أنتَ النّعيمُ لقَلبي والعذاب لَهُ

الجزء -15-

الجزء -15-

سبـحان الله ...🍀
والحمد للـه ...🍀
ولا إلـه إلا الله ...🍀
والله أكـبر ...🍀

بعد خروج هتان من الشقه توجه الى احد المقاهي
دخل هتان المقهى وظل بانتظار وسام حتى يتناسى ماحدث له للتو
دخل وسام المقهى وتوجه الى مكان هتان وجلس وهو ينظر بحيره
وسام : السلام عليكم
هتان : وعليكم السلام
وسام بتنهد : شكلك مهموم مثلي
هتان بضحكه خفيفه : انصحك نصيحه من اخ عزيز
وسام : وش ؟
هتان : لاتتزوج ابعد عن الزواج وان مره ضاقت لاتتزوج وحده من الديره لانها بتكسر راسك
ضحك وسام ضحك هستيري وهو ممسك ببطنه : شكل المدام صفقتك هههههههه
تكلم هتان بتنهد : تراها قافله معي
اكمل وسام ضحكه : اصلا مارح اتزوج من بنات الديره ابداً من قبل لاتقول لي
هتان : ايه خلك كذا احسن احسدك على الطمئنينه اللي عايش فيها
وسام : اي طمئنينه امي وابوي صدموني اليوم بخبر
هتان : ليه شفيه ؟؟
وسام : تعرف امي مريضه هاذي الايام وماترتاح لاجواء المدينه فا قررو يسكنون في الديره ويبنون الارض اللي بجانب جدتي وجدي
هتان بصوت منخفض : اتمنى ماتقابل الشايب ذاك ابد
وسام : وش قلت ؟
هتان : اسلم كمل
وسام : احزر مين اللي بيمسك مشروع بناء بيتنا ؟
هتان بابتسامه : المهندس وسام ؟
وسام بضحكه : صح عليك ذكي
اكمل وسام كلامه : بسافر هناك فتره اكمل البيت باسرع مايمكن وارجع هنا
هتان : يعني مارح تسكن معهم ؟
وسام بنفي : لا انا عندي مشاريع هنا مااقدر اسكن في الديره بقعد عازب لحالي مثل بعض الناس قبل هههههه
هتان : اضحك اضحك شوفني اعض اصابع الندم
وسام : تبي الصدق اتوقع هي اللي متحملتك مو العكس
ضربه هتان على قفا رقبته بخفه : احسن فكه منك بتقعد هناك بدون شبكه حتى مااشوف وجهك
وسام بضحكه : صدقني بتندم وتشتاق لي
هتان : تحلم
وسام وهو ينهض بضحكه : نشوف
—————————————————————
بـيت مهند 
: بابا تكفى
مهند : قلت لك لا
تكلمت ماجده بدلع : بابا تكفى صاحباتي بيتقابلون في المول بروح معهم الله يسعدك
تقدمت اميره وجلست بجانب مهند : مهند اترك البنت تروح هاذي المره بس
مهند بتنهيده : استغفر الله العظيم
وقفت ماجده وقبلت وجنتي مهند
نظر اليها مهند وتنهد : طيب روحي بس لاتتاخرين واتصلي فيني
مدت ماجده كفها ل مهند
مهند : وش ؟
ماجده : مفتاح السياره
خرجت ماجده من المنزل بفرحه وبيدها مفتاح السياره ركبت ماجده السياره وتوجهت الى المول لمقابله صديقاتها
————————
: ولد تبي تروح معي ؟
سالم بكسل : لا بنام ابعد عني
غازي : مامنك فايده
خرج غازي من الغرفه ونزل للدور الاول
نادته سلمى بصوت خافت توجه غازي الى سلمى وهو يستمع لها
سلمى : تدري عن هتان وينه ووش يسوي ؟
غازي : لا يمه اتصل مايرد ولكن كلمت وسام وقال انهم تقابلو ومافيه شي طيب
مسكت سلمى رأسها : ي ربي اعني
حضن غازي والدته من الخلف : خلاص يمه لاتقلقين نفسك ترا ولدك رجال وعاقل ومايصير له شي ان شاء الله
سلمى بتفكير : ان شاء الله
————————————-
تقابلو الصديقات في احدى مقاهي المول
سلمو وحضنو بعض وجلسو يسولفون
منى : ماجده تعرفين وش صار على ياسمين وشجون ؟
ماجده بقلق : لا ادق عليهم بس ارقامهم مقفله ي الله ماندري وش صار عليهم خفت عليهم مرا لو صار لهم شي نحن السبب
منى : لاتخافين مارح يصير لهم شي
ماجده : ان شاء الله
تكلموا البنات عن مواضيع كثيره ومن اهمها مشروع الجامعه المشترك
نهضت ماجده من على الكرسي : بنات بما انكم تتكلمون عن موضوع المشروع بروح لدوره المياه وارجع ( اكرمكم الله)
تأفأفت ماجده : ي ربي ليه دورات المياه بعيده هالقد مشوارر
————-
خرج غازي من سيارته واقفلها في مواقف السيارات مشى قليلا متجهاً للبوابه الكبيره امامه
ولكن توقف عندما وجد تلك السياره
انصدم من وجود سياره تلك الفتاه امام بوابه المول
: وش ذي الصدفه !
صور غازي لوحه السياره ليبحث عنها بدافع الفضول
اتجه غازي للبوابه ودخل واستمر بالمشي
توقف غازي متفاجئ من المنظر الذي امامه
————
قامت ماجده بتلفت بسرعه : ي ربي ضيعت مكان دورات المياه وضيعت صديقاتي بعد اه ي ربي
تقدم شخص بأتجاه ماجده ببطء : ي حلوه تبين اساعدك ؟
انصدمت ماجده من الرجل الغريب الذي يتكلم معاها تجاهلته ومشت باتجاه السلم الكهربائي
امسك الرجل بيد ماجده : وين باقي مابدينا ؟
صرخت ماجده في المكان وابعدت يدها بسرعه : ابعد عني ي متخلف
مد الرجل يده ليمسك بماجده قبل هروبها
ركض غازي باتجاه الرجل وضربه على وجهه وامسك به وكتفه ارضاً ليمنعه من التحرك
نظر الى ماجده وتوسعت عينيه وفي نفسه : هاذي هي البنت !!!
جلست ماجده على الارض من الخوف وهي ممسكه بحقيبتها
الرجل : اتركني ي ******** ابعد
شد غازي عليه وبتمتمه : لعبت مع الشخص الخطأ
اتصلوا على الشرطه وقاموا بأخذ الرجل
ومازالت ماجده جالسه على الارض بخوف من الحدث وقفت ماجده بصعوبه واتجهت لغازي الذي يتكلم مع الشرطي نظرت الى الارض بتوتر : شكرا
تكلم معها غازي بغضب : وين اهلك ؟!!!
نظرت له ماجده بفزع : هاه ؟!
تفاجئت ماجده من الرجل الذي امامها وفي نفسها : مو هاذا الرجال اللي طلع سيارتي من التراب !!
تعرفت عليه ماجده من الوهله الاولى
اكمل غازي كلامه : وين ابوك ؟! وين اخوك ذاك اللي مامنه فايده !!
احتدت نظره ماجده : مايخصك شكرتك وخلاص
غازي : وخلاص ! تمام انا اتصل على مهند واقول له وش صار
تكلمت ماجده بفزع : تعرف ابوي !!
غازي : اي اعرفه واعرف اخوك تّيم بعد
توترت ماجده وتكلمت بسرعه : تكفى لاتقول لابوي تكفى
اخرج غازي هاتفه من جيب ثوبه
قامت ماجده بسحب هاتفه من يده بسرعه
غازي بغضب : رجعيه !!
ماجده : احلف ماتعلم ابوي ولا تّيم
مد غازي يده بدون النظر اليها : قلت لك رجعيه
تجمعت الدموع في عيون ماجده لو عرف ابوها مارح يسمح لها تخرج مع صديقاتها مره ثانيه : تكفى لاتقول له
كان غازي يريد الاختصار معها ولكن انفجر عليها للحظه : اي مارح اقول له هاه؟! لاتسلم الجره كل مره لو صار معك هالشي مره ثانيه ممكن تروحين فيها !!!!
بكت ماجده بصوت مرتفع : قلت لك خلاص والله مااعيدها
توتر غازي عندما سمعها تبكي : خلاص مارح اقول عطيني جوالي
ماجده : احلف !
غازي بغضب : قلت لك والله مااقول عطيني
مدت له ماجده جواله واخذه من الطرف بسرعه وتوجه لبوابه الخروج وفي نفسه : نسيت وش كنت ابي اصلا

—————————————————————
فقره الكاتبه 🤍
ارائكم بالبارت 💗
شرايكم فيني دلعتكم ببارتين ورا بعض 😆💗
ادعموني ي حلوين واكتبو ارائكم وافكاركم واسئلتكم في التعليقات بجاوب عليها كلها 😩💗

تابعوني بحسابي في
الانستا : lina_shoshoo
تيك توك : shosholina