ادعوا لفلسطين... اللهم احفظ فلسطين و انصر شعبها🦋
_______________________
مستنية رأيكم ومتنسوش الفوت والكومنت عشان توصل✨
______________________
اللهم صلِّ وسلم وبارك على سيدنا محمد وعلى آله وصحبه أجمعين
______________________
- أنتِ ماذا تفعلين هنا؟
بصيت حواليا كنت قدام بوابة كبيرة لقصر رقبتي وجعتني وأنا رافعة راسي عشان أبصله من ضخامته باللون الأسود، حراس لبسهم غريب شبه لبس العصور القديمة ماسكين سيوف موجهنها ناحيتي!!
- أنا فين؟
- ماذا تقولين يا امرأة؟ أجيبي على سؤالي و إلا قطعت رأسك ماذا تفعلين هنا؟
= تمتمت: هو أنا جيت في فيلم العصور القديمة ولا إيه؟ بس لا المنتج شكله مكلّف إيه القصر ده؟! ولا ممكن يكون مجرد صورة كرتون بيخدعونا بيها
إلي كان بيكلمني رفع سيفه وكان هينزل بيه على راسي يخربيتك
- انتظر لنأخذها إلى الملك حتى لا نُعاقب على أخذ قرار بدون الرجوع إليه
- أجل معك حق هيا خذوها
كانوا بيقربوا مني
- استنوا استنوا أنا همشي لوحدي
- ماذا تقولين؟
لا شكلنا كدا هنتعب مع بعض
= سأسير وحدي
بصولي بشك وبعدين بعدوا عني لكنهم كانوا واخدين كل حذرهم ودخلنا القصر إلي مكنش صورة بالمناسبة
بصيت للي ماشي جمبي
- بس بس هو أنا فين؟
بصلي باستفهام تمالكت أعصابي وقولتله بابتسامة مصطنعة
- أين أنا؟
- في المملكة المظلمة
مملكة إيه يا عنيا؟ مظلمة مين؟ هو شغل الروايات هيشتغل معايا ولا إيه؟ حد يقرصني أكيد نايمة
كان ينقطع لساني قبل ما أقول إني عاوزة أجرب زيهم
عدينا من جمب مراية كبيرة بصيت فيها بصدمة
= مين دي؟ أنا مين؟ فين أنا؟
زعقولي عشان أمشي تاني بس أنا لسة هناك مين دي؟ إزاي ده حصل؟ أنا مش فاهمة حاجة
- انحني لجلالته يا امرأة
بصيت حواليا لقيتنا في قاعة كبيرة وتقريبا والله أعلم دي قاعة العرش هتسألوا عرفت منين؟
كان فيه كرسي كبيـــر في آخرها وواحد بتاج عليها يبقى ده الملك ودي قاعة العرش شاطرة صح؟
مردتش على الأخ إلي واقف جمبي ف؟ زقني ووقعت
- بهمس: لقد قلت لك انحني
- إيدك تقيلة يخربيتك
- بانحناء: مولاي لقد وجدنا هذه أمام بوابة القصر ولكنها لا تجيب على أسئلتنا
كان فيه شخص جمب الملك اتكلم
- رئيسة الخدم خلود ماذا كنتِ تفعلين خارج القصر؟
خلود؟ خلود مين؟ ورئيسة خدم مرة واحدة؟
شكلي كدا لازم أجاري الأحداث زي ما كنت بنصح دايما البطلات
بس هو مش المفروض أكون خدامة بقيت رئيسة الخدم ليه؟ كدا هتهزق كل أما واحدة تعمل حاجة غلط رجعوني خدامة لو سمحتم
- اعذرني جلالتك لقد كنت أجمع بعض الأعشاب
حلوة الكدبة دي والله
فيه واحد قرب من الملك وهمسله بحاجة
- ومنذ متى كان الخروج بدون إذن مسموح؟
والله يا أخويا مقرأتش رواية البطلة فيها رئيسة خدم فقولت أكيد مسموحلِ يعني معرفش أنه الخروج عندكم بإذن
= اعذرني جلالتك أنا أعتذر
- عقابك سيكون كالآتي سوف تتم إحالتك من منصبك وسيتم البحث عن رئيسة خدم أخرى وستصبحين أنتِ خادمتي الخاصة بدايةً من الغد
يارتني اتمنيت ألف جنيه ولا حاجة سمعت همس كتير حواليا وشوفت نظرة شماتة في عيون الحراس إلي جابوني ونظرة شفقة في عيون باقى الخادمات
هم بيبصولي كدا ليه هو مش المفروض كدا اترقيت؟!
النظام بتاعهم هنا غريب أوي
عيني جات في عيون الملك إلي لسة مش عارفة اسمه
هو بيبصلي كدا ليه؟ كإنه شايف حاجة غريبة قدامه
بصيت على نفسي مفيش حاجة طبيعية فيا بالنسبالي بس بالنسبالهم المفروض أنا تمام هو فيه إيه؟
رجعت بصيتله تاني ورفعت حاجبي بإستغراب ظهرت ملامح دهشة على الشخص إلي واقف جمبه والظاهر أنه كان مركز معانا من الأول
وللحظة أخدت بالي إني واقفة قدام ملك وفيه احتمال لقطع راسي في النص وكل إلي شاغل بالي هو بيبصلي كدا ليه!! تبا لدماغي
جات واحدة أخدتني لأوضة الخدم عشان أستريح قبل ما أبدأ شغلي الجديد بكرة وأخيرا هقعد أفكر في كل إلي حصلي
أنا دلوقتي مش فاهمة يعني أنا جيت هنا عن طريق لوحة منورة؟!
وقفت قدام المراية.. وجسم مين ده؟ مفيش حاجة مني غير عيوني و إلي ممكن تكون عيون إلي أنا في جسمها أصلا! طب لو أنا هنا هي فين؟ هعمل إيه دلوقتي؟
اهدي يا سجود اهدي دلوقتي هنفكر في الإحتمالات المتاحة قدامنا
يا إما أقولهم إلي حصل وهيعتبروني مجنونة أو أتعايش مع الوضع لحد أما ألاقى طريقة للرجوع
قررت أنفذ الإحتمال التاني وهو التعايش، بصيت على الأوضة وكان واضح أنها هتكون مشتركة بسبب وجود سريرين ودي حاجة كويسة شكلي كدا هقوم بجلسة استجواب
قطع أفكاري دخولها "الضحية" قصدي إلي هستجوبها بصتلها بعيون ضيقه وابتسامة عريضة أعتقد أنها الإبتسامة إلي روان بتقولي أنها بتخاف مني لما أعملها
بعد فترة كبير عرفت معلومات كتير وإلي حصلت عليها بعد جلسة استجواب طويلة متعبتش فيها خالص أو يمكن أكون خوفتها شوية يعني
قعدت أجمع الحاجات إلي عرفتها وأنا بفتكر المحادثة إلي دارت بينا وكان من حسن حظي أنها كانت شغالة هنا من سنين كتير
- سيدتي ألم تكن عينيكي زرقاء؟
يتبع...
_________________
شاركوني توقعاتكم🦋
♡خــلــود خــالــد♡
أنت تقرأ
الــجمـيـلـة والوحــــش "نــــو فـــيــــلا"
Fantasíaكانت فقط تتحرك بدافع الفضول ولكن فجأة وجدت نفسها في عالم آخر، وزمن آخر، بل وبشخصية أخرى في عالم سمعت عنه توا من أستاذها، ألم تكن مجرد أسطورة؟! ماذا ستفعل هناك وهل ستعود لعالمها مجددا؟ وهل ستكتشف السر؟ "سر المملكة المظلمة" - أنتِ ماذا تفعلين هنا؟ ...
