إصرخـــــي بإسمـــــي فقـــــط🍷
خطيـــــــئة اغسطــس🔞
بقلــــم:✎𝐖𝐢𝐣𝐨𝐮乂𝐒𝐡𝐞 𝐖𝐨𝐥𝐟
روح(تنهدات بحزن): حتى انا ما سخيتش بيك و لكن خاصني نمشي
روح الصغيرة(عنقاتها كثر):عافاك بقاي معانا ما بغيتكش تمشي، مازال ما لعبت بيك
روح:وا راني ماشي مونيكة ا روح
روح الصغيرة(كاتحرك فراسها و هي معنقاها): لا لا ما سوقيش بقاي معايا
روح شافت حتى عيات و تحنات عندها معنقاها، بقات كاتطبطب عليها و كاتنهد بحر قة، حتى هي ولفاتها بزاف و صعيب عليها تفارقها، روح من النوع لي دغيا كي تعلق بالواحد...
حسات بيها ترخات فحضنها، بعدات عليها لقاتها غفات،هزاتها بحذر و حطاتها فوق الناموسية، غطاتها و خرجات من البيت متوجهة للجناح ديالو، دقات هو الاول حتى عطاها الاذن عاد دخلات، لقاتو فالارض كي دير التراكسيون ما لابس والو فالفوق من غير شورط...
وقفات كاتشوف فقوامو الرجولي و عضلات بطنه الواضحة، بلعات ريقها و هي حاضية حركاته الرجولية لي خلاو دقات قلبها في تسارع،و لو ما كانش بيناتهم خصام كانت مشات تلاحت عليه...
روح(حنحنات): بنتك ما بغاتش تخليني نمشي
ليل(مكمل شغلو): اذا ما تمشيش
روح(ربعات يديها و قالت منفخة):مول الدار ما باغينيش نبقا و الاهم انا ما باغاش نبقا(زفرات) دوي معاها تخليني نمشي فحالي
ليل(وقف كي سوس يديه و كي حرك فعنقو، قرب لعندها و العرق هابط منو، كي بان في قمة الاثارة):بنتي ما بغاتكش تمشي، ما نخسرش ليها خاطرها
روح(هزات حاجبها): و نهار ما تبقاش باغياني؟
ليل(ببرود): ديك الساعة سيري ضبري لراسك
ستفزها بكلامو،قلبها اصلا في صراع مع الألم و زادها جرعة اخرى اقوى من السابق،عمرو فشل فأنه يحسسها بلي هي لا قيمة لها،بانت لمعة فعيونها قدر يلمحها،عرف راسو قسى عليها و فداخله كي لعن نفسو مليون مرة، لكن لازمو يوصل لمبتغاه باغي يعرف شنو تحت راسها،حتى هو بغا يسمع ديك الكلمة لي من ديما كان متعطش ليها،كلمة غادي تخليه يطير بالفرحة، كلمة بغا يسمعها من لسانها هي فقط...
أما هي ما كانتش عارفة نواياه، لي عارفة هو أنه دايرها هنا كدمية كاتنشط ليه بنتو، فقدات اخر نقطة من صبرها و اعصابها، جاها انهيار خلاها تنفاجر عليه، بداو دموعها كي حرقو خدودها و كردة فعل للألم لي كاتحس بيه كي قطع قلبها، لقات راسها كاتهز اي حاجة و ترميها للارض تهرسها...
روح(كاتبكي و تغوت بهيستيرية): كانكرهـــــــك كانكرهك الحمار باغي ترجعني مونيكة ديالك نتا وبنتك، جايبني هنا كاتدوز بيا وقتك؟ دايرني احتياط، كنتي كاتسنا ديك القحـ بة ترجع و تسوسني انا
أنت تقرأ
اصرخي بإسمي فقط
Romanceحياة استثنائية لِكوبل جريئ متحرر متوغل في وحل الخطايا متشبتين بحبل العشق والهوس للنجاة ..فما مصيرهم ؟ >مكتملة <
