أنتَ النّعيمُ لقَلبي والعذاب لَهُ

الجزء -10-

الجزء -١٠-

سبـحان الله ...🍀
والحمد للـه ...🍀
ولا إلـه إلا الله ...🍀
والله أكـبر ...🍀
-
: يبههه يبهه تكفى لاتتركني ياسمينن فكييي الباابب
: شـجـون ؟
لفت شجون رأسها لمصدر الصوت وكان الجو ماطر وليلي ماشافت ملامح الرجل اللي ينادي باسمها
انصدمت شجون واخذت عبايتها وحاولت تغطي راسها بالعبايه
مد لها هتان يده : خذي
نظرت له وشافت شماغه في يده ويناوله لها
اخذت شجون شماغه بسرعه وغطت شعرها به
فتح لها هتان باب السياره بمعنى ادخلي
فكرت شجون لدقائق وبعد التفكير ركبت السياره
ركب هتان وحرك السياره متجه للمدينه
كانت شجون تبكي وتنظر من شباك السياره ولا فكرت تشوف شكل زوجها
كانو يمشون على خط الديره امطار ومافي اضاءه في الطريق
قرر هتان يوقف السياره لين مايهدئ المطر
.........صمت.........
كان الصمت سيد المكان
فجاءه شجون فكت باب السياره بقوه ونزلت منها
انصدم هتان من حركتها و نزل وراها
كانت عاكسه الطريق وتجري وتبكي بكاء هستيري
مسك هتان ذراعها ووقفها
شجون ببكاء : اتركني اتركنييي !!!
غضب هتان من حركتها ومسك ذراعها بقوه يبي يرجعها للسياره
شجون تمسكت بثوبه بجرأه غريبه اثر عليها البكاء وتوتر الانفصال عن اهلها : اسمعني ي ولد الناس
هتان يناظر فيها بهدوء وهي متمسكه بثوبه وتبكي
شجون: زوجوني بك وانا مااريد فارجعني لبيت اهلي
هتان :ابشرك انا بعد زوجوني بك وانا مااريد ترجعيني ؟
شجون باستغراب وصراخ عليه شدت يدينها : كيف انت رجال كبير عريض وغصبوك تتزوج لاتقول لي اكذاب ورجعني بيتي بسرعه !
هتان مسك يدينها ونزلها عنه : طيب يالله ارجعي بيت اهلك وانا برجع بيت اهلي
اتجه هتان للسياره تاركها في نص الطريق الماطر لوحدها
ركب هتان السياره وشغلها
تضاربت افكارها ولكن لا مكان للعوده طردها ابوها من البيت وين تروح ؟
فكت باب السياره وكان هتان جالس بهدوء مبتسم نصف ابتسامه لان هذا اللي توقعه
ركبت وصكت الباب بقوه
هتان : هيي بشويش على سيارتيي !!
كانت شجون ساكته وعيونها مليانه دموع وماتناظر فيه حتى
حرك هتان السياره : استغفر الله العظيم —————————————————————
وصل غازي لبيته ودخل وسلم على الكل
مسكته هند ودخلته لاقرب غرفه موجوده
هند : وش صار؟
غازي : تزوجو والان هم متوجهين للمدينه
هند : كيف البنت شفتها ؟
غازي : اي والله شفتها جميلله
هند : حماس ابي اشوها
غازي ضرب جبهتها : ي غبيه ماشفتها وش ابي فيها
هند فكرت : اي والله صدق
غازي : الله يعوض زوجك المستقبلي
هند : اقول روح عني كنت بس متحمسه لها
غازي : والله ابوها يجيب المرض اتمنى انها مو مثله
-
جلس غازي على الكنبه في الصاله
غازي : وين امي وابوي ؟
هند : امي راحت مع سما لبيت صاحبتها وابوي معزوم
غازي : فيه قهوه ؟ ماتقهويت عند الشايب ذاك
هند وودها تصفقه : اي فيه بقهويك وانت تسولف لي عن اللي صار
-
بعد مده من الوقت
دخلت سلمى البيت وهي بأتم الفرح والسرور باين على وجهها
غازي : هلا والله باجمل ام بالدنيا
سلمى : ابعد عني وينه هتان ؟؟؟
غازي بزعل : افا يمه انا قدامك وتسالين عن هتان
سلمى : اي لان عندي له بشاره
هند: وش ؟
سلمى : لقيت لهتان بنت حلاها بحد ذاته قصيده
توترو غازي وهند ونظرو لبعض نظرات خاطفه
فرحانه وماتدري ان ولدها تزوج
دخل وليد ومالحق يسلم الا وسلمى قافزه عليه
سلمى حضنت وليد : وليدددد
وليد : اتركيني ي بنت الحلال وش فيك ؟
سلمى : اجلس اجلس
جلس وليد و غازي وهند على الكنب وجلست سلمى بجانب وليد
:اليوم رحت عند صاحبتي وانت تدري ابي ادور لهتان
وليد : اي
سلمى : لقيتها ي وليد لقيتها بيفرح هتان بذا الخبر
كان غازي بقمه التوتر اكيد خبر زواج هتان بدون علمهم بيكون صاعقه خاصه لقلب امه
وليد بفرح : اذا جانا هتان نفاتحه بالموضوع ونخطبها له
-
وقف هتان في حي شبه مهجور
هتان : شفيك ؟ انزلي
شجون بخوف : تستهبل وش ذا المكان
هتان : وش بيتي ؟
شجون : ليه تسكن هنا يخوف
هتان : لانه اقرب للمستشفى
خافت شجون وتراكمت الافكار في راسها ليه هو يسكن بجانب المستشفى هل هو *****
فكرت بافكار سيئه كثيرر ومافكرت ممكن لانه يعمل هناك
دخلو الشقه وقال هتان : انا بروح عندي شغله انتظريني
لفت شجون وجهها له وانصدمت بانه الرجال اللي ساعد امها في ذاك الوقت
شجون : انت ؟!
هتان مستغرب منها
شجون بصدمه : انت اللي ساعدت امي بذاك الوقت
هتان : صباح الخير
ترك هتان شجون وخرج من البيت في اول يوم زواج لهم
وتوجه لبيت اهله
كانت شجون منصدمه وجلست على الكنبه بهدوء تفكر باللي ممكن يصير لها

—————————————————————
بـيـت ولـيد :
دخل هتان وسلم ركضت سلمى وحضنته بقوه
سلمى : هتانيييي اليوم فرحح
هتان : دوم هاللفرحه ان شاء الله
سلمى بفرح : تعال اجلس
وليد : اجلس ي هتان بدأ وليد يدخل في الموضوع وغازي وهند كانو في اعلى مراحل التوتر
هتان يشوفهم ومو فاهم شي
وليد : امك لقت لك عروس
سلمى : اي ي هتان جمالها جمال ومحترمه ونعرف اهلها
هتان منصدم كيف يقول لهم انه حاليًا رجل متزوج !
وليد : هاذي هي ي هتان جبنالك بنت رجال بنت حسب ونسب
هتان ضاق تنفسه ونظر لغازي المتوتر : كيف نصارحهم ؟
وليد وسلمى في قمه السعاده كيف يصارحهم انه تزوج وحده مايبغونها وهم مايدرون ويخرب لحظتهم السعيده
هتان : يبه انا ...
وليد قاطعه بفرحه : انت وش ي هتان هاذي الايام نروح نخطبها لك
هتان : يبه بس انا ماابيها الله يستر عليها
وليد : ليه ؟
هتان : لاني متزوج !
وليد من الصدمه سقط جواله اللي ماسكه بيده
سلمى توسعت عيونها وتضاربت نبضات قلبها بسرعه
وليد بصدمه: لاتقول لي ي هتان انها بنت عبد العزيز
هتان : اي يبه بنت عبد العزيز تزوجتها اليوم على سنه الله ورسوله
وليد قعد هادئ لثواني والكل متوتر
وليد وقف : اطلع برا بيتي
هتان : يبه
وليد بصراخ: اطلع ماني ابوك ولا انت ولدي اطلع !!!
هتان بهدوء: يبه بنجيك انا وهي نسلم عليكم بكره
وليد : لاتجيني ولاتجيب بنت عبد العزيز ولااشوف وجهها
غازي : يبه صل على النبي وخلنا نتفاهم خلاص تزوجها
وليد بصراخ وغضب : زي ماتزوجها يطلقها ويرجعها لبيت عبد العزيز
هتان : يبه مارح اطلقها
وليد : بتطلقها سامعني ولا لا
وليد مسك ملابس هتان من الكتف وحاول يدفه ولكن ماقدر لان هتان اكبر منه جسديا
وليد بغضب : اخرج من بيتي اخرج
سلمى : وليد خلاص بيطلقها اهدى
هتان : لا مارح اطلقها
سلمى : هتااان !!!!!
هتان : قلت مارح اطلقها وماني مطلقها !
صفع وليد هتان على وجهه للمره الاولى في حياته
انصدم الكل من اللي يصير
احمر وجه هتان اخذ مفاتيحه وخرج من البيت
سلمى من الصدمه دمعت وقعدت تبكي
وليد ندم انه ضرب هتان وهو ولا في حياته ضربه على اي سبب
جلس على الكنبه جرت هند للمطبخ اخذت مويه وشربتها ابوها وهي دموعها في عيونها من اللي يصير
خرج غازي برا البيت يبي يلحق هتان ولكن هتان مشى قبل لايلحقه غازي
——————————————————————
كانت شجون جالسه على الكنبه لوقت طويل
حست بالجوع وقررت تروح المطبخ تشوف
دخلت شجون المطبخ وفتشت
: ي ربي وش ذا فاضيه شقه عزابي
فكت شجون الثلاجه مافيها الا مويه
: ي ربيي جيعانه بموتت
سمعت شجون مفاتيح الباب ركضت واخذت عباتها ولبستها وغطت شعرها ووجها
دخل هتان البيت وواضح الغضب يعتليه وجهه احمر
دخل هتان وناظر في شجون الواقفه قدامه لابسه عباتها
تركها ودخل الغرفه وسكر الباب بقوه وتركها في صاله البيت لحالها
شجون في نفسها: يمه وش ذا لايكون مسوي مصيبه ي ربي مشكوك فيه
جلست شجون على الكنبه وبعد وقت نامت وهي جائعه
——————————————————————
فقره الكاتبه 🤍
ارائكم بالفصل ؟
شرايكم بهتان
تتوقعون وليد يسامح هتان ؟

اعذروني هاذي الايام بتاخر عن التنزيل لانها ايام اختبارات ادعو لي 🤍

ضيفوني بحسابي على
الانستا : lina_shoshoo
تيك توك : shosholina

(صلو على النبي ) 🤍