العُـوض

البـارت الثـاني 🫶.

- گعدت المـغَرب ع صوت مَامه وهيَ تگـول .
نـور : ديونـه مَامـه اگعـدي صـار الغروب ميصير تبقين نايمه ، تحجي وتمسد ع شعري .
- فتحت عيـوني بثگل وأردفت .
أديـان : هممم مامه هَسه اجي والله
- ابتسمت بوجهي وگـالت ،
نور : ماشي مامه انزلي خالتج كُل شوي تسأل عليج
- ابتسمت وتذكرة كَرار ، أردفت بصـوت أشبه بالنـاصي وبـدلع
أديـان : تمام مَامه انزلي وانـي اجي وراج
- أبتسمت وطلعت .
- گمت عدلت غرفتي وسبحت وبدلت ونزلت ليجوا
- بعدني ع اخر درجه سمعت كَرار يسأل مَامه عليه .
كرار : خاله لعد اديان وين؟
نور : جانت نايمه هستوني نزلت من يمها .
كرار : اها ماشي
- ابتسمت ورحت للأستقبال يـم اخواني ، ابتسم يـاسر وسوا مكان بصفه وگـال .
يـاسر : تـعالي اديـاني
- ابتسمت ورحت گعدت يمه بدون مقدمات
ياسر : ادياني شلونـج بالأمتحان؟
أديان : الحمدالله يروحي
ياسر : عفيه بروح ياسر .
- ابتسمت ، وحجيت بدلع
أديان : يسوري ععيوني
- ابتسم وگال
ياسر : حيـل يـاسر
- ابتسمت وبسته من خده وحضنته وخليت راسي ع صدره .
- أردف كَرار بنـفاذ صبـر
كرار : اديـان اريد شاحنه
- من شفته هيج خفت بسرعه گمت وأردفت
أديان : هسه حجيبها ألك
- طلعت اجيبها صعدت لغرفتي ودااريد انزل بعدني بـأول بـايه ، وحسيت ايد ع خصـري وانـفاس يـم اذني .
كـرار : اديان شنو هالتصرفات هاي ، حضن وبوس؟
- يحجي وهوه گاز ع سنونه ومبينه العصبيه عليه ، گمت ارجف وخايفه حيل ، أردفت بصـوت أشبه بـالعالي .
اديان : ترا اخويه هوه كرار
- وخر وجهه من يم اذني وصار يباع بعيوني ، ضل ساكـت لمـدة دقيقه ، وبعدين أردف بصيغة أمر .
كَـرار : اديان بعد ممنوع تحضنين بخوانج ممنوع
- خفت من يمه وحجيت بصوت أشبه بالـخوف .
اديان : تمام بعد متقربلهم
- ابتسم بمكـر وأردف بـصوت خـافت .
كرار : عفيه عليج حبيبتي ويلا گدامي انزلي .
- بدون مااحجي شي نزلت من الخوف رحت ع المطبخ لگيت خـالتي وامـي گـاعدات أردفت بصـوت مبطن بالعصبيه
اديان : اني حصعد فوگك ممنوع أحد يجي يمي أو يصيحلي
- ابتسمت خالتي هيَ وامي ، أردفت خـالتي بـصوت حنين
زهره : ادللي ديونه
- ابتسمت بوجهه ورحت بست راس امي وخالتي
وصعدت ، مر اسبوع وكرار ميسأل عليه ، وحتى لمن اتصل ميرد وحـاضرني بالأنستا والواتس ، خفت خاف صاير شي نزلت جوا وگلت لـياسر .
اديان : يـاسري
- دار وجهه عليه وابتسم وأردف بصـوت حنين
يـاسر : عيونه ليـاسرج أنتِ امري
- ابتسمت ورحت بسته من راسه ، وگعدت يمه وأردفت بصوت مخنوگك
اديان: يـاسر تگدر تاخذني لخـالتي زهره..؟
- گلت هالجمله ودمعت عيوني ، شافني هيج بسرعه اتقرب من يمي وحضن وجهي بديه ، وأردف بصـوت حنين
ياسر : ادللي ديونه بالخدمة بس لاتبچين يروحي
اديان : تمام حروح أبدل
- ابتسم ، وأردف
ياسر انتضرج
- صعدت سبحت وبدلت ونزلت أخذني لبيت خالتي ، نزلنه وتلگانه كرار ، الضحكه شاگه حلگه .
- ابتسمت ، أردف ياسر بصوت عالي
ياسر : ها لك تعال تعال
- وصلنه يمه ابتسم وحضن ياسر ، وخر عنه واردف
كرار : لك هلا بأبو فهد ، شلونك عيني
ياسر ع الله ، وأنتَ؟
كرار : الحمدالله عال العال
- ابتسمت وأردفت بصـوت أشبه بالنـاصي
اديان : شونك كرار؟
- دار وجه عليه ، ورد عليه من وره خشمه
كرار : الحمدالله .
اديان : انصدمت شون هيج يرد عليه ولييش؟
- دخلنه ليجوا تلگتنه خالتي تهلي وترحب هيَ وبناتها ، دخلنه أتعشينه وخلصنه ، جابت الچاي ريم ، وگالت بصوت ناصي
ريم : اديان كرار يريدج بره
- ضليت صافنه ، وبعدين گمت رحت ، لگيته بره ومبين عصبي وصلت يمه واردف بصوت أشبه بالعالي
كرار : ليش تأخرتييي؟
- أردفت بصـوت نـاصي ، اديـان : ليش صحتني؟
- بـاع عليه وضحك ، بعدين نتر بيه واردف .
كرار : انجبي لج واسمعيني زين
- خفت وأردفت بصـوت مبين عليه الخوف
اديان : شكو كرار؟
- نتر بيه وگال جمله مثل الصاعقه ونزلت ع راسي
كرار : احنه لازم ننفصل لأن خطبت بنت عمي
- ضليت صافنه محجيت شي مجرد هزيت راسي ودرت وجهي ودخلت ليجوا وأردفت .
اديان : ياسر گوم خلي نروح
- باعلي بخوف ، اترخص منهم وطلعنه ، حاول يفهم من يمي شكو بس مارديت ، وصلنه للبيت ونزلت دگيت الباب وطلعت مامه وهيَ مبتسمه بس من شافتني اختفت ابتسامتها وأردفت بخوف شديد
نور : شكو ديونه مامه
مارديت طبيت بعدني ع اول بـايه دااريد اصعد ، وحسيت راسي ثگل وجفني هم ثگل وبعد مادريت شصار .
- گعدت اني بغرفه بيضه ويمي دكتور ، وبَابه ومامه وياسر ، أردفت بصوت مخنوگك
اديان : وين اخواني البقيه؟
- ابتسم ياسر وگال
ياسر : جعفر التحق ودز مرته لأهلها وعبـاس بالبصره ، واحمد اخذ عائلته وراح للنجف
- سكتت ودرت وجهي ، ونزلت دمعه من عيني بسرعه مسحتها أردفت بصيغة أمر .
اديان : اطلعوا من يمي اريد انام
- ماحجوا شي طلعوا وسدوا الباب دموعي صارت شلال ، واني افكر ليش سوه هيج ليش صار سنين يضحك عليه ، حسيت بخنگه قويه حيييل اخذت تلفوني واتصلت ع مامه وأردفت بغصة
اديـان : مَامه تعالي
نور : ماشي حبيبتي جيتج
- سديته وضليت انتضرها وره دقيقتين وانفتح الباب
نور : ها ينضر امج شبيج ، حجت هيج والخوف والقلق مبينات عليها
- ابتسمت وأردفت بصـوت بي غصة
اديـان : مامَه خلي نطلع منا لأن خنگه
- باعتلي بخوف وبسرعه اتصلت بـ أبويه ثواني واجوا هوه وياسر ومبين الخوف عليهم .
- ابتسمت وگمت وگفت وأردفت
اديـان : بَـابه اريد للبيت
حيـدر : دللي بنيتي
- سكتت طلعنه وصعدنه بالسياره رغم شكد يحاولون يحجون ويايه بس اني ماارد ، وصلنه نزلت قبلهم وگبل لغرفتي ، نمت وگعدت الفجر ، ضليت صافنه بعدين اخذت تلفوني وشفت رقمه طلعت صورته وضليت ابجي أخير شي أردفت بغصة .
اديـان : يـا گلبَـي شبيك المن هَالـصياح لو مـن صدك يهواك مَا عافكَ وراح .
- گلت هالجمه ودموعي صـارو شلال ضليت ابچي ، ماوگفت عن البچي لمن سمعت صوت الأذان ، گمت توضيت وغسلت وجهي ولبست محرم الصلاه وصليت وقريت قرأن ونمت ، گعدت ع يـاسر هوه وحاضني ويلعب بشعري أردفت
اديان : ياسر عوفني اريد انااام
ياسر : ديونه حبيبي جايبلج خبر
- فَزيت بسرعـه وابتسامتي صارت من الأذن للأذن وأردفت بلهفة
اديـان : شنـو؟؟
يـاسر : راح اگلچ بس مو تعيطين ماشي؟
اديـان : اي والله
- باعلي وضل صافن ، مرت دقيقه يلا حجه واردف
ياسر : ناجحه ومعدلچ 99.84
- فرحت حييييل گمت ابجي واضحك مثل المخبله أردف ياسر وهوه يحط راسي ع صدره .
يـاسر : ألف مبروك حبيبي
اديان : الله يبـارك بيك يروحي
- ضل فتره حاضني بعدين عافني وراح ، بعد فتره تقريباً ٤ شهور ، داومت كُليه مرحله اولى ، مااختلط اگعد وحدي ، مره گاعده بالكافتريا اكل بعدين خلصت رحت للمحاضره خلصت وطلع الاستاذ وطلعت رحت للكافتريا گعدت اباع بتلفوني جتي بنيه گعدت يمي دقايق وراحت وبقيت وحدي وره شوي گمت رحت للمحاضره الأخيره بده الأستاذ يشرح خلص وطلعنه جانت الساعه بـ١:٣٠ طلعت منتضره السايق يجي تأخر رحت گعدت ع المصطبه انتضره هم تأخر طلعت تلفوني وضليت اگلب بي واني وانتضره سمعت صوت سياره عبالي هوه رفعت راسي شفتها مو هيَ رجعت اباع بتلفوني شويه وحسيت خطوات صارت قريبه من يمي حسيت ع شخص گعد بصفي يدخن جگاير ، وريحت الجگاير مخلوط ويه ريحت عطره القوي شويه واردف بصوت خشن رجولي .
- عيني ممكـن سؤال بلا زحمه؟
رفعت راسي ونصدمت لمن شفت الولد نفسه اللي ساعدني لمن تحرشوا بيه الولد ، بلعت ريكي وأردفت .
اديان : تفضل خويه اسمعك
- صدمني لمن گال... ____________________________________________
انشالله تعجبكم القصه گلولي شوكت تريدون انزللكم البـارت الثـالث؟
.
.
.
.
حسـابي الأنسـتا سكـراتي 🥹💋.

تنوروني سكراتي 💋🫂.