العُـوض

البـارت الثـالث 🩷.

صدمني لمن گال .
محمد : تتزوجيني؟
- ضليت مصدومه وبَس فاكه حلگي ، ضحك ونزل راسه واردف بجديه اڪثࢪ مِن اللي قبلهـا .
محمد : دااحجي صدك اني حبيتج اول ماشفتج لأن رزنه وثڪيله مو مثلهن تذبين نفسج ؏ الزلم ، ومِن اليوم اللي شفتج بي لهسه انتِ بعقلي وبڪلبي واليوم شفتج وگلت لازم افتح وياج الموضوع .
- صفنت وضليت افكر شبسرعه حبني وبعدين اني شفته اجه ويه بنيه ، اردفت بصـوت اشبه بالعـالي .
اديان : شبسرعه حبيتني شَـووَن؟ ، وانـي اليـوم شفتـك وي حبيبتـك؟
- ضل صافن عليـه تنهد واردف بصـوت ذايـب .
محمد : عيـونج لو عدسـات؟
- ضحكت عليه واردفت بضحكه
اديان : عدسـات بگتهم مِن صديقتي ، اڪيد عيوني
- صفـن عليــة واردف بصـوت ذايـب وححَـنين .
محمد : اللهم يـا مِن خلقت عينـاهَـا الجميلتان ألم تـࢪحم خلقك مِن بـلاها
- اردف هاي الجملة وطلع جگاره وگام ، اردف .
محمد: اللي شفتيها اليوم اختي
- ابتسمت واردفت بهَدوء .
اديـان : الله يحفضها الك عيوني
- ضحك وگعد واردف .
محمد: تعرفين ضحكتج حلوه؟
- ابتسمت ورجعت خصلت شعري وره اذني ، واردفت بهَدوء .
اديان: اععَࢪف
- اردف بهَدوء .
محمد: انتضرج ام عيـون
- ابتسمتله واردفت بضحكه
اديان: الله كريم عزيزي
- اردفت هاي الجمله واجه السايق عفته ورحت ، وصلت للبيت والضحكه شاگه حلگي ، اهلي مِن شافوني الگاع بَـ؏ـد ماتوسعهم ، لأن مِن انفصل عنَي كرار وانـي مااضحك ولا اختلط بيهم مجرد بَس اكل وياهم وانام لو اقره ، اردفت امي وهيَ مبتسمه وبصـوت حَـنين .
نـور: يبعد روح امج انتِ فدوه لهالضحكه صارج ٤ شهور حارمتنه منها .
- ابتسمت ورحت حضنتها وبست راسها ، واردفت بجديه .
اديان: مَامه اريد اڪلج شي .
نور: كولي يبعد روح امج انتِ يفرحت امج
- اتنهدت بحيره واردفت بغصة .
اديان: مَامـه اليـوم حاجاني شاب من جنت بالسادس ساعدني لمن تحرشوا بيه شباب واليوم رجعت شفته وگلي اني حبيتج وگلي انتضرج واني مااععَرف شنو اگله .
نور: والله يامامه ماادري بس هسه انتِ مو مال زواج هسه بعدج صغيره ودرسين وانتِ مرايحه تتمعشگين وتطبين وتطلعين رايحه تدرسين .
اديان: اعرف مامه حبيت اكلج لأن مااعرف اضم عليج ، وعندي وياج موضوع ثاني .
- صفنت مامه عليه واردفت بقلق .
نور: شڪَوو شصـايࢪ؟
- حجيتلها كُلشي و؏ـن علاقتي بكرار قبل ، وصدمتني بردة فعلهـا .
نور: انتِ صدك تحجين ماتستحيننن انتِ تتمعشكين احنه هيج ربيناججج؟
- اردفت حجايتها الأخيره وضربتني راشدي ، نصدمت اول مره تمد ايدها عليه ، اردفت جمله مستحيل انساها .
نور: انتِ مو بنتي تبريت منج ، اني بنتي ماربيتها تحب وتكسر ثقت اهلها ، ممقصرين احنه وياج بشي علمود تروحين وتحبين ابن خالتج ، بَس هوه هذا الدلال هيج يسوي ومحد طلع عينج غير حيدر .
- كملت كلامها حتى مخلتني احجي عافتني بصدمتي وحيرتي وراحت ، صعدت لغرفتي انـي وكسرتي ، بدلت وسبحت وگعدت اقره خلصت صفنت وگمت ابجي تذكرت اللي صـار ، رحت انـام حطيت راسي ع المخده وگمت اشهگك كُل شهگه تطلع من يمي تـاخذ ثلثين مِن حيلي وتڪسࢪ گلبي ، ضليت ابجي وره ساعه وتذكرت كَلام ابويه مِن دخلت متوسطه لمن نصحني .
___________________________
نـࢪجع للمـاضي .
- فرحانه لأن نجحت وطلعت معدل عالي وحنسافر لترڪيا لأن عطله ، گاعده ودخل عليه بابه رحت ركض حضنته واردفت بضحكه .
اديان: بَابه فرحاانه حييييل .
- ضحك وباسني مِن راسي واردف بصـوت حنين .
حيدر: بابه ديونه انتِ رحتي مرحله جديده كبرتي وصرتي بسن المراهقه وسن المراهقه محرج وصعب ، واكيد شحتشوفين تردين وتقلدين ، ف ياحبيبتي ࢪاححَ انصحج وانتِ امشي وره نصيحتي يابابه ، لاتصادقين بنات موزينات يعني صديقات سوء لأن راح يدفعنج ويعلمنج ع كلشي مو زين وميرضي الله ، ولاتحبين او تتمعشكين لأن اغلب البنـات بسن المراهقه لو ملكـات واهلهن ملبين كل احتياجاتهن هم يكسرن تقة اهلهن ويحبن وهذا الشي ميرضي الله ياحبيبتي ، العلاقه اللي مترضي الله نهايتها مترضيج بدايتها حترضيج انتِ بَس مترضي الله ونهايتها محترضيج لأن راح تنجرحين وتنكسرين ، وانـي ادري بيـج شطوره ومتكسرين ثقتنه انتِ گدها .
________________________________
نـࢪجع للحاضر .