MeMo - මෙමෝ

🍷🥂17🥂🍷

🥂17🥂

__________🖤__________

(2016 )

"චූටි පුතා... මට ඔයත් එක්ක ටිකක් කතා කරන්න ඕනි"

ෂේද් ඉදියේ එයාගේ බැල්කනි එකේ වාඩි වෙලා පොතක් කියවන ගමන්.  පොතක් කියවන ගමන් කිව්වට පොත අතේ තියාගෙන පුටුවෙ වාඩි වෙලා එහා ගෙදර බැල්කනිය කියවන ගමන් ඉදියේ.

රොජර්ගේ කටහඬ ඇහුනම ෂේද් ගැස්සිලා ගියේ හොර වැඩක් කරමින් ඉදියා වගේ.

"මොකෝ.... ගැස්සුනේ..."

රොජර් ෂේද් දිහා බලාගෙනම අහගෙන ගිහින් ෂේද්ගේ ඉස්සරහින් බැල්කනි බැම්මට හේත්තු උනේ ෂේද්ගේ දර්ශන පථය විනාස කරන ගමන්.

"අයියෝ...සීයා තාත්තා ඔතනින් අයින් වෙන්නකෝ..."

ෂේද් ඔලුව එහාට මෙහාට කරන ගමන් රොජර්ට කියද්දී රොජර් පිටුපසට හැරිලා බැලුවෙ ෂේද් මොකක් දිහාද බලන්නේ කියලා දැනගන්න.

"ඕහ්...කොල්ලෝ..."

රොජර් ඇසුත් ලොකු කරගෙන ඉක්මනට ෂේද් දිහා බැලුවේ පුදුමයෙන්. බයවෙලා වගේ ෂේද් දිහා බලා ඉන්න සියා තාත්තා දිහා ෂේද් බැලුවේ රොජර්ටත් වඩා බය වෙලා. ෂේද් බය වුනා රොජර් දැනගනි කියලා එයා එහා ගෙදර පොඩි කොල්ලා දිහා බලනවා කියලා.

"ඈ...ඇයි...සීයා තාත්තා... ඔයාගෙ පපුව රිදෙනවද?"

රොජර් ඇසුත් ලොකුකරගෙන පපුවට අත තියාගද්දි ෂේද් ඉක්මනට පුටුවෙන් නැගිටලා රොජර් ලගට ගියා.

"මට ඇති පපුවෙ රිදිල්ලක් නෑ කොල්ලෝ..."

ෂේද් රොජර්ගේ පපුව අතගාන්න හදද්දි රොජර් ෂේද්ගෙ අත අහකට දාලා සාමාන්‍ය විදියට කතා කරන්න පටන් ගද්දි ෂේද් රොජර් දිහා බලා ඉදලා රොජර්ට පිටුපසින් තියන එහා ගෙදර බැල්කනිය දිහා බැලුවා.

"ආහ්.... කවුද ඒ...කෙල්ල"

එහා ගෙදර බැල්කනියේ white colour nightdress එකක් ඇඳගෙන හඳ දිහා බලාගෙන ඉන්න ගැහැනු රූපය දකිද්දි ෂේද්ට කියවුනේ ඉබේටමයි. ඒ ගැහැනු රූපයේ මූණ පේන්නෙ නෑ කොණ්ඩෙට වැහිලා. Body shape එකත් එක්ක අවු. 27ක 28 ක වෙන්න ඕනි කියලා ෂේද්ට හිතුනා.