اصرخي بإسمي فقط

الجزء الثالث 🔞

بقلــــم:✎𝐖𝐢𝐣𝐨𝐮乂𝐒𝐡𝐞 𝐖𝐨𝐥𝐟

ما وعات على هادشي لي دارت حتى شاف فيها بدوك الشوفات لي فارغين من الحياة، ضغط على فكه كيغزز فسنانه  و هو يحاول يكبح داك الشعور و الرغبة بأنه يد فنها فلأرض...

شافت حالته وهي تبدا ترجع باللور خايفة، عرفات راسها وصلت على كلامه و خرجات للخايب،حسات بلي اليوم الكاس غيفيض بد مها .

داوود وصل لمرحلة ما بقاش قادر يكبح اعصابه،عيقات و تمادات كثر من القياس، ما حس گاع براسو امتى شد ليها يديها و لوا معصمها حتى تسمع صوت العظام تزعزعو من بلاصتهم و صوت تاج و هي كاتغوت بحر الألم لي كاتحس بيه...

تاج: ااااااااي يدي يدي هرستي ليا يديييييي

طلق ليها يدها بعنـ  ف  و ديك الساعة جمعاتها عندها كتبكي بألم، كانت عطياها صداع قاصح ،كان كي شوفيها ببرود، حالتها مابرداتوش كان باغي يأذيها كثر،
شياطنه لي كان مخبيه مدة طويلة خرجو فهاد اللحظة،كان قادر ينسى حبه لها و يشرب من د مها...

مبرداتش ليه ملي كي تفكر بلي تمادات و صرفقاتو،بدا لي لقاها قدامو كيشخشها حتى رون ديك الصالة قلبها سفاها على علاه،وتاج غير شادة يديها مقصحة بزاف كاتكبكي و تقفز كل ما سمعات صوت شي حاجة تخطبات مع الارض ...

مشا للكونطوار لي دايرين فيه الشراب كيهز قرعة بقرعة  ويضربها مع الارض حتى كتشخش حدا رجليه، هرس كلشيي و وقف كينهج و كيدور بعينيه يشوف واش باقا شي حاجة خرا ..كان وصل للخر، شحال و هو مخبي عليها هاد الوجه و لكن جا الوقت لي يخرجه ليها و هي لي قلبات عليه اصلا..

تاج رغم شعورها بالألم فيديها تمشات لعنده ملي شافت يديه بجوج كيقطرو  بالد م و نطقات ببكاء:عفاك باراك …داوود.

دفعها من عليه بالجهد حتى طاحت فالارض،خرجات عينيها فيه بصدمة كانت اول مرة غتشوف هاد الجانب منه و لي ديما كي حذرها منو.

تاج(كترعد): دا... وود.

قرب لعندها وعينيه فارغين من الحياة حتى ملامح وجهه تبدلو مكانش داوود لي كتعرف،و لي مهما دارت كيصبر عليها، هاد داوود لي كان قدامها كان قادر يكسرها وميحنش فيها: كرهتك… كرهت النهار لي عرفتك فيه كان عند بالي قادر نبدلك و لكن كنت غالط نتي مصلحاش ليا و ما صالحة لحتى حاجة خرا (نها عتابو بالغوات)

دار طالع للشومبر دياله مخليها من وراه كتحرك راسها بلا مكانتش متقبلة كلامو...ناضت تابعاه وهي كتبكي بهسيترية،كانت منهارة: لالا داوود لا متقدرشش تكرهني داوود...

بدات كتحاول تحل باب الشومبر لقاته مسورتو من الداخل ..بدات كتضرب بيديها لي صحيحة الباب على الجهد وهي كتشهق: داوود عفاك حل ..داوود   متكرهنيش عفاك داوود ..