راد عليه وكاتب....
محمد: هلا برجلين گلبي احبچ روح گلبي واهس عمري
- مِن شفت المسج ابتسمت لا ارادياً وعضيت شفتي وكتبت
اديان: هلابيك عيناي
- ثواني وجاوب عليه
محمد: تجين اتصال؟
- ضليت افكر لدقايق ، جيت اگله لا اتصل عليه كامره جاوبت
محمد: باع الجمـال ههَذا كله الي مستقبلاً؟
- ابتسمت واردفت بخجل
اديان: بعدني ممنطيتك الجواب
- صفن عليه لثواني واردف بصـوت ذايـب وححَـنين
محمد: عيونـج ضيعنـي انـي وگـلبي
- صفنت وتذكرت مره كرار گلي عيونج ضيعني بجيت وشهگت شهگه زرفت گلبي ، اردف بخوف والقلق مبين بعيونه
محمد: شبيج ياعيني ليش تبجين مو اخذتي حيلي؟
اديان: ععادي احجيلك شي وانتَ اكيد حتكرهني وبعد متحبني ، ولا تتقربلي حتى اختك تبعدها عني ، صفن بوجهي لثواني واردف بجديه
محمد: احجي اسمعج
- حجيتله عن علاقتي بكرار وعن نصيحة ابويه الي وكلام امي الي وكلام ياسر ، صفن لثواني واردف بأبتسامه
محمد: رغم ماصارلج هواي من تعرفيني وحجيتيلي وأمنتي بيه ، باعي عيني البشر مامعصوم من الغلط مامعصوم وانتِ واني وكلنا غلطنه مو حرام الحب انتِ ماحبيتي رجال وضيعتي سنينج ويا لو ماخذه نصيحت ابوج وماشيه عليها بس انتِ مااخذتيها وارجع واكرر البشر مامعصوم من الغلط وانتِ ماجان حب جنتي مجرد اعجاب من الطفوله بَس انتِ زرعتي فكرة انتِ انو تحبي بس هوه چان مجرد اعجاب ، وضليتي ع هذا المسار لمن اكتشفتي حقيقته ، وامج حجت هيج اكيد بدون قصد وحترجع وتصالحج بس انطيها وقت وانتِ عيشي حياتج مثل ماهوه عاش حياته الحياه ماتوكف ع احد قل مايصيبنا إلا ماكتبه الله لنا تخطي حتى تگدرين تعيشين حياتج بالشكل اللي تريدي انتِ مو احد يريده .
- ابتسمت ع كَلامه وعضيت شفتي ورجعت كذلتي وره اذني واردفت بهَدوء .
اديان: متصيـر نصوحي وتنصح وتواسي؟
- ضحك ع كلامي واردف بححَـنيه
محمد: لخاطـر عَـيونج كُلشي اصيـر
- خجلت وجهي احسه گام يطلع ناار اردفت بتوتر
- يلا باي تصبح ع خير
- ضحك واردف بأبتسامه
محمد: وانتِ مِن اههَلي .
- سديت التلفون وسديت الضوه وحطيت راسي ع المخده وگمت افكر بكلامه واردفت بضحكه .
اديان: كلامه صح متگف الحياه ع احد ولازم اعيش حياتي بالشكل اللي اريده اني مو احد .
- ضليت افكر لدقايق ونمت ، گعدت ع صوة الأذان گمت توضيت وصليت وگعدت اقره قرآن خلصت ومشيت اخذت تلفوني وشفته دازلي مسج كاتب ، بـ٨:٣٠ بليل يمكم جاوبته .
اديان: شتسوي؟
- دقايق وجاوب عليه
محمد: بعدين تعرفين
- شفتها بس ماجاوبت گمت اقره للأمتحان مال باجر خلصت گمت نضفت البيت وطلعت غسلت الطرمه ومسحت الشبابيك وسويت ريوگك وگعدتهم تريگوا واتطشروا بابه راح للشغل ومامه يم خالي وياسر بغرفته ، غسلت المواعين ورحت راسلت بابه وگتله يجيبلي ويا مكونات مال كيكه وبقلاوه بعدين رحت لغرفة ياسر وگتله حروح لبيت خالي ووافق ، رحت وگعدت ويه بنات خالي اسولف وره ساعتين اتصل ياسر وگال تعالي رحت لگيته بالمطبخ يسوي غده ضحكت لأن گالب المطبخ اردفت بضحكه .
اديان: لك هاي شمسوي شنو دتتعارك!
- ابتسم واردف بأبتسامه
ياسر: جوعان طگني الجوع گمت اسوي لنفسي وهاي شوفت عينج اتصلت عليج وانتِ اجيتيني يبعد اخوج وحتنقذيني
- ابتسمت عدلت المطبخ وگتله يروح اني اسوي هوه ماصدگك عافني وراح خلصت تعديل المطبخ وسويت غده اجه بابه ومامه ورا بدقايق اجتي ، صبيت غده وگعدنه ناكل خلصنه الغده گمت غسلت المواعين وسويت چاي ودزيته الهم وسويت قهوه الي طلعت للحديقه واخذت كتاب قصة اجرام مستباح لثلاث ندبات وكعدت اقره جانت شته يعني الجو حلو بارد وجانت تمطر بس قليل جان الجو يخبل قريت شكم صفحه وگمت بديت اسوي بعجينة البقلاوه خلصت وبلشت بعجينة الكيك خلصت وخليتها ع صفحه وعزلت هوستي وره نص ساعه حطيتهم بالفرن ضليت انتضرهم خلصوا طلعتهم ضميتهم صار اذان المغرب گمت صليت وبلشت احضر العشى خلصت صبيت وبدوا ياكلون اني مااكلت رحت نضفت الأستقبال وعطرته ونضفت الطرمه والصاله هم وغرفة ياسر ومامه وبابه وغرفتي وعطرتهم غسلت الملابس وطلعنه اني وبابه للمعارض نشتري سياره اشترالي jeeb من هذولي العاليات سوده رجعنه للبيت اني جنت مطلعه رخصت سياقه تعلمت عليها من بلغت وجنت اخذ سيارة ياسر صعدت لغرفتي طبيت سبحت وگعدت اقره دقايق واجتي امي گالت اكو خطابه عليه نصدمت وتذكرة محمد گلتلي عدلي نفسج وانزلي عدلت نفسي ونزلت لگيت نسوان ثنين واخته ساره رحت سلمت عليهم وگعدت اردفت المره الچبيره .
ام محمد: اللهم صلِ على محمد وآل محمد عين البارده عليج تخبلين يمه عرف يختار ابني شو تعالي اگعدي يمي
- رحت گعدت يمها ضلت تبوس بيه وتسأل عن عمري عن دراستي عن شون شافني محمد وساره تضحك عليه ، اردفت المره اللي بصفها
عمة محمد: هلا يمه اني عمة محمد ونشالله عمتج ، بس صدگك ابنه عرف يختار عين البارده عليج يمه
- ابتسمت واردفت بهَدوء
اديان: تسلمي عمه
- گعدوا ضلوا يسولفون مرت فتره مو كُلش طويله واجه ياسر گال تعالوا ادخلوا جوه رحنه دخلنه وشفت محمد بالرسمي وابتسامته وجگارته اللي موگعت من حلگه دخلنه واردف الرجال بضحكه
ابو محمد: هلا بجنتي شلـونج بابه حجالنه هوايه عنج محمد؟
- ابتسمت واردفت بخجل
اديان: الحمدالله عمو
- گعدنه ضلوا يسولفون اخير شي گال ابو محمد
ابو محمد: ياابو جعفر اني راح افوت بالموضوع گبل احنه اجينه نخطب بنتك لأبنه محمد ع سنة الله ورسوله واتمنى ماتردونه ونتشرف بقرابتكم
ابو جعفر: النه الشرف ابو محمد والله ياابو محمد البنيه بس هيَ الي وحيدتي وهيَ تقرر اذا جانت قابله او لا
- ضلوا يتناقشون بعدين ام محمد گالت
ام محمد: خلي نطلع ونعوفهم وحدهم يقررون وتعرفون على بعض وهمه يقررون لأن همه الراح يعيشون سوه .
- طلعوا وبقينه راح قفل الباب واجه گعد يمي واردف بححَـنيه
محمد: اني ماراح اجبرج على شي تريدين توافقين تريدين لا بكيفج اني انتضرج طول العمر منا لمن توافقين
- ضليت افكر بكلامه واردفت بضحكه
اديان: حنطيك مهله ٣ شهور وذا گدرت احبك ننتزوج گبل
- ضل صافن عليه مثل اللي ممصدگك فرك عيونه واردف بصدمه وصوته بي رجفه
محمد: ناصبه عليـهه انتِ؟
اديان: لا والله احجي صدك
- ضحك وجرني حضني حييييل واردف بضحكه
محمد: راح اخليج تعشگين شكو شي يخصني مو بس تعشكيني .
اديان: نشووف بس تعال اكلك هَسهه احنه نخطبنه لو شنو؟
- ضحك ضحكه هزت البيت هز وخر عني واردف
محمد: مِن هسه صرتي مرتي والي بس وهسه نگول موافقه ونتوكل ع الله .
- اردف هالجمله وطلع وطلعت ورا واردفت بهَدوء
اديان: موافقه
- امه صارت تهلهل وامي ابتسمت واجت باركتلي وصراحه صدمتني بهالشي اجه بابه باركلي باركولنه وراحوا رحت حضرت لأن باجر دوام لازم احضر وعندي امتحان سبحت وحضرت ملابسي وگعدت اراجع اللي قريته خلصت سديت الكتب ورحت لكيته مراسلني وكاتب
محمد: شلونج رجلين گلبي انشالله بخير
اديان: الحمدالله عيناي
محمد: اديان باجر اني اوصلج للكُليه لا تروحين بالخط
- سڪَتت اخذت نفس واردفت بهَدوء
اديان: تمام انتضرك
- ضلينه نسولف لـ١٢:٣٠ عفته ونمت گعدت صلاة الفجر صليت وطبيت سبحت ونزلت سويت ريوگك تريگت وغسلت المواعين وصعدت حضرت ملازمي وجنطتي وگعدت اراجع اللي قريته خلصت ضليت انتضره صـارت بـ٧:٣٠ اجه نزلت رحت ويا صعدت واردف بححَـنيه
محمد: يـا ههَلا بمـرتي شلـونج رجلين گلبي
- ضحكت ع كلمته الأخيره واردفت بضحكه
اديان: رجلين گلبك؟؟
- ضحك واردف بأبتسامه
محمد: واهس عمري انتِ ادياني
- ابتسمت بخجل دنگت راسي واردفت بتوتر
اديان: تأخرنه
- ضحك واردف بأبتسامه وهَدوء
محمد: ابداً ماتبطلين هذا الطبع
- عگدت حاجبي واردفت مستغربه كَلامه
اديان: يـاطبععع تقصده؟
محمد: الكَلام اللي مايعجبج ماتردين عليه وتغلسين وعندج سرعه بتغيير المواضيع حتى تنسين المقابل بيها .
- توترت واردفت بتوتر
اديان: عندي امتحان سرع شوي
- ضحك وطلع جگاره ورثها واردف بأبتسامه
محمد: تأمرين بعد روحي
- وصلنه للكُليه نزلت وصاح ورايه واردف بأبتسامه
محمد: انتضريني اجيج ام عـيون
اديان: تمام عيني انتضرك
- دخلت للمحاضره وخلصت وخلصتها هيج مِن محاضره لمحاضره لمن اجاني محمد اخذني ورحنه للمطعم نزلنه ودنحجي بسوالف عاديه بعدين اردف بهَدوء
محمد: رجلين گلبي احبچ يبـ؏ـد روحي
- تذكرت كرار گمت ابجي بسرعه طفر واجه يمي ضل يهدي بيه هديت واردفت بهَدوء
اديان: مااعرف شنو هالوجع اللي بگلبي شون اتخطى گلي
- تنهد بحيره وهوه يمسد ع شعري اردف
محمد: تتخطين تتخطين واني راح اصير بلسم لجروحج يروحي انتِ بَـس لا تبجين مااريد اشوف دمعه مِن عينج حتى لو جانت دمعة فرح عيـونج الحـلوه مااريدها تبجي يروحي .
- ابتسمت ورفعت راسي اله واردفت بهَدوء
اديان: شكراً عيوني ع مواساتك الي
- ابتسم ورجع خصلتي وره شعري واردف بأبتسامه
محمد: ادللي حبيبي يلا گومي ارجعج للبيت
- رحنه للسياره صعدنه ورجعني للبيت وصلت نزلني براس الفرع دخلت للبيت ولگيـت الصدمه ههَـناك .
__________________________________
ششتتوقعون شافت 🫶🏻🩶."
حسـابي الأنسـتا سڪَࢪاتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تنوروني سـڪَراتي 🩷🫣.
أنت تقرأ
العُـوض
Romanceبَيـن الحَقيقة وَالكُذب بَـين الكُـرة وَالحُـبّ بَـين الحَقُ وَالبَـاطل بَـين الشُتات وَالـوضوحِ تعـيش تـلكَ الفتـاة التـي حَـياتها لوحَـتاً بَيضاء ليأتي ذالكَ الشخصُ الذي سيجعـل حَـياتها لوحَـتاً سَوداء مغطاتاً بالكـذب والألمِ، هَـل سَتنجـوا ام...
