🥂10🥂
__________🖤__________
"ජනා...අපේ කොල්ලා ඉන්නවද?"
විනාඩි පහලොවකින් වගේ නවිදු , ෂේද්, ඉෂාන් පරණ ටවුමට ආවා. ඒ එද්දිත් ඒ ප්රදේශය පුදුම විදියට ජනාකීර්ණ වෙලා තිබ්බෙ මහා වැස්සෙ පවා.
නවිදු පරණ ටවුමට ලං කරල එයාගෙ යාලුවට කෝල් එකක් ගත්ත නිසා යාලුවා මඟට ඇවිත් නවිදුලා එනකන් බලන් ඉදියා.
"අඩෝ.. නවියා... නෑ බං...උඹ එව්ව පොටෝ එකේ ඉන්න පොර නම් අපෙ එකෙක්වත් දැකල නෑ."
කොණ්ඩේ වවාගෙන කරාබු දාගෙන රැව්ලත් කලර් කරලා ඉදපු කොල්ලා කතා කරගෙනම නවිදුව බදාගන්න දිහා ඉෂාන් වගේම ෂේද් බලන් ඉදියා. කොල්ලො දෙන්නටම හිතුනෙ නවිදු නොදන්න කෙනෙක් මේ රටේ නැතුව ඇති කියාලා.
"ම්ම්ම්.. අපි ටිකක් වටේ බලන්න කියලා ආවේ"
නවිදු එයාගෙ යාලුවව ඈත් කරලා කියද්දි ජනා කොල්ලො දෙන්නා දිහා බැලුවා.
"නවියා.. මේ පොඩි එකා නේද?"
ජනා ෂේද් දිහා බලලා අහද්දි නවිදු හිනා වුනා.
"මේකා ලොකු වෙලා තියන තරම. ඉස්සර අපි බිග්මැච් ගහද්දි මේකා හෙන නහරකාරයා. "
ජනා ගමකට ගහන්න වගේ ඇවිදන් ඇවිත් ෂේද්ගෙ උරහිසින් අතක් තියද්දි ෂේද්ගෙ උරහිසට ඒ අතේ ශක්තිය දැනුණා.
"උඹට නම් මාව මතක නැතුව ඇති. ඒත් මට උඹව හොඳට මතකයි."
ජනා ෂේද් දිහා බලලා හිනාවක් දාලා කියද්දි ෂේද් දකුණු අතින් ඔළුව කැසුවා. මෝඩ පහේ හිනාවක් දැම්මා.
"ජනා අපි මෙහෙම්ම වටේ යනවා.. අරකා මොන මරාලයක් දාගෙන ද දන්නෙ නෑ."
නවිදු හඬ වැඩිකරලා කතා කලේ ආපහු සැරයක් වැස්ස වැඩි කරපු නිසා.
"ඔතනින් දිගටම පලයන්. මං අපේ උන්ට කියලා තියෙන්නෙ උඹ එනවා කියලා. එහෙන් මෙහෙන් එකෙක් දෙකෙක් සද්දයක් දැම්මට ගණන් නොගෙන පලයන්. දන්නවනෙ ඉතිං මේ වෙලාවට කොල්ලො ඉන්න විදිය"
ජනා කඩයක් දිහාට දුවගෙන යනගමන් කෑගහද්දි නවිදු කොල්ලො දෙන්නත් එක්ක කඩ පේලියත් එක්ක තියන පාර දිගේ ටවුමට ඇවිදන් ගියා.
![](https://img.wattpad.com/cover/352047972-288-k570724.jpg)
YOU ARE READING
MeMo - මෙමෝ
Non-Fictionනවත්තපන් ෂේද්...... දීපන් මට ඕක...... මැරෙන්නද බ%ලෝ හදන්නේ මෙච්චර මේ ජරාව බීලා..ඩොක්ටර් කියපු දේ මතක නැද්ද ?? කාලකණ්ණියා...... " "මට දී......පන් ඕ...ක..... මට ඕනි මැරෙන්න යකෝ.....මං ඉදලා මොකටද...මං වගේ නිකමෙක්, කාලකණ්ණියෙක් ඉදලා මොකටද...දීපන් මග...