أنتَ النّعيمُ لقَلبي والعذاب لَهُ

الجزء -2-

سبـحان الله ...🍀
والحمد للـه ...🍀
ولا إلـه إلا الله ...🍀
والله أكـبر ...🍀

الجزء -2-
في أحد الايام الصباحيه نهضت بطلتنا شجون تهرول لغرفه النوم
شجون : بنت ياسمين قومي ارعي الغنم قبل ماابوي يرعاك معاهم
ياسمين : اقول اتركيني انام تراها قافله معي
شجون : اقول قومي بسرعه بيجي باص الجامعه عشان نروح لمحاضراتنا روحي ارعي الغنم وانا بروح افطر امي واغير لها ملابسها
ياسمين : طيب خمس دقايق واقوم
شجون : ي..
فجاءه صراخ عالي يصدر من الصاله
عبد العزيز : ياسمينننننننن شجوننننننننن !!!!!!!!
قامت شجون تركض وياسمين اول ماسمعت الصوت توجهت للحمام (وانتو بكرامه ) توضي عشان الصلاه وبتروح ترعى الغنم عشان لايتم القضاء عليها
شجون وهي تركض: هلا ابوي تبي شي
عبد العزيز : وينها ياسمين ؟!
شجون : توها قامت من النوم
عبد العزيز : جعله مايهناها قولي للياسمين هاذي تروح ترعى الغنم ولا هي بتعرف وش بيصير لها وانتي قومي انقلعي سوي لي فطور
شجون بتوتر : ابشر
راحت شجون تشوف وش صار على ياسمين
لقتها قد راحت ترعى الغنم من اول خرجت مع الباب الخلفي للبيت
راحت شجون وهي تتنهد تسوي فطور لابوها وامها عشان تتجهز وتروح الجامعه 
(ملاحظه عائله عبد العزيز تسكن في الديره وعبد العزيز اصلا رافض فكره ان البنات يروحون الجامعه ولكن يوم عرف ان الموضوع فيه مكافئه لكل وحده وافق شخصيه طماعه وطبعا حذرهم ان صار او صدر او عرف انهم سوو شي مخالف للقانون او شي يمس كرامته رح يدفنهم بجانب الجامعه - الباص يجي للديره ياخذ الطالبات يوديهم للجامعه يوميا )
راحت شجون فطرت ابوها بعدين راحت تغير لامها وتفطرها وتعطيها ادويتها
نوره : الله يحفظكم يابنتي انتبهو على انفسكم لاتسوون شي غلط ترا قلبي معاد يتحمل اكثر
شجون : لاتخافين يانور عيني بكبر واتوظف واوديك افضل المستشفيات وتتعالجين أن شاء الله
نوره : ببحه بصوتها الله يوفقك يابنتي ويسهل دربك
طلعت شجون من الغرفه بعد ماقبلت راس امها ويدها وطلعت وهي تسمع امها تدعي لها ولياسمين بالتوفيق والصلاح والرزق
عند ياسمين :
ترعى الغنم وهي قافله معاها خلصت وودتهم للشبك ( حظيره الغنم) وراحت وتجهزت للجامعه
ركبو الباص وتوجهو للمدينه

في الباص : مطر خفيف ممتد الى مادخلو المدينه رياح لطيفه تصلح للكشتات

راحو الجامعه وكل وحده راحت لمحاضرتها
شجون عندها محاضره وحضرتها وياسمين عندها محاضرتين وكل الدكاتره اعتذرو وقعدت تدعي عليهم اليوم كله لانها قامت من النوم على الفاضي

تقدمت لهم ماجده وهي متحمسه :بناتتتت بناتتت
شجون وياسمين وهي قافله معاهم : وش ؟
ماجده : وش رايكم نتمشى في البراري ونسحب على محاضراتنا والله الجو مايتفوت
ياسمين : اذا انتي بتسوقين مو باريحه تسوين فينا حادث
جاتهم نُهى : بنات تكفون خلونا نطلع
ماجده :توي قلت لهم بس واضح علامات الرفض في وجيههم
شجون : بنات والله اسفين لو درا ابوي اننا طلعنابرا الجامعه مارح تستوعبون وش بيسوي فينا
ماجده : ياشيخه باقي على باصكم ساعات وماعندكم محاضرات لامن شاف ولا من درا
ياسمين : تصدقون والله فكره فنانه الجو يفتح النفس
شجون: ياسمين !!!!!
نُهى : هيا شجونتي بليز كبسه على حسابي هي وش عاد تبين اكثر من كذا
شجون : (ملاحظه :شجون ضعفها الاكل تحب الاكل وتحب شي اسمه كبسه وتحب جميع الاكلات )
شجون : يالله بنات من وين الطريق .........
—————————————————————-
فقره الكاتبه 🤍
فصل قصير كبدايه القادم افضل ان شاء الله
ارائكم تهمني 🤍
صلو على النبي 🤍