دلال :
ف يوم كنت قاعده وزهجانه زهج مشيت لي ايماء عاينت لي قلت ليها زهجانه قالت لي قولي مشتاقه ليه قلت ليها عليك الله ارح نمشي بيتهم قالت لي سجميي ي دلال كيف يعني نمشي لالا ي بنت امو حتقول شنو لالا هي ابعدي كل البعد من الشر قلت ليها طيب بقول ليه نتقابل ف الظلط قالت لي م بعرفك انا غايتو قلت ليها سغيله والله وقفت بقيت افكر اعمل شنو.. عاينت ليها ايماء طيب عايني انا بمشي ولو امي سألتك قولي ليها مشت الدكان سمح؟ قالت لي م تتأخري لكن قلت ليها حاااضر.. جريت دقيت ليه التقول منتظرني قال لي هسي بجيك جهزت وعاد حماس الف..
دق لي تاني قلت ليه اطلع؟ قال لي م قدرت والله ناس الشغل اتصلو قالو اجي اتنرفزت وقفلت وبقيت م عارفه اعمل شنو قلت خلاص امشي انظف بدل الزهج ده فعلا مشيت نظفت وجاني مزاج المع الحته بعد خلصت مشيت استحميت وجيت وقفت قدام المرايه وكعكت شعري.. وبقيت اتخيل لو كنت ف بيتي م كنت زهجت كدا واي حماس حماس حماس...ايامي عدت ويوم ورا يوم لقيت الشهرين خلصو زي الما حصل شي وييييا عرسي جاااك زول حنن زي الحنن وخشلعه زي الخشلعه ورهابه زي الرهابه وحفلات زي الحفلات حماس حماس ناري 💃... غايتو م عديت عرسي ساي وثقت ليه وعاد كان عرس يكتبو ف التاريخ..
الزفاف الأبيض مزخرف زخاريف جميله جميله للحد الأقصى.. بلا اكتاف..م اتحجبت وقلت اعيش الدور كان باين اني صغيره بس الميكب كبرني.. ف الكوفير زغاريت زغاريت الف وانا من بينهم.. لكن لمن سمعنا البوري سكتت وعشت الدور عامله فيها خجلانه وماسكه الزفاف وي دنيا مافيك الا دلال.. كانت لحظات حلوة شديد..
في الصاله ماف زول كان قاعد بجد الناس كلها ف الدايره وانا ومدثر مستمتعين لدرجه....
ولحظات الوداع.. كانت احلى واسوء لحظات يخخخ بكينا بكا بجد هنا عرفت الراجيني شنو بدون امي..
وها انا الي شهر العسل ♡.
نخلي العروسه تستمتع بشهر عسلها ونمشي نشوف حبيبنا والمكسرنا💃
''''''''''''''''''''''''''''''''''''''''''''''''''''''''''''''''''''''''''''
عمران :
اتخلعت لمن لقيت عناب قدامي قلت ليها جنيتي واقفه لي زي ملك الموت كدا ضحكت قالت لي سامعه عربيتك واقفه وطولت م دخلت قلت افتح لك الباب لقيتك ف وشي قلت ليها هاك اوراقك قالت لي حقت قلت ليها الجامعة قالت لي طيب شكرا ودخلت طوالي..
عاينت لي ابوي الراقد وجيت قلت ليه ابوي متولي قال لي عمران انت جيت قلت ليه ايوة جيت وراجع قال لي كيفك انت وراجع لي تاني قلت ليه راجع والله اكمل شغل لسه ف وقت قال لي م تتأخر زي امس قلت ليه حاضر أن شاء الله انت لي م نمت قال لي عاوز انوم هسي قلت ليه طيب اجيب ليك بطانيه الجو بارد؟ قال لي لا..
بستو ف جبينو ودخلت جوا لقيت ربا ورمس وعناب قاعدين على صينيه قلت ليهم لي م أكلتو منتظرني؟؟ قالو لي اي امشي غسل يدك قلت ليهم عاوز استحمي.. مشيت استحميت وغيرت مره وحده وجيتهم لقيت ريحانة جابت لي كرسي وجات قعدنا أكلنا.. عناب قالت لي باقي لك شنو من الحاجات المفترض تخلصها.. عاينت ليها وعرفت انو عندها حاجه م بتسأل السؤال د ساي ف كذبت عليها وقلت ليها ولا شي عاوزة حاجه انتي؟ قالت لي لا اي قلت ليها لا ولا اي حددي قالت لي اي عاوزة قلت ليها اها شنو قالت لي نرحل من هنا لاني بقيت أعاف البيت.. عاينت ليها مسافه وكسرت عيني وبقول ليها تمام خلال شهر نشوف البحصل شنو م قدرت اتم اللقمه وقمت قلت ليهم شبعت دخلت غسلت يدي وجيت مارق قلت ليهم خلو بالكم من نفسكم تمام؟
