العُـوض

البـارت الخـامس 💋😞.

اسفه على السحبه بس مثل ماتعرفون دراسه وتعب ف حكتبلكم البارت وذا گدرت اكتب بارتين او اطول هذا البارت الكم شوي سكراتي احبكم 💋💋😞.
.
.
.
.
"لاچن گعدنه سوه
ولاچن، حچيت وياك.
عليتني، للسما
وهديٓتنُي من هناك،"

__________________________________

- شفت خالتي زهره ام كرار انصدمت رحت سلمت وصعدت فوك سبحت وبدلت ونزلت لگيت كرار وعيونه ابد ماشالهم مني بس اني مامهتمتله گمت سويت غده وصبيت اكلوا وخلصوا شلت المواعين نضفتهم غسلتهم وبعدين نضفت البيت وعطرته ورحت انام نمت وگعدت الساعه ٤:٣٠ گمت طلعت ملابس وسبحت وطلعت امشط شعري خلصت ونزلت لگيت امي وخالتي رايحين لبيت خالي اللي ورانه وابويه ورجل خالتي بالأستقبال وكرار بالحديقه

سويت عصير وطلعت بالحديقه گعدت اقره كُتاب بس بعيده عن كرار دقايق مرت وحسيت احد يمي رفعت راسي شفت كرار ماانطيت اهميه رجعت اكمل قرأه گعد يمي ثواني واخذ الكتاب من ايدي باعتله بنضره بارده واردفت بهَدوء .

اديان: الكُتاب كرار
كرار: يبعد عيون كرار شگد مشتاق اسمع اسمي من صوتج
- تنفست بنفاذ صبر واردفت بصووت مبطن بالعصبيه
اديان: داكلك الكُتاب كرار
- باعلي وبده يتقرب واني ابتعد اخير شي صرت ع الحايط بعد ماكو مفر وحط ايد منا ومنا ابتسم بمكر واردف
كرار: مشتاق لهالعيون ولكُلشي يخصج بس عيونج الجانت تحبني ومتلهفه ؏َ شوفتي هَسه نضرتها الي بَارده
- ضحكت ؏َ ڪَلامه واردفت بضحكه
اديان: مصدك نفسك انتَ شو وخر عني
- لزمني من زندي خزرته قوه لزمته لزندي حسيت اصابعه نبتت بزندي اريد احجي حط ايده ؏َ حلگي واردف بأبتسامه
كرار: هَسه انتِ بين اديه يحبيبتي
- ماردت ابجي لأن حبيله ضعفي قاومته بكُل الطرق دفعته عني واردفت بحده
اديان: ولعباس ابو فاضل اذا تلمسني اشوفك وجهي الثاني اندمك ؏َ الساعه اللي قررت بيها تلمسني وحق هوه داحي باب خيبر يكرار اطين عيشتك
- ضل مصدوم من كَلامي ابتسمت عفته وفتت للبيت وصعدت لغرفتي ابجي بلا وعي اخذت التلفون واتصلت ؏َ محمد ابجي واسولفله واشهگك بقى يهدي بيه سَڪَتت ثواني واردف بـحنيه
محمد: ابويه انتِ اهدي مو ع كلشي ونزلتي دموعج يروحي وانتضريني ثواني ويمكم اني اخذج ونطلع
اديان: تمام عيني انتضرك
- قبل لا اسده اردف بجديه
محمد: اديان
اديان: ههَاعيني
محمد: سالمه عينج اسألج سؤال وجاوبيني بصراحه
اديان: تمام اسأل
محمد: بعدج تحبين كرار؟
اديان: بدون ماافكر اردفت ، اليبيعني مره يبيعني الف مره غيرها مااحبه لو يصيغونه بذهب لو يموت گدامي ميرفلي جفن .
محمد: بس عيونج ماتبين نفس كلامج
اديان: شون يعني؟
محمد: عيونج ماتكول اني مااحب كرار اني جاي اشوفج من ينذكر اسمه لو سيرته عيونج تلمع
اديان: ماادري اذا انتَ دتشوف هيج بس اني مااحبه اموت من يمه باعني وعافني بنص الدرب
محمد: قل مايصيبنا إلا ماكتبه الله لنا هذا اللي كاتبه ربي العالمين الج
- ابتسمت لان كُل مااشكيله يحجي آيات قرآنيه تهديني وتطمني اردفت بأبتسامه
اديان: محمد
محمد: ابويه انتِ أمري
اديان: ميأمر عليك ضالم ، محمد كلامك يطمني لمن تحجي آيات قرآنيه كلامك حلو
محمد: هههههههه عجبج كلامي ادللي عليه حبيبي كاليوم اسمعج منه
اديان: بعد روحي الغالي ابو قاسم
محمد: ههههههههه ادلل حبيبي سمير
- ضحكت ودعته ونزلت