان لاحظ انها خايفه وضحك بدون تنتبه وفجأة جا مشهد مرعب بالنسبه لها ونطت بحظنه : سلطان راح ولالا
سلطان يضحك بدون صوت عليها : لا ماراح
انتظرت مايقارب دقيقتين ورجعت سألته مره ثانيه
لكن ماسمعت جواب شالت يدها من على عيونها وشافت سلطان يناظرها ولا منتبه لكلامها : سلطان
حست على روحها والمكان اللي جالسه فيه وجات بتقوم بس سحب خصرها ولصق ظهرها بصدره بعد شعرها ونزل راسه يشم عطرها اللي رشت منه على عنقها اشتدة انفاسهم بس ريتال رفضت وقالت : سلطان بعد
سلطان : امممممم ماقدر
ريتال : سلطان بعد العرس
سلطان :  انتي بعد مين بيعرف اذا صار قبل العرس  !!
ريتال : بس انا مابي الحين
سلطان : لييش وش اللي يمنع ؟
ريتال : اللي يمنع اني ماقدر
سلطان : ليش يعني خايفه مني
ريتال : لا بس ماقدر انت افهمها عاد
سلطان : والله مافهمت انتي قولي بفك الغاز انا
ريتال : يا ابن الاوادم مااصلي فهمت الحين
سلطان ضحك عليها: اها قلتي كذا من البداية
ريتال : لا بالله صادق كيف اقولك ماعمري قلت الا حق امي والبنات كيف فجأة بقول لولد
سلطان وهو بعده يضحك : عادي انا زوجك ياذكيه
ريتال : سلطان مايضحك وبعدين مو متعوده عادي اصبر عليّ شوي
سلطان : طيب بدخل انام وراي دوام بكرا بتسهرين انتي
ريتال : لا بشيل الاغراض اوديهم المطبخ وبنام
سلطان : تمام انتظرك تنامين بحضني ياروحي
كان بيمشي وشافت ريتال علبة المناديل ولاحتها عليه
سلطان : وجع
ريتال : توجعك لا عاد تقول هالكلام
سلطان غمز لها : تستحين
ريتال وجهها قلب احمر : لا بس عيب
سلطان : والله انك مو صاحيه وش العيب يابنت الناس افهمي انا زوجك اي واضح تستحين عشان كذا تقولين عيب
ريتال كانت بتكمل عليه بس راح يركض عشان ما تصيده
بعد ما راحت للغرفه جات في بالها فكره : سلطان نمت ؟
سلطان : وش تبين
ريتال : شرايك تكنسل فستان اللي سويته للعرس احس ابي البس فستان اسود
فز سلطان من مكانه : انهبلتي انتي وش فستان اسود
ريتال : لا جد والله الحين صاير ترند
سلطان : بلا ترند بلا خرابيط واتركي الحكي الفاضي
ريتال : بكيفي بلبسه
سحبها سلطان : اهجدي ونامي بس
ريتال : سلطان لاتحسب بنسى جد بلبس الفستان الاسود
سلطان : يصير خير
ـــــــــــــــــــ
عند مشعل رجع البيت وهو ميت من التعب طول اليوم يدور بالسياره
وهو داخل الغرفه شاف اريج نايمه على اطرف السرير وحوالينها الكتب والاوراق جا بيشيلهم وصحت اريج
مشعل : اسف اذا ازعجتك تعالي عدلي مكانك ونامي
قامت اريج خذت لها مخدتها وراحت للصاله تكمل نوم استغرب مشعل منها ولحقها : اريج على وين ؟
اريج : وش تشوف بنام وين يعني
مشعل : بتنامين في الصاله وعلى الكنب!
اريج : اي عادي شفيها
مشعل : اريج بعد من الواحد لين الثلاثه اذا ماطرتي للغرفه مابيحصل خير
اريج ماردت ولا عطته اهتمام غمضت عيونها عشان تنام لكن هو سحب الغطا منها اريج معصبه منه لكن جالسه تكتم في قلبها
مشعل : شكلك تتعمدين
اريج بصراخ : خلاص ايش مشكلتك معي اول شي تبيني بعدها تقول في من اللي تعطيك اللي تبي بعدها جاي تحاسبني وين انام وين ما انام يخي اتركني ولا بشغلك وش اسوي
مشعل : اها قولي انك غرتي
اريج : مشعل تراك سخيف بعدين اغار على وش
مشعل انجرح من كلمتها ولا توقع انها بتقولها وعرف ان الوضع بيزيد سوء
مشعل بقهر ابتسم : لهادرجه مااهمك ولا حبيتيني ولو شوي
اريج : انت اللي تخليت عني ورحت لغيري
مشعل : تصبحين على خير
تركها وراح للغرفه وهو مقهور منها ماتوقع منها الكسر خصوصًا ان هو دائمًا واقف معاها بكل شي وماكان ينتظر منها الا انها تحبه هو طفش متزوج بس كأنه مو متزوج علاقتهم جافه جدًا
ــــــــــــــــــــــ
نرجع عند هيام اللي كانت حاسه بفهد كيف فرق مشاعره بين قبل والحين
صح انها ماتقدر ترجع كل شي مثل قبل او حتى ترجع الزمن لكن تحاول تغير الوضع اللي هم فيه
دخلوا يطبخون وخلصوا و تغدوا لكن كان الصمت سيد المكان محد فيهم بادر يفتح موضوع
بالأخير هيام قررت تتكلم : فهد
فهد : هلا
هيام : عادي اكلمك بموضوع
فهد : اكيد
هيام بتوتر : لا خلاص ولا شي
كانت بتقوم تشيل الاغراض بس فهد بتر تفكيرها : اجلسي وقولي وش عندك
هيام : لا عادي مو ضروري
فهد : انتي قولي وانا اللي اقرر ضروري ولا لا
هيام نزلت راسها وهي مستحيه ومتوتره من اللي بتقوله خصوصا ان مالها وجه تطالب بحبه اللي هي رفسته بيدها : اعرف مستحيل ترجع تحبني مثل قبل او حتى تعاملك يرجع مثل قبل لأن عارفه اني خذلتك بس والله اني احبك وندمانه من كل قلبي خلينا نجرب
فهد مارد عليها كان يفكر بس هي قاطعت تفكيره لما تقدمت له وطبعت قُبلتها على شفايفه وتركته مصدوم ولما ماشافت ردة فعل منه جات بتقوم بس منعها وسحبها له ولصق جبينه على جبينها : عادي نحاول مافيها مشكله بس اتركيني ارجع اثق فيك وتصرفاتك معاي ولا تخدعيني
هيام : مستحيل اموت ولا ارجع اسويها
حط فهد اصبعه على شفايفها : لاتقولين هالكلام مره ثانيه ما اتحمل افقدك
هيام : ربي يخلينا لبعض ولا يحرمني منك
فهد : ولا منك يارب
ــــــــــــــــــــــ
في الصباح اريام كانت تفكر كيف تفاتح سعود بالموضع وخايفه منه
حس عليها سعود انها مو على بعضها وسألها : شفيك تكلمي
اريام : ودي اقول شي بس خايفه من ردة فعلك
سعود : قولي ولك الامان
اريام : والله
سعود : اي والله
اريام : طيب شرايك نسافر
سعود : اذا هذا طلبك تم
اريام : سعود لحظه مااقصد سياحة
سعود : اجل وش تقصدين ؟
اريام : انا اقول اكمل دراستي برا
سعود : شوفي مسألة انك تكملين دراستك مو مشكله بس برا هاذي يبيلها تفكير
اريام : طيب متى بتقول قرارك
سعود : بعد عرس ريتال وسلطان
اريام : يعني بعد اسبوعين
سعود : اي
اريام : مو كأنها كثير ؟
سعود : شوفي حبيبتي هذا قرار ماقدر اخذه بسرعة لازم نحسبها من جميع الجهات
اريام : طيب شرايك نلعب لعبه
سعود : طيب شرايك اول نفطر وبعدها نلعب مثل ماتبين
اريام : تمام بس تساعدني نسويه مع بعض
سعود : يلا قومي وش تنتظرين
دخلوا المطبخ وجهزوا الفطور وافطروا
اريام : يلا بجهز القهوه وبجي لاتسحب
سعود : لا بجي معك بحط من الكيك اللي جبته امس
اريام : انا احطه
سعود : عادي بجي معاك
اريام : تمام
خلصوا وجلسوا سعود : وش هي اللعبه ؟
اريام : بنكب العفش
سعود : ياساتر
اريام : يمه اكيد عندك شي مخبيه
سعود : لا ماعندي شي اخبيه عليك
اريام : ليش خفت ؟
سعود : يلا ابتدي ونشوف مين اللي يخاف من الجواب
اريام : طيب اول سؤال انا بسأله،وش الشي اللي جذبك فيني
سعود ابتسم : غرورك
اريام بصدمه : انا مغروره !!!
سعود : اي ماشفتي شكلك وانتي كل يوم داخله الشركه وبيدك وكوب القهوه ورافعه خشمك على الكل
اريام : لا والله ماقصد ارفع خشمي على احد طيب بس مغروره مافي شي ثاني
سعود : قوتك تذكرين كيف لما حارشتك في الشركه وعصبتي
اريام : اي اذكر حتى وقتها كرهتك كره العمى
سعود : اف شدعوه
اريام : طيب نكمل دورك تسأل
سعود : امممم مو قلتي انك كرهتيني كيف تبدلت مشاعرك ؟
اريام : مدري بس حبيت هواشنا مع بعض بعدها ادركت يمكن اني احبك
سعود : عيدي شنو قلتي مرة طياره ماسمعت
اريام : ماقلت شي
سعود : والله قلتي اخر كلمه وش
بتسمت اريام : احبك
سعود : اه والله انها احلى كلمه سمعتها بحياتي
اريام : طيب خلينا نكمل
سعود : يلا كملي دورك
اريام : وش الشي اللي ينرفزك فيني
سعود : عنادك اللي ما منه فايده
اريام : معليش تعودت على لعناد ولو اغلب الاحيان ينكبني بس يلا ماعليه احبه
سعود : لازم اخليك تتنازلين عنها

ـــــــــــــــــــــ
وروني تفاعلكم ونكمل