بقلــــم:✎𝐖𝐢𝐣𝐨𝐮乂𝐒𝐡𝐞 𝐖𝐨𝐥𝐟
كانت كاترمش بطرف عينيها كتحاول تحلهم،لكن الرؤية كانت مشوشة،هاجـ ماتها رائحة المعقمات وبرودة المكان، خلاوها تستوعب انها فكلينيك،غمضت عينيها بألم ملي حسات بطنين كيمخر فراسها ،بقات شحال ساهية فالسقف كترتب افكارها و تحاول تسترجع ذكرياتها،ماشي بزاف حتى هاجـ موها دوك الذكريات السيئة و القاسية،و هي تنوض قافزة موسعة عينيها...
حاولات تنوض لكن لقات يديها مينطين مع الحديدة ديال الباياص ،بدات كتجر فيها باش تحل ساعة والو، خيل ليها راسها انهم باقيين شادينها و باغين يعاودو يتعداو عليها، كانت فصدمة صعيبة،داخلة فحالة ما بين الحلم و اليقضة .
بدات كتجر فيديها وداك المينوط كيحفر فمعصمها حتى سيل د مها ،جرات عمود ديال السيروم طيحاته فالارض،فنفس الوقوت تحل الباب و دخل ممرض كيحاول يهدنها وهي تضر به ملي قرب ليها و بدات كتغوت ربي لي خلقها...
روح(بإنهيار ): بعدوو مني متقربش ليا متقصنيش بعد
بعد عليها داك الممرض وخرج يعيط للطبيب بخوف،لحظات قليلة و دخلات الطبيبة لي كانت كبيرة فالعمر و معاها جوج ممرضين ذكورا باقين شباب لي كانو فليكيب ديالها .
بدات كتقرب ليها الطبيبة بحذر، روح مقاومتهاش بالعكس ستجوبات لحركتها،عوناتنا حتى عتادلات فالجلسة وسلطات عليها بيل كتشوف ليها فعينيها،كانت مكمشة عليها راسها خايفة كترعد برعب وغير كتدور فعينيها مافاهمة والو.
الطبيبة شيرات للممرض اللول يجي يدگ ليها المهدأ، لكن روح غير قرب عندها عاوتاني بدات كتنتر وكتحاول تضر به...
شافت فالطبيبة وهي مخرجة عينيها و نطقات برعب:متخليوهمش يقيصوني..غيتعداو عليا(بترجي) عاوينيني متخليهمش يديرو فيا ما بغاو
الطبيبة غمزات للممرض يرجع للور، و تحنات كتمسح ليها فشعرها : متخافيش ابنتي نتي هنا فكلينك مكاينش لي يضرك ..راه كيحاولو غير يعاونوك.
روح (كتحرك راسها بلا ما متقبلاش هدرتها): لا لا غيتعداو عليا كيما دار هداك و صحابه لا لا...
الطبيبة عقدات حواجبها بفضول و بعدات من عليها هزات الضوسي لي عند راسها كيكون خاص بكل مريض،شافت التقرير ديالها و قرات بلي تعرضات لإغتـ صاب وحشي لدرجة جاتها ايموغاجي،وقضيتها متابعة من طرف المخزن حيث لقاو جـ ثة وهي المشتبه فيها .
فهاد اللحظة تحل الباب و دخلو منه ثلاثة ديال الرجال بلباس غير رسمي دايرين بونط فدرعاهم مكتوبة فيها "الشرطة" وهازين اللاسلكي فيديهم...
هدر واحد فيهم و لي كان باينة عليه هو المسؤول:تفضلو خرجو خليونا نحققو معاها .
روح شدات ليها فطابليتها مخلوعة، الد م تسقط ليها من وجهها( بتعلثم): متخليهمش يقربو ليا لا لاا متخليهمش .
أنت تقرأ
اصرخي بإسمي فقط
Romanceحياة استثنائية لِكوبل جريئ متحرر متوغل في وحل الخطايا متشبتين بحبل العشق والهوس للنجاة ..فما مصيرهم ؟ >مكتملة <
