أنتَ النّعيمُ لقَلبي والعذاب لَهُ

الجزء -13-

الجزء -13-

سبـحان الله ...🍀
والحمد للـه ...🍀
ولا إلـه إلا الله ...🍀
والله أكـبر ...🍀

جزء من البارت الماضي :

فجاءه فُتح باب البيت بقوه مما جعل شجون تتذكر دخول عبد العزيز وضربه لها ولاختها
ركضت هند للباب تفاجئت بدخول والدها الغاضب
الذي كان ينظر لهتان بنظرات غضب

دخل غازي وورائه سالم متوترين انصدمو بوجود زوجه هتان في بيتهم صد غازي ومسك سالم وخرجو من البيت
توجه هتان ل شجون بغضب وبنظرات حارقه مسك طرحتها ووضعها على راسها : غطي شعرك
اقتربت سلمى من وليد ومسكت يده : وليد لاتعصب اجلس لايرتفع عليك الظغط
صرخ وليد بغضب بوجهه الاحمر : ولدك ذا هو اللي جاب لي الظغط والسكر
تقدم هتان له : يبه اذا تبي تضربني اضربني واذا تبي تطردني اطردني ولكن ابي اتكلم معك بالاول
تركه وليد وتوجه للفتاه التي ورائه منصدمه من الوضع متمسكه بقوه في عباتها
مسك وليد عضد شجون بيده بقوه وسحبها الى باب الخروج : مكانك مو بهنا ي بنت عبد العزيز مكانك لاهو في بيتي ولا عند ولدي
مسك هتان كتف ابوه وسحب شجون لاتجاهه بغضب : يبه اذا تبي تتكلم تكلم معي مو مع الحريم وهاذي زوجتي ومكانها بجانبي دايما
مسك هتان يد شجون بقوه ونظر لها
كانت ترتجف وشفاتها ترتجف بسرعه
خرج هتان من البيت ولحقته سلمى : هتاان
هتان : مو الحين يمه
فتح باب السياره لشجون ركبت شجون وهي ترتجف والدموع تملئ عيونها
——————————————————
بعد خروج هتان الغاضب من البيت دخل غازي وورائه سالم
غازي : يبه ؟!
وليد بصراخ : اسكتوا عني لحد يتكلم معي عن الموضوع
قام وليد متجهه لغرفته في الدور الثاني لحقته سلمى بأدويه الظغط
التفت غازي لهند : بنت وش صار؟
قالت لهم هند عن اللي حدث
مسك غازي وجهه : مافي اعند من ابوي الا هتان
وكمان وش يبي ابوي في بنت الناس ؟
سالم : ودي اعرف ليه حاقد على عبد العزيز لهاذي الدرجه ؟!
هند : ي عمري البنت واضح لطيفه وحبوبه خرجت من البيت وعيونها مليانه دموع
قام غازي من على الكنبه: خلاص قومو كل واحد على غرفته
——————————————————-
دخل غازي غرفته جلس على السرير يفكر بهدوء
دخل عليه سالم : تفكر باللي صار اليوم ؟
غازي : ي رجل ماتوقعت اغرب صدفه صارت لي

عشاء مهند pov:
وليد : السلام عليكم
مهند : وعليكم السلام الله يحيكم
وليد : الله يسلمك ويكثر خيرك
مهند : تفضلوا تفضلوا للداخل
مر غازي بجانب مواقف السيارات داخل البيت
توقف لحظه وهو يدقق على احد السيارات
سالم : ولد شفيك ؟
غازي : سالم هالسياره مألوفه عندي
اقترب غازي للسياره قرأ لوحه السياره وتذكر
: سااالم هاذي !!
سالم : وش ؟
غازي بصدمه : سالم هاذي السياره اللي غرزو فيها البنات في البر !
سالم بضحكه : ههههه لا ي رجال شبهت عليها بس
غازي : والله انها هي متذكر لوحتها لاتشكك في عسكري متمرس
سالم : من جدك ي رجال يعني نحن فزعنا لبنت مهند ؟
ضربه غازي على رقبته : اسكت ي فضيحه لحد يسمعك
مسكه غازي من رقبته وتوجهه للمجلس وهو يفكر بالسياره وصاحبتها

لكن لم يلاحظ غازي وجود شخص ما على مقربه منهم يستمع لحديثهم وينفث بخار الغضب
—————————————————————
فتح هتان باب السياره لشجون : انزلي
لايوجد اي رده فعل .....
مسك هتان كتفها : شجون ؟
ابعدت شجون يد هتان عنها بقرف وضيق وكره : اتركني
توجهت شجون للشقه بخطوات سريعه
نظر هتان لمكان جلوسها
كان يوجد في المقعد بجانبها حافظه ابتسم بهدوء : اكيد هاذي افعال هند
اخذ الحافظه واقفل السياره وتوجهه للشقه
دخل هتان الشقه ووجد شجون بعباتها على الكنب تبكي بصمت وضع هتان الحافظه امامها بهدوء
: شجون ؟
تمالكت شجون نفسها بعدم الصراخ والانقضاض عليه فكت نقابها وطرحتها للتنفس
: شجون تبين شي ؟
قامت شجون من الكنبه وتوجهت له بغضب
امسكت بياقته : ليــه ؟!!
تفاجئ هتان من رده فعلها والتزم الصمت
اكملت شجون حديثها وهي تشد على ياقته وتبكي وتصرخ بألم وبغضب : ليه ؟؟ ليه من البدايه تزوجتني واهلك رافضيني ليهه ؟؟!!!
ليه ماتركتني اعتني بأمي واواسيها ليههه ؟؟!
من البدايه ليه تزوجتني اذا ماتبغاني من الاساس لييهه ؟؟!!!
مسك هتان يدين شجون الممسكه بياقته
: اتركيني ابي اتكلم معك بهدوء
: هدوء اي هدوء ؟! ابوك يطردني من البيت وانت تزوجتني وتركتني في ذي الشقه بدون اي فائده وانا قعدت لحالي بعيده عن امي واختي !!!
سحب هتان يد شجون عن ياقته : انا خارج فكري لين ارجع
وقفت شجون عند الباب تناظر فيه بحقد : مارح تخرج ليه تطلقني وترجعني لبيتي
هتان : شجون ابعدي عن الباب ترا صبري بدا ينفذ
شجون بغضب : صبرك انت اللي تصبر ؟
انا هنا اللي صابره ومتحمله الوحده والجوع والاهانه وكل شي
مسك هتان ذراعها : شجون ابعدي عن الباب

صفعت شجون هتان : قلت لك لاتلمسني !
مسك هتان ذراعها بقوه سحبها للغرفه : اتركني قلت اتركني ضربته على ظهره بقوه وهي تصرخ
ادخلها للغرفه واقفل الباب : هتاان افتح الباب !!! هتاااان !
خرج هتان من البيت متمالك نفسه بغضب واغلق الباب ورائه بقوه
—————————————————————-
فقره الكاتبه 🤍
كيف البارت عجبكم 😉💪🏼
اسفه على التأخير ي حلوين عشان الاختبارات
ان شاء الله يعجبكم البارت
قيمو البارت ي حلوين وقولو لي توقعاتكم 🙈
صلو على النبي 🤍

ضيفوني على
انستا : lina_shoshoo
تيك توك : shosholina