سبـحان الله ...🍀
والحمد للـه ...🍀
ولا إلـه إلا الله ...🍀
والله أكـبر ...🍀
الجزء -5-
Pov:ماجده
رجعت ماجده لبيتها وكانت سيارتها مليئه بالتراب
عندما دخلت البيت
ماجده : امي وينك ؟؟
تّيم : ماجدهه تعالي ابوي يبيك !!
راحت ماجده للصاله وشافت ابوها جالس على كنبه منفرده واميره تكلمه
اميره : اسمعني الموضوع مو بذاك الكبر لاتقسى على البنت
مهند : اسكتي تعالي ياماجده
تقدمت ماجده وهي عارفه انه تم القبض عليها
تّيم وهو يهاوش ومسكها من كتفها : وش كنتم تسوون هناك هاهه !!!
قام مهند من الكنبه بعصبيه : تّيم اتركها !!!
ترك تّيم ماجده بخوفها من اللي قاعده يصير
مهند جلس وهو يقول : ليه يابنتي سويتي كذا انا عطيتك سياره عشان تروحين اماكن ماسمحت لك تروحين لها ؟؟!
ماجده : دقيقه وين رحت انا اصلا (بكذب)
تّيم : لاتحاولين تلفين يمين ويسار ترا السياره فيها كاميرا
ماجده بخوف : طيب خلاص والله اخر مره مارح اعيدها
مهند : السياره معاد تاخذينها ممنوع سامعه
ماجده : بابا !
مهند : اص ولاكلمه
طلع مهند فوق وطلعت اميره وراه وهي تتوعد ماجده
وطلع تّيم من البيت
——————————————————————
بعد رجوع غازي وهتان وسالم من البر ووصولهم الى البيت
في الصاله
غازي : هتان تصدق !
هتان: وش
غازي : ياخي السياره مو غريبه علي
هتان : ممكن شبهت عليها
غازي : ممكن
هند : سياره وشو
غازي : الحين انتي وش تبين ناقزه في كل سالفه
هند : تكفى قول لي احسها سالفه حماس
قال غازي السالفه ل هند
وسمعتهم سما وعاد ماقصرت علمت كل الناس باللي صار وخاصه لوليد
سما : بابا بابا
وليد : هلا ؟
سما : وهي تقول له وش سمعت
وليد قام وراح عند غازي وهتان وهو معصب
وليد : غازييي !!!
قام غازي مفجوع وهتان شاف سما ورا وليد وهي تضحك وعرف انها ماقصرت
وليد : تقول لي وش اللي صار الان بالحرف الواحد
غازي : طيب طيب انت صل على النبي واقعد وانا اقول لك وش اللي صار ( صلو على النبي ياجماعه)
قال غازي اللي صار لابوه
وليد : لعاد تتورط في سالفه زي كذا ممكن يقلبونها عليك باي لحظه
غازي : ابشر ابشر
هتان هادئ ماقال ولا شي
جات سلمى من عند الجيران وهي ترقص
سلمى : السلام عليكم
الكل : وعليكم السلام
تعدت سلمى الكل وتوجهت لهتان
سلمى:هتاننن يافرحتيي
هتان : تدوم الفرحه وش اللي صار ؟
سلمى : لقيت لك وحده اسم الله عليها جمالل جمالل تصلح لك
غازي : وانا يمه ترا انا الكبير ؟؟
سلمى : اسكت انت
هتان وهو مبتسم من غازي : مين هي
سلمى : بنت جيرانا اسم الله عليها
هتان : اما ذيك ام عيون اللي كانت تراكض وراي وانا صغير
سلمى : لاتقول عنها كذا تهبل ومحترمه
هتان : لا لا ماابغا الله يوفقها
سلمى : هتاننن !!
هتان قام وسلم على راس امه وراح وانظار ابوه تتبعه
هند : والله حرام عليه المزيونه ذيك
—————————————————————
في صباح اليوم التالي الذي كان عذاب على بطلتنا شجون واختها الكبرى ياسمين
فتح عبد العزيز الباب
عبد العزيز : قومو قامت عليكم القيامه
قامو البنات بسرعه
عبد العزيز يأشر على ياسمين :هيه انتي روحي للغنم بسرعه
قامت ياسمين وتجهت للباب الخلفي لتخرج
وراحت شجون تسوي فطور لابوها وهي جسمها كله ألام
جابت شجون الفطور لابوها وقعدت وحطت له الفطور على الارض
عبد العزيز : ايه ايه انا اللي ماعرفت اربي
شجون : يبه والله ياسمين ماسوت شي انا اللي فكرت وانا اللي سحبتها معاي غصبا عنها والله ماسوت شي
عبد العزيز قام وجر شعرها وقامت شجون تصارخ
سمعت نوره صراخ بنتها الصغرى قعدت تبكي وتدعي وماعندها شي تسويه
عبد العزيز : انتِ انتِ اول وحده ازوجها وافتك منهاا
دخلت ياسمين ودفت ابوها عن اختها وضمت شجون
ياسمين : وش قاعد تسوي اتركها بنتك الصغيرهه
عبد العزيز ضرب ياسمين بظهر يده على وجهها:صغيره ايشش هاه صغيره ايشش تروح وتطلع بدون علمي و ************
ياسمين توسعت عيونها من الكلام اللي قاله : وش؟
والله ماسوينا ذا كله من اللي قاله لك والله بس طلعنا للبر ؟؟؟
عبد العزيز وهو قام يدف كل شي قدامه وقاعد يتكسر
عبد العزيز :اقول اسكتي اسكتي وانقلعي عن وجهي انتي واختك ******
شجون تبكي على صدر ياسمين بألم على حالهم وحال والدتهم وهي تدعي ان ربي يبعده عنها ويرتاحون منه ومن الجرائم اللي يسويها فيهم
أخذت ياسمين شجون للغرفه
شجون وهي تبكي : ياسمين تكفيننن ياسمينن سوي شي مابي اتزوج تكفين سوي شي
ياسمين والدموع في محاجرها وتأبى البكاء : وش اسوي قولي لي وش اسوي مافي يدنا الان سوى الدعاء ادعي ادعي يا شجـون
شجون انسدحت على فراشها وهي تبكي بحرقه
————————————————————-
فقره الكاتبه 🤍
دلعتكم اليوم كيفني بس 😉
شجون تحزن ابي اضمها 💔
صلو على النبي 🤍
أنت تقرأ
أنتَ النّعيمُ لقَلبي والعذاب لَهُ
Любовные романыفي ليله واحدهـ تغيرت حياه اختين من سيء الى اسوء في ظل والد ِقاسٍ وحياه قاسيه... شـجـون الحـارثـي 🖋️
