بقلـــم:✎𝐖𝐢𝐣𝐨𝐮乂𝐒𝐡𝐞 𝐖𝐨𝐥𝐟
💫وَكَأَنَّ لَعْنَةً رَبَطَتْنِي بِسَرِيرِهَا،وَمِنْ حُسْنِهَا ادْمَنَتْ الْمَحَارِمُ💫
فوسط بواط دو نوي عامر بالناس من الطبقة المخملية،الجو كان واصل لللافل اللخر فالحماس، اغاني على الجهد و الضحك و الكيسان كيتساطحو مع بعضهم مولدين نخب كله طاقة واثارة،كل واحد كان عايش بطريقته الخاصة،لي كيضرب كويسات وكيتسنط لدماغه ولي مقنت كيخوي كبته ..ولي محيح كيشطح و ضارب الدنيا بركلة ..
فدوك طبالي لي كانو بعاد شوية على الهراج كان بارك بوحده مرتاح فجلسته مسرح يدي على حافة الفوطاي و اليد لاخرا كيحركها بين كاس لي كيجغم منه و بين الشيشة لي كينتر منها،عينيه كانو مفكيسين عليها كأنها غير هي لي انثى فديك البلاصة كان كيحس بأنوثتها وطاقتها طاغية،جذبت كلشي من حولها بغض النظر عن جمالها لي كان جامح، شي حاجه هابطة من السما …
كانت جاية عندو بخطوات تابثة واثقة، و ابتسامة ماكرة مزينة شفايفها، في حين هو متكي على الفوتوي بظهرو و مسرح يديه،كي تسنا ديك الفاتنة توصل لعندو بفارغ الصبر.
هازة فيديها جوج كأووس من النبيذ الاحمر، تماما بحال لون فستانها لي لاصق مع جسمها و مبين منحنياته الانثوية.
فالاول دار راسه گاع ما ملاحظها في حين هو حواسه كاملين عليها،كان كي تسنا فيها توصل لعندو بفارغ الصبر، و ما هي الا لحظات حتى تحققات رغبته الشديدة،ملي وصلات لعندو و وقفات بطولها الجذاب،خلاتو يهز فيها عيونه الحادة باش يشوفها،و غير شافها تقاد فالجلسة و حط الكاس فالطبلة...
داوود:تجلسي و لا حتى نعرض عليك؟
تاج(حطات الكيسان و دفعات ليه واحد منهم لجيهته بطريقة مغرورة):من عينيك باينة فيك باغيني نجلس(جلسات حداه)
داوود(بتاسم بخبث): غير هادشي لي عرفتي؟ملي جيتي عندي مشا بالي بعيد انا
تاج:شفتك كليتيني بعينيك من بعيد قلت علاش لا نعطيك فرصة تشوف من منظور اوضح(بتساؤل مصطنع)على كاينة شي حاجة اخرى خاصني نعرفها؟
داوود(طلعها و هبطها):باينة فيك ذكية، ما نحتاجش نقول راك عارفة
تاج(بتاسمات و هزات النبيذ لي جابت عطاتو ليه):نكملو هاد الكاس بعدا
داوود(خداه من عندها): مرحبا
رشف منو و عينيه مازال عليها،في حين هي بقات كاتشوفيه حتى تأكدات بلي شرب من النبيذ عاد هزات كاسها و بدات كاتشرب...
تاج: اوا شنو اسمك؟
داوود(هز حاجبو):ضروري تعرفي؟
تاج: ماشي ضروري و لكن لمصلاحتك نعرف سميتك(غمزاتو)يعجبك الحال و انا كانغوت بيه
أنت تقرأ
اصرخي بإسمي فقط
Storie d'amoreحياة استثنائية لِكوبل جريئ متحرر متوغل في وحل الخطايا متشبتين بحبل العشق والهوس للنجاة ..فما مصيرهم ؟ >مكتملة <
