ادعوا لفلسطين... اللهم احفظ فلسطين و انصر شعبها🦋
_______________________
مستنية رأيكم ومتنسوش الفوت والكومنت عشان توصل✨
______________________
اللهم صلِّ وسلم وبارك على سيدنا محمد وعلى آله وصحبه أجمعين
______________________
- يلا يا سجود هنتأخر
- نازلة أهو بلبس الكوتشِ
- بصوت عالي: أنتِ كدا قدامك ساعتين يا سجود المحاضرة يا ماما هتروح علينا
- خلاص خلاص على السلم والله
وصلت الكلية بعد ربع ساعة وأنا بحمد ربنا أنه السكن بتاعي قريب منها
دخلت من البوابة لقيت روان مستنيانِ رسمت ابتسامة وقربت منها
- رورو يا رورو تعرفي إني بحبك
- لا مش هتعرفي تضحكي عليا أنتِ عارفة أن أول محاضرة تاريخ للدكتور أبو كرش أكبر من حياتي ومش هندخل غير بتهزيق ده لو دخلنا
- تعالي بس وهندخل إن شاء الله امشي ورايا وأنتِ متطمنة
- بسخرية: آه آه طبعا
سحبتها من إيدها وهي عمالة تهزقني لحد أما وصلنا قدام قاعة المحاضرات وللصدفة أو لحظنا الحلو_إلي مش حاجة معتادة بالنسبالنا_الدكتور كان لسة مجاش
- بصيتلها وقولتلها بغرور: شوفتي قولتلك امشي ورايا وأنتِ متطمنة
بصتلي بسخرية ومشيت قدامي وأنا ضحكت ودخلت وراها
قعدنا في المدرج والدكتور دخل بعدها علطول زي ما يكون كان مستنينا نوصل!
بدأ شرح محاضرة التاريخ و إلي هي مميزة عندي بسبب حبي للتاريخ من ثانوي وعشان كدا دخلت تربية قسم تاريخ
خِلصت المحاضرة وكنا بنستعد للخروج بس قاطعنا صوت الدكتور
- كله يفضل في مكانه لسة مخلصتش
اتنهد وكمل: محاضرة النهاردة خلصت بدري شوية و ك نوع من الترفيه قررت أحكيلكم قصة
انتشر في القاعة أصوات تهامس كتيرة.. قصة؟!!
- هدوووء هي مش قصة بس، هي أسطورة زي أساطير كتير إحنا نعرفها زي علاء الدين أو الملك آرثر والمائدة المستديرة
الفضول بقى ظاهر على ملامحنا كلنا زي ما نكون مستنيين حكاية ما قبل النوم
- بدأ كلامه: الأسطورة بتحكي عن مملكة بعيدة عن كل الممالك التانية، مملكة بيخاف أي حد يقرب منها محدش يعرف عنها أي حاجة غير اسمها "المملكة المظلمة"
فيه بيقول أنها اتسمت كدا بسبب الحاكم القاسي بتاعها وفيه بيقول أنه بسبب مبانيها إلي كلها باللون الأسود و إلي بيقول أنه بسبب الضباب الكثيف إلي محاوطها بس الأكيد أنه فيه سر كبير للمملكة دي
" سر المملكة المظلمة"
كمل كلامه وهو بيطلع لوحة كانت معاه: ودي لوحة تخيّلة للمملكة أو ده إلي معظم الناس قالته
- يعني إيه؟
- يعني فيه قلة قالوا أنه اللوحة دي حقيقية و أنه دي هي المملكة فعلا إلا إن الناس اعتبرتهم مجانين يعني تخيل حد يقولك مصباح علاء الدين موجود!
كمل بغموض وعينه جات في عيني أو كنت بتخيل: بالمناسبة أنا من الناس المجانين إلي مصدقين إنها حقيقية أو أنها موجودة فعلا
- طب و إيه سبب قسوة الملك؟
- فيه أقاويل كتير مش معروف مصدرها بتقول إن الملك الحالي قتل والده عشان يحصل على الحكم وإن والدته ماتت بسبب ده؛ ولإنه كان بيحب والدته جدا اتحول للملك القاسي
و بَعد الكل عنه و أصبح كل همه هو حكم المملكة
الشعب كله أصبح بيتمنى أنه الحب يدخل قلبه تاني يمكن يغيره، وملوك كتير حاولوا يتسموا بالشجاعة ويوصلوا للمملكة بهدف الزواج والحصول على شرف ترويض الملك إلا إن الضباب كان سبب يأس ليهم
والنهاية...
بص في ساعته: وقت المحاضرة انتهى
- النهاية كانت إيه يا دكتور؟
كله أكد على سؤالي والظاهر أنه بقى عندنا فضول كلنا نعرف نهاية الأسطورة و إيه إلي حصل للمملكة والملك؟
- بصلي وقال : النهاية غير معروفة
صوت اعتراض واستفسار ملا القاعة
- هدوووء، النهاية غير معروفة محدش عارف الأسطورة انتهت كدا؟ ولا فيه تكملة ليها محدش يعرفها لسة
قال وهو ماشي: اللوحة موجودة في قاعة اللوحات لو حد حابب يشوفها تاني
بصيت لروان فقالتلي:
- لا لا لا مش هنروح هناك
- عشان خاطري هشوفها من قريب بس وهنمشي
- خمس دقايق بس وهنمشي
= وعد والله
روحنا لقاعة اللوحات التاريخية وقعدنا نلف فيها شوية لحد أما عيني وقعت على لوحة مكتوب تحتها المملكة المظلمة بنقش أسود على برواز ذهبي مش عارفة إيه السبب بس جالي إحساس أنه لايق بيها وبهيبة اسمها
= روان روان اللوحة أهي
- شوفيها أنتِ شكرا مش مولعة بالأساطير أنا
هزيت راسي ورفعت نظري للوحة ودققت فيها كانت _رغم كئابتها بسبب اللون الأسود الطاغي_ جميلة جدا
تأملتها شوية وبعدين كنت همشي بس لمحت نقطة منورة دققت النظر تاني شوفتها بتكبر وأنا مش مستوعبة إيه ده؟!
فجأة جه منها ضوء شديد كان السبب في إني أغمض عيني
فتحت عيني تاني لما حسيت الضوء مشي على صوت دوشة مقدرتش أعرف مصدرها أكيد مش روان إلي عاملة الصوت ده كله
- أنتِ ماذا تفعلين هنا؟
بصيت حواليا كنت قدام بوابة كبيرة لقصر رقبتي وجعتني وأنا رافعة راسي عشان أبصله من ضخامته باللون الأسود، حراس لبسهم غريب شبه لبس العصور القديمة ماسكين سيوف موجهنها ناحيتي!!
= أنا فين؟
يتبع...
_________________
شاركوني توقعاتكم🦋
♡خــلــود خــالــد♡
أنت تقرأ
الــجمـيـلـة والوحــــش "نــــو فـــيــــلا"
Fantasíaكانت فقط تتحرك بدافع الفضول ولكن فجأة وجدت نفسها في عالم آخر، وزمن آخر، بل وبشخصية أخرى في عالم سمعت عنه توا من أستاذها، ألم تكن مجرد أسطورة؟! ماذا ستفعل هناك وهل ستعود لعالمها مجددا؟ وهل ستكتشف السر؟ "سر المملكة المظلمة" - أنتِ ماذا تفعلين هنا؟ ...
