العُـوض

البـارت العـاشر 🦋.

هُـلاو شونكم آســـــفه ؏ السحبه، احـــــــــبكم

______________________________

شَايف مَن تَحس الوجَع
يآكل بَيك
تشوف الله الوَحيد
المَعتِني بيك .

______________________________

حيـدر:: اديـان
اديـان:: ههَاعيني
حيـدر:: سالمـات، تتـزوجيني
- صفنت وابتسمت تك خد بقيت دقايق ساڪته وهوَ مركز وذاب حيله ويايه مركز ؏َ شفتي ومنتظر جـوابي اردفت بهَدوء وابتسـامه وانـي ارجع خـصلة شعـري وره اذنـي .
اديـان:: مـوافقة
حيـدر:: عليج العباااس؟
اديـان:: لا شافك العبااس خزيتنه باع الناس شون صافنه علينه
حيـدر:: حَـبيبي مايهم اهم شي وافقتي وراح تصيرين مرتي
اديـان:: لـُيش محسسني حتملك الدنـيا؟
حيـدر:: جـوهرتي انــتِ، طبعاً حملك الدنيا شريد مَـن ربي بَـعد وانـي اخذت الأحبهه بَـعد معاناة ! .
اديـان:: حيـدر اني مااعرف شُـنو بيهه حالتي تخزي وميته قهر وامنيتي الوحيده اشكي اللي بداخلي تعبت مَـن الڪِتمان ابلع الحزن والوجع والغصة واتحمل مثل بلاع الموس .
حيـدر:: حبيبي اني جداً متفهم حالتج تريدين تشاركيني ألمچ وحزنچ وجعچ اني موجود، بَـس دكتور نفسي افضلج حتى تاخذين راحتج بالڪَلام ويـا
اديـان:: شكراً حيدر هوايه، دائماً تساعدني صار سنين ولا فديوم تذمرت لو شكيت لو بزعت مَـن يمي
حيـدر:: لبـة روحـي انــتِ اديـاني
اديـان:: نرجع؟؟
حيـدر:: يلا هم تأخر الوقت
- رجعنه للبيت مرت ايامي عاديه بين دوامي وحيدر اللي غير حياتي للأحسن وسوالها طعم بَـعد مُرها طبعاً ماكو شي حـلو يجيك جاهز لازم تعـبان عـليَ مثـل لمن نگول الصبـر مفتاح الفـرج الأشياء الحلوه هيج متجيك بدون مُر وتعب وهلكان وسلب الراحة لا تجيك بتعب ومُروره وهلكان وسلب راحة، گمت اروح دڪـتور نفسي وبدتت تتحسن حالتي للأفضل اجي تعبانه مَـن الدوام ومالي خلگك انـام واگعد اسبح واكل واخذ سيارتي وگبل للدكتور افضفض واجي مرتاحه نفسياً طلعاتي ويه حيـدر قللتها ـلأن دشوفه تعبان ومينام بسبب شغلة اللي بالشركه وشون عيونه منفخات وحمر وجوه عيونه هالات سوداء وجهه ذبلان بـشكل مو طبيعي واڪثر مَـن مره اسأله وچان يجاوب النفس الجواب واللي هوَ .

- عاديه بسبب الشغل، لايضل بالج
- تمـام
- تقريباً مرت ٤ شهور او اكثر والنفس الروتين بَـس الجديد دانحضر اني وحيدر لبيتنه ندور اثاث وبيت وسياره جديده داادور غير سيارتي وهوَ هم يريد يغيرها شهرين تقريباً احنه نحضر ببيتنه بناء حديث اثاث حديث وحلو ؏ ذوق حيدر خلصنه بيتنه، هستوني راجعه مَـن الدوام وصادفت بالطريق ضابط وكأن شايفته وگفني بالسيطرة دگ گلبي وانـي اشوف نضراته المقززه لجسمي اللي كُلها رغبه وشهوهَ اتصلت بحيدر بدون ليحس عليه همست بصوت ناصي
- حيـدر لحگلي الله يخليك
- بيج شي يروحي؟، احد أذاچ؟، گليلي اديـاني
- لا لا بَـس تعال خلصني
- ويـن انــتِ
- بـ^^^^^^^^^^^
- جايج دقايق ويمج
- عفيه استعجل
- مااتأخر
- سديته وهوَ اخذني لمكتبه گعد مبتسم بمكر اجه بصفي گعد حيل قريب خله حلگه يم اذني واردف بخبث
- تخبلين، شنو من جسم؟، شنو من جمال؟، شنو من شعر؟ شنو من عيون طرگاعه؟، هنيال اللي الياخذج
- بحركة سريعه مَـن يمي گمت ضربته راشدي ورفت اصبعي بوجهه واحجي وگازه ؏ سنواني .
اديـان:: حاول تتقرب مَـن يمي، قسم برب العرش العظيم لدوس ع راسك، متستحي انــتَ؟، واحد عار ع المجتمع بمكان ماتحمي بنات بلدك بالعكس انــتَ تسويها، شهالنفس الدنيئه اللي عندكم وشهالزنا هذا؟، متخافون ع خواتكم؟، ترا حتنرد الصاع صاعين الكم، كلمن ينرد أله خيره لو شره
- كملت كلامي وگف وتقرب لزم وجهي وحاول يبوسني لكن قاومته مّل وضربني راشدي بهاي الأثناء دخل حيـدر وجهه احمر عباره عن كتلة نارر مَـن العصبيه بركان تقرب يمه وضربه بوكس بخشمة واردف بصوت رج الدنيا من قوته
حيـدر:: حييييوووواااااان ششششرررررددددتتت تتتسسسوووووي هههاااا لككككك
- ضرب بوكسات دخلوا الضباط ؏ الصايح والتكسير خلصوا الضابط مَـن حيدر خلصت السالفة مدري شون صعدت ويه حيدر بسيارتي وخله سيارته يجي عليها بعدين حيـدر عباره عن بركان اذا اطخه ينفجر سڪَتت مر وقت وهوَ اردف بهَدوء تام ولا عبالك هوَ قبل شوي بركان .
- اديـاني
- رُوحهـا
- احبچ
- اني هم حيدري
- التفت عليه مثل اللي ممصدگك وفاتح عيونه بصدمة وسفط ؏ صفحه ودرا عليه واردف
- عيدي شگلتي؟
- اني هم حيدري
- انــتِ هم شنو؟
- احـبك
- شـنوووووووووو؟
- شُـنو؟
- تحبيني؟
- لعد لـُيش مااحبك يـا فرح أيـامي؟
- ابتسم وتقدم وبحركة سريعه بـاسني مَـن شفتي لكن بهَدوء ضل دقايق ووخر عـني واردف بأبتسامه وهوَ يلعب بخصلات شعري ووجه قريب مَـن وجهي وعيونه بعيوني .
حيـدر:: حضـري نفسج الأسبوع الجـاي زواجنه حبيبي
اديـان:: مو كأنو مستعجل؟
حيـدر:: صار اشهر اديـان ع خطبتنه
- سڪَتت وصلني لدكتوري النفسي وبقى منتظرني بره، خلصت الأيام هيج بين دوامي وشغل البيت وطلعاتي ويه حيدر وتجهيزاتي لعرسي سوينه حنه بسيطة وهوَ اصدقائه سووله حفلة وداع العزوبية رحت للصالون خلصت تجهيزي كعروس رحت للمول اشتريت ملابس جدد ومكياج وعطورات ودهونات خلصت رجعت للبيت سبحت ونمت گعدت صليت واكلت وگمت ع البيت انضفه بلشت مَـن السطح لباب الشارع خلصت گعدت ارتاح، خلصت الأيام واجه عرسي چان حيييل فخم اني ماردته هيج لكن بسبب اصرار حيدر وافقت خلص العرس وچان كُلش حلو خلصنه، رحنه للفندق زفوني وهَدورهَ زفوا دخل عليه ابتسم صلينه واكلنه سبحت ودخل ورايه يسبح طلعت ولبست ملابس نوم طلع مَـن الحمام بدل ومشط شعره واجه گدامي وحط راسه بحضني واردف بهَدوء . 
حيـدر:: اديـاني اني ماراح اجبرج ع شي انتِ بكيفج شوكت ماتحبين نسوي زواجنه حقيقي واتقربلج مااريد اجبرج وصدگيني اني مااخذتج علمود جمالج ولا فلوسج ولا شهادتج ولا علمود ايشي اخذتج ـلأن احبچ مَـن ايام الثانويه حيصير اكثر من عشر سنين .
- سڪَتت مجاوبته دقايق احنه ساكتيه وخرت راسه ونزلت گعدت مقابيله وحضنت وجهه بين اديه بست معـاني وجهه وخرت وضليت اباع لعيونه دقايق واردفت بأبتسامه
اديـان:: واني مااخذتك علمود شي، ولا عبالك بعدني احب محمد لاا مستحيل محمد مات وهوَ ماضي وفات واللي فات مات انـتَ حاضري ومستقـبلي حيدري
- خلصت وركزت ؏َ الكلمة الأخيره تقربت بسته بشفته ووخرت صفن ونوب هوَ بـاسني بـدت ليلتنه، وبدت حـياتي الجديده اللي مَـن دون معاناة اللي كُلها حُب وخوف وهدوء حياتي ويه حيدر حيل حلوووه ماشفت معاناة مرات اجي تعبانه الگي مسوي غده ومنضف البيت لو من يشوفني تعبانه يخليني انام وارتاح لو من يشوفني مريضه يبقى ليالي سهران ويايه وخايف مر تقريباً ع زواجنه سنة، بأخر ٤ شهور جنت احس بتعب وخمول اتقيء وتلعب نفسي واتنسى شكيت بنفسي حامل وقررت اسوي اختبار سويت اختبار وطلع شكي بمحله وحامل انتضرت حيـدر يجي حتى أگلة، مرت ساعتين وانفتح البااب وگفت وهوَ فتح ايدي بمعنى تعالي رحت حضني وباس شعري وخر عني واردف بأبتسامه وهوَ يلعب بخصلات شعري وايده لاخ ؏ خصري .
حيـدر:: شلـونچ لبـة روحي
اديـان:: بخير، وانتَ؟
حيـدر:: بشوفتج بخير
اديـان:: اء... اء.. احم حيـدري
حيـدر:: شڪو شبيج يروحي؟
اديـان:: حيدري باع
حيـدر:: دوه سنينه لحيدرج، گولي حبيبي
اديـان:: عُـمري انـي حامل
حيـدر:: عِود صَدك؟
اديـان:: وعلي
- شالني ويفتر بيه فرحان، مرت ايام حملي صعبه ومهدده بالأسقاط لأن اتحرك هوايه اخذت اجازه وگعدت بالبيت مر شهر رحنه للدكتوره وچان اعرف اني بشهر الخامس بنهايته وبيه توأم ولد وبينه وحيدر طااااير بيه طيووور فرحان دنيه ماواسعته سافرنا شكم اسبوع ورجعنه، حياتي ويه حيدر حيل حلوه واحمد ربي عليها بدون حزن ولا معاناة ولا ضرب ولا تغيرات مزاجيه، حيدر كُلشي اسوي بي ميحجي خاصه بفترة حملي اضغط عليَ هوايه بَـس ولا مره تذمر او ضاج بالعكس كُل تصرفاتي وكُلشي يصدر مَـن يمي ياخذها برحابة صدر، حيدر جداً متفهم ويعذر المقابل وميشيل بگلبة ؏ احد مو لأن زوجي دمدح بي لا ابداً والله بَـس الحق يقال، طبيت بشهر السادس وبدت تنساتي الصعبه والغريبه، روتيني نفسه بس شغل بيت او عمل لا مااسوي منهم مجرد اكل ونوم وطلعة وروحه للدكتوره والباقي حيدر متكلف بي كُله ميقبل اسوي شي هوَ كُلشي يسوي تنضيف طبخ اعترف حيدر حيييل تعب ويايه ويخاف عليه وع اولاده من الهوا الطاير سوالي نضام امشي عليَ، مره گاعدة وطلع گدامي حساب بـنت چانت ناشره ستوري عيونها الوساع والجوزي الغامق اللي يميل للعسلي رديت عليها وكتبتلها ماردت يومين وردت عليه وچانت كاتبه .
- حَـبيبي، عيـونچ الحـلوه اكيد يـوردتي
- حبيتها وحبيت لطافتها كزكزت عليها وبدت كُل متنشر ارد عليها بديت اتقرب الها صرنه صديقات، مره ناشره كتابة حبيت خصوصاً كانت هيه كاتبته عجزت اوصف نضوج عقلها لهالبنية دخلت ؏ الهايلات واشوف كلامها شون مال كبار ومنطقي، مره شفتها ناشره قصة عبالي الها كتبت مسج ودزيته الها ماردت بسرعه وره ساعه ردت
- لا يروحي مو ألي وأنما رواية لكاتبة برنامج الواتباد اذا تعرفي
اديـان:: اي اعرفه كُلش حلو
- اتفق، خاصة الروايات الجديده كُلش حلوة
اديـان:: لـُيش متصيرين كاتبة، دامج تحبين القرائه؟
- ههههه، والله ابويه ديحفزني احقق حلمي واكتب رواية وانـــتِ كذالك بَـس مااعرف شنو اكتب رغم كتبت قصة خياليه من حساب وهمي
اديـان:: انطينياها
- حاذفتها بَـس عندي سكرينات للبـارتات
اديـان:: دزيهم بلا زحمه
- ادللي حبيبي
اديـان:: گلبي
- دزتهم وقريتها كُلش حلوه وعبالك حقيقه، گتلها وچان افكر اكتب قصتي گلتلها وانطتني كاتبات يكتبولي قصتي بَـس اصريت أله هيَ تكتبها ضليت اسبوع الح عليها بعدين رحتلها راسلتها وگلتلي
- تمام عيوني حكتبها
اديـان:: فدوه لعيونج يروحي
- حبيبي تسلمي
اديـان:: الله يسلمج فـطوم
- مرت الأيام ودخلت بشهر الثامن، وحيدر يعتني بيه وبأدق تفاصيلي، علاقتي بفطوم قوت بنت حبابة معندها شي چانت كتومة حيييل لأن متشاركني ومره تعاركت ويايه بنيه وگلت لفاطمة وتعجبت من قوتها وشون دافعت عليه عرفتها قويه لهالفطوم وجانت دائماً تحلف بـ
- لا ولچ مو هيج اديان وقالع باب خيبر قصدي اللون يخزي
اديـان:: صحيح
- ييااا شبيچ والكفل زينب هيج قصدي والزهره الزچيه
اديـان:: ههههههه، ولا يتشاقة وياج
- طيحتي گلبي عبالي زعلتي
اديـان:: امممم
- عليج علي ابن الحسين زعلانه؟
اديـان:: لا
- اديـان عليج رسول الله
اديـان:: والحسن مزعلانه
- ريحتيني
- جانت دائماً تحلف هيج ومن سألتها گالت من هيَ وصغيره هيج تحلف بَـس اكثر شي منتبها عليها لو تحلف بقالع باب خيبر لو بالكفل زينب، مرت حياتي الحلوه وبعدلي اسبوع وادخل بشهري، الدنيا ليل فزيت مخروعه واتعرگك اريد اتحرك ماكو باعت للفراش وشفت شي خلاني اعيط بكُل صوتي فز حيـدر مخروع اردفت بخوف ممزوج بقلق .
اديـان:: حيـدر.....

_________________________________

انـشَالله يعجبكم البـارت، آســـــفه ؏ السحبه يعيوني

حَـسّابـيّ الأنَسـتّا الأول سَكُراتي 💋 .

حَـسّابـيّ الأنَسـتّا الثـّاني حَـلوّاتُـي 🤍💋 .

حَـلوّاتُـي تنـوروني بيـهم ثـنينهم سَكُراتي انتوا، بَـعد بَـس بارت وتنتهي الرواية وانـشَاالله حبدي روايه ثانيه مو اكيد لأن البطله اختفت والأحداث مو كامله وذا رجعت البطله اكتبها، بعطلة نص السنة حَـلوّاتُـي انتوا، احـــــــــبكم 💋💋🤍 .