لو يفيد الحجي چا كتبت الف سطر ، انــتَ ماجابك حنين يجيبك شعر؟؟
______________________________
حيـدر:: اديـان بُـاعي گُـلي محمـد مسوي حادث ومات ، - مـثل الواحد وضربني ؏َ راسي بسبب الخـبر عطت بكُل ماعندي صوت حتى حسيت احبالي الصوتيه راحت . اديـان:: لااااااااااااا مُستحيييييييللللللل حيـدر:: اديـان اهدي اديـان شو باعيلي اديـان - تخبلت ضليت املخ بنـفسي وابچي حرفياً نهاريت كُلش حيـدر:: اديـان شو باعيلي ، ؏ ڪيفچ ويه نفسچ اديـان:: حيـدر عافني وراححححححح وعدنيييي مايعوووفني وفوگاها عافنيييي واني زعلانهههه حيـدر:: اهديي اهديي كتلتي نفسجج اديـان:: هوايه صارن عليه حزني وموت ابُني والدنـيا وموت محمـد ، كسره ورا كسره ياكَسره اتحملها انه هوايه صارن . حيـدر:: اديـان مو هيج مو هيج لا تأذين گلبي اديـان:: حيـدر ، تـلوع گـلبي هوايه موت ابُني اللي اخذ ثلثين مَـن حيلي ومـوت محمـد اللي اخذ حـيلي كُله شتحـمل انـه؟ حيـدر:: قل مايصيبنا إلا ماكتبه الله لنا اديـان:: لعددد الله ميااااخذنيييي واخلصصصصص - اردفت هالجملة وضربني راشدي ، رحنه للمستشفى ونهاريت هناك كسره ورا كسره شحمل انه مرت ايام الفاتحه صعبات حَيـل وهاي صَـارت سـنة ونـص ؏َ موت محمـد ورا دورت سنته رجعت لشغلي حتى الهي نفسي وحيدر اللي ماتركني خطوه بخطوه ويايه بيوم گاعده واجاني حيدر تعبان وعيونه حمر دم ومبين التعب عـليَ گعد مقابيلي واردف بتعـب . حيـدر:: محمد مااخذج حباً بيج اديـان:: شـُنوو؟ حيـدر:: اي مااخذج حباً بيج اخذج عناد بأبو لأن گله انــتَ مُـنو تـاخذك وانــتَ ماتخلف حـتي العـاقر ماتاخذك وـلأن انــتِ اول بنيه طالعه گدامه بيومها خطبج او اوهمج بحبه بَـس هـوَ مو محبتاً بيج حـتى لمن جان يلتحق اشهر يروح يم مرته الثانيه واللي يحبها - نصدمت معقوله محمد هيج نهاريت وموتت نفسي عافني وراح ضليت بصدمتي وحزني شهر مر وحيدر ويايه ويواسيني بقيت افكر بتصرفاته ، رحت لغرفته وسألته اديـان:: حيـدر حيـدر:: رُوحـه اديـان رُوحـه اديـان:: تحـبني؟ - فز صافن بوجهي عيونه دمعت ونزلت دمعه مسحها واردف بغصه . حيـدر:: مَـن بـين كُل البنات بَـس گلبي اختارج اديـان لمن تتقربين گلبي يرجف رجف كأنـو يريد يطلع مَـن صدري ويـگول احبچ اديـان ، حاولت امنع نفسي عنج سافرت ومافاد ، احبج حب ام لضناها وانـتِ قيسي حُـبي شگده . - يحجي وابجي مامصدكه اردفت بغصه اديـان:: لـُيش تحملت هالوجع كُله شُون تحملت اكُلك خويه؟ حيـدر:: سـهم تجي بگلبي بَـس اصبر عسى ولعلى انساج اديـان:: ومانسسيتتت؟ حيـدر:: نـور سـنيني المتعُـوبات انــتِ ، احبج دوه سنيني اديـان:: حيـدر اعذرني مااكدر احبك اني حيـدر:: اصبر ، بعد الصبر جبر ، الله ويايه ماينساني ، عسى ولعلى تحبيني اديـان:: لا تحبني مااريد اجرحك لو اكسره لخاطرك حيدر حيـدر:: دوه سنيني - عفته وطلعت مصدومه معقوله تحمل هوايه شُون تحمل اگُله خويه رحت للغرفه نمت وگعدت الصبح حتى اروح للكُليه سويت ريوك وسبحت وبدلت وحضرت جنطتي وملازمي ونزلت رحت للكراج طلعت السياره ورحت للكُليه خلصت بين المحاضرات رجعت للبيت قررت اعوفه وارجع يم اهلي عفت البيت ورجعت يم اهلي صعدت نمت كعدت الصبح سبحت وبدلت وحضرت جنطتي وملازمي ورحت للكُليه رجعت للبيت نضفت البيت ورحت يم اهلي اردفت وانـي اباع ؏َ ابويه . اديـان:: بَـابه حيـدر:: ها بـُابه ديونه اديـان:: بَـابه اريد ملازم يـاسر:: ادللي ديونه اني اجيبلج اديـان:: شكراً يـاسر يـاسر:: ادللي نضر عيني حيـدر:: بَـابه ديونه اديـان:: ههَاعيني حيـدر:: مادام عطلتي ورحتي سنة اخيره خلي نروح سفره شهر لتركيا يـاسر:: محتاجين هيج اجواء وعلي اديـان:: اي بَـابه اروح حيـدر:: ماشي لعد راح باجر اسوي جوازات وننتضر ؏ الأقل شهر حتى يطلعون نـور:: مَـامه ديونه تعالي اريد احاجيج - گمنه انـي وياها رحنه لغرفتها گعدنه ؏َ الجربايه واردفت بهَدوء وهيَ تباع بعيوني وايدها ؏َ اجتافي . نـور:: مَـامه اديـان اني مااتحمل اشوف بنتي هيج تحترگك گدام عيني ومااطفيها مَـامه ديونه ارجعي مـثل قبل اضحكي ابوج متعذب بسبب حالتج ويوميه من يشوفج تبجين يتعذب حتى ضغطه وسكره يصعد عيني يـامَـامه عيني ابوج ديريبالج عـليَ انــتِ وحيدته ومايتحمل يشوفج هيج مكسوره وانـــتِ هم عيشي حياتج محمـد مات والمات مايرجع ماضي صار محمد ماضي وفات والفات مات اطويها صفحة محمد . اديـان:: صدُك تحجين انــتِ شُـون اگدر انـسى؟ ، وهـوَ كُل ذكرى بعـقلي وگـلبي شُـون اگدر؟ ، ماانسى صح اذاني وكسرني واخذ ابُني من يمي بَـس مااگدر حُـبه مزروع بگـلبي - اردفت هالكلام وعفتها ورحت لغرفتي ابچي اتصل عـليه رقم غريـب جاوبت وچان... - الووو اديـان:: هُـلا ، مُـنو؟ - انــتِ اديـان؟ اديـان:: اي نعم انــه - حقيره الله لا يخليج اخذتي زوجي مني وسربتي جهالي رجال مايحبج كتلتي وارتاحيتي وعايشه حياتج وهوَ جوه التراب عساج لا رتاحيتي بحياتج اديـان:: مُـنو انــتِ؟ - مرته للمرحوم محمـد اديـان:: شُـنوووووووو؟ - اي مرته ليش ماعفتي وخليتي أليه ترا هوَ الي الله لا يوفقج - سديته وتذكرة كَلام حيـدر لـمُن گلي محمد مايحبج ومتزوج غيرج ويحبها ، مرت سـنتين ونـص تقريباً وتعينت وصرت دكتوره جراحه ، طلعت مَـن العمـلية بعد ماخلصتها رفعت راسي وشفته ابتـسمت كالعاده بنفس مكانه اللي ينتضرني بي تقرب واردف بأبتسامه . حيـدر:: يـــبعد المـايرمشـن مِن يشوفنـچ اديـان:: ٣ سنين ضبط وانـــتَ ممليت؟ حيـدر:: بُــعد الصبر جـبر حـلوتي اديـان:: اههَا حيـدر:: ولـچ امووت عليج اديـان:: هذا مكان عمل مو سوالف سوقيه حيـدر:: افـا عليج انـي سوالفي سوقيه؟ اديـان:: لعد انـي؟ حيـدر:: باعععع السااان تسألها تردلك بسؤالل اديـان:: صوتك حيدر صوتك فضحتنه حيـدر:: جاي لمحبوبتي اديـان:: دولي ابـو سوالف السوقيه حيـدر:: لخاطرج كُلشي اصير اديـان:: هههههههههههه سامعيناها قبلك حيـدر:: افاااا عليج وسفه وحسافه عليج بت حويدر اديـان:: انچـب حيـدر ترا مصختها حيـدر:: حطيـلها ملح اديـان:: احطك انــتَ غير؟ حيـدر:: انچـبي لج اديـان:: ههههههه - ضلينه نسولف عفته ورجعت للبيت صعدت سبحت وبدلت ونمت ماگعدت لـثاني يوم لأن تعبانه ، مرت الأيام روتيني كُلش عادي بين الشغل وتنضيف البيت وحيدر اللي ابد معايفني ولاحگني اخـواني طلعوا للخارج جعفر وعباس وبقوا احمد وياسر ببغداد لكن كُل واحد وبيته بوحده لأن متزوجين يـاسر صارت عنده بنت سماها أفـنان تخبللل تشبه يـاسر حيييل حتى تصرفاتها وياسر طايرر بيها امي وابويه طلعوا للحج ؏َ مرتين وقـبل شهر رجعوا مَـن العمره وحيدر دائماً يمنه ويتصل عـليه بَـس مرات ميتصل ياخذ اسبوعين يلا يتصل وبَـس يبين عـليَ تعبان اهـل محمد راحوا للبصره وره وفـات محمد واخـته سـاره وره دورت سنـته بأسبوع تزوجت وصار عندها ولد سمته محمد لأن حيييل يشبه محمد الله يرحمه حياتي اني عاديه بين شغلي وتنضيف البيت وطلعاتي ويه حيـدر او ويه اهلي ، هستـوني راجعه مَـن الدوام تعبـانه وهلكانه دخلت السيـاره بالگراج ورحت ع البيت دخلت لگـيت حيـدر رحت سلمت وصعدت سبحت وبدلت ونزلت گعدت وضلوا يسولفون بالشغل رحت اسوي غدا تغده وكمل سويت چاي خلص واخذت الگلاصات اغسلهم طلعت ؏َ المغسله اللي بره اغـسل دغسـل وحسيت ايد ؏َ خصري سديت المي والتفتت شفـته حيـدر حاولت ابعده لكن بدون جدوى اردف . حيـدر:: اديـان ممكن تنطيني فرصه؟ اديـان:: فرصه لشنو حيدر؟ حيـدر:: ترا صدگي احبچ ورايدچ انـطي فرصه الج والي ولعلاقتنا مايصير تبقين بنفس الدوامه اللي صارلج سنين عايشه بيها . اديـان:: حيـدر افهمني مااگدر حيـدر:: تگدرين اديـان تگدرين بَـس انــتِ ماجاي تستوعبين خلص محمد راح وصارله ٤ سنين اديـان:: ذكرياته عـايشه بروحي حيـدر:: حبيني الي اديـان اديـان:: حيـدر ماأگدر حيـدر:: شتگولين جربيني فتره؟ اديـان:: لا حيـدر لا حيـدر:: تمام - عافني وراح رجعت ليجوا صعدت نمت كعدت بنص الليل جوعانه نزلت اسوي اكُل الي خلصت گعدت اكُل ، دغـسل المواعين وحسـيت صوت ورايه التفتت واشوف امـي بـاعتلي وگعدت ؏َ الطاوله واردفت بهَدوء وابتسـامه ع ثغرها . نـور:: ممكن احجي وياج اديـان:: اي ممكن نـور:: يمكن راح يزعلج او يجرحج كلامي بَـس لازم احجي ، مَـامه اديـان انــتِ كفيتي وفيتي لمحمد ومحمد مات ولازم تعيشين حياتج خوما تضلين عمرج كُله بنفس الدوامه اللي صارلج سنين عايشه بيها ومترضين تطلعين عيشي حياتج حزنج خلي بگلبچ ندري تحبي بَـس مو لدرجة تفنين عمرج علموده وانـــتِ بعدج ورده كُل عمرج ٢٦ سنـة بعدها الحياه ماواكفه ودتمشي وانـــتِ دتشوفين بنتي حياتج عيشيها ولا تفنين عمرج لأحد لأن محد يستاهل محمد چان زين وياج ماانكر هالشي بَـس طلع مايحبج وماخذج عناد بأبو يعني اخذج مجرد اداة حتى تجيبيله طفل ، اما اذا نجي ؏َ حيدر اللي عايف حياته وفانيها الج ويركض وراج صارله ٤ سنين يحاول تنطي فرصه انــتِ مجاي تشوفي شون متعذب لهالحيدر اللي عايف كُلشي ويركض وراج وانـــتِ تتبطرين وتدفرين بنعمتچ سنين صارله وممل منج انــتِ مجاي تلاحضين حُـبه الچ شونه شون لمن تصيحين اسمعه عيونه يلمعن وشون لمن تتقربين او تگعدين يمه شون يرجف الولد ميت عليج وميت بلياج وانـــتِ مراضيه رب العالمين دز الج حيـدر عُـوض الج عـن كُل كسره وألم بروحج حتى يداويها الچ ، انــتِ مـثل البـيت المهجور وحيدر عامل وديحاول يرمم بيج وهوَ مَـن جوه متحطم ومكسور صيري سند اله مـثل ماوكف وياج وساعدج وانـــتِ دتشوفين وعينج ميزانج فـ يَـامَـامه اكتفي بـي وانـطي فرصه قـبل لا يمل ويحب غيرج - خلصت كلامها وگامت ضليت افكر بكلامها الليل كُله حتى مانمت اذن الفجر گمت صليت وگعدت ادرس العملية خلصتها نزلت سويت ريوك تركيت وصعدت نضفت غرفتي وعطرتها ودخلت اسبح طلعت بدلت وحضرت الأوراق وجنطتي ونزلت للگراج اخذت السياره ورحت ؏َ المستشفى دخلت للعمليه تقريباً مرت ٤ ساعات يلا طلعنه مَـن العمليه وهايه ١٠ عمليه ألي رحت استراح ، خلصت دوام ورجعت للبيت استغربت لـمُن ماشفت حيدر كاليوم اطلع والگا بره منتضرني ، نمت وگعدت نص الليل فتحت تلفوني ماكو اي رساله او خبر ؏َ حيدر نزلت جوا سويت اكُل وگعدت اكُل خلصت غسلت المواعين وصعدت ليفوك للغرفه گعدت اباع افـلام رعب لأن اخذت اجازه يومين لأن نفستي تعبانه ونگدر نگول كلام امي اثر عـليه بشكل كُلش چبير ، گعدت الصبح نزلت لگيت حيدر رحت سلمت عليَ ورحنه بالحديقه گعدت واردفت بهَدوء . اديـان:: وينـك مختفـي؟ حيـدر:: تـعبان اديـان:: سـوده عـليه حيـدر:: اسم الله اديـان:: حيـدر شڪوو؟ حيـدر:: صـاحبي توفه اديـان:: الله يرحمه حيـدر:: ويرحم موتاج اديـان:: تسلم عزيزي حيـدر:: اديـان اديـان:: ههَاعيني حيـدر:: انــي راح اخطب اديـان:: تخطب؟ حيـدر:: اي اديـان:: الف مبروك حيـدر:: الله يبارك بيج اديـان:: دتتشاقه؟ حيـدر:: لا ، شكلي مال شقه؟ اديـان:: عليك العباس؟ حيـدر:: اديـان مليت منج سنين اركض وراج وانـــتِ مامقدره حبي الج او مشاعري ومافهمتي محمد اخذج عناد بأبو حتى يثبتله هوَ مو عقيم ويگدر يخلف وهوَ أصلاً يحب غيرج محمد عمره ماحبج اديـان اني حبيتج وفنيتلج عمري من زمان انـي اعرفج مـن جنتي بالخامس علمي اعرفج لأن جانت مختلطه المدرسه درست وياج سنه اعداديه ونوب صرت كُليه بس ماعفتج كاليوم اجيج عايف كُليتي وفنيتلج عمري وحتى مَـن اجيتي للكُليه شگد احاول اتقرب الچ بَـس تصديني ومحمد يمنعني ورغم محمد يعرف انـي احبچ راح وتزوجچ عناد بيه وبأبو چنت دائماً احجيله عـن حبي الج وعنج سنه وانـي احاول اجيب صوره واشوفها اله جبت الصوره وشوفتها اله صفن وگال حلوه وراها بشهر عرفت خطب بَـس خطب منو ماعرفت وانصدم لمُن اجيتي للبيت وعرفتج ؏َ نفسي كأنوا مااعرفج وانـي احتركك من جوا رغم يعرف اني احبج راح وخطبج وتزوجج وطعني بضهري لـُيش لأن دائماً حيدر شيريد مايصير اله الشي لازم دائماً انخذل لو انكسر بَـس عسى ولعلى يجي الجبر مَـن رب العالمين سبحانه وتعالى حاولت انساج بَـس مانسيتج مات محمد وگلت اكو امل اربع سنين اركض وراج وانـــتِ مامقدره فقررت اعيش حياتي انـي . اديـان:: حيـدر انــتَ هوايه صبرت واكيد ربك راح يجازيك بكُل ماهوه خير وراح ينطيك ع گد نياتك وصبرك حيـدر:: ونعم بالله ، يلا اترخص - عافني وراح ضليت افكر بكلامه واتذكرت كلام امي تندمت لأن مااخذت بكلامها مر شهر كـامل وحيدر اختفى قلقت وضليت افكر اتصل ماكو رد ولا اشوفه انقطعت اخباره مرت اشهر وهوَ ماكو ، رجعت مَـن الدوام تعبانه صعدت سبحت ونمت ماگعدت إلا لمُن اذن الفجر گمت صليت وضلـيت اقره قرآن تقريباً قريت ١٥ صفحه خلصت لميت السجاده وضميت القرآن وطبيت سبحت وطلعت مشطت شعري وضفرته نمت وگعدت الصبح سويت ريوك تركيت وگمت ؏َ البيت نضفته كُله حتى الشبابيك والبنكات والبيبان عطرته وسويت غدا وطلعت للطرمه اغسلها كملت طبيت سديت الطباخ ورحت اصلي صليت ورحت اصب غدا صبيت تغدوا شلت المواعين غسلتهم وصعدت لغرفتي نمت گعدت العصر غسلت وجهي وبدلت واخذت تلفوني والفلوس وضميتهم بالجنطه رحت للگراج اخذ سيارتي ورحت ؏َ الصالون احف وسويت تنضيف بشره وجسم وحمام مغربي طلعت رحت ؏َ المول اشتريت عطورات ودهونات ومكياج وملابس لأن استلمت راتبي رجعت للبيت رتبت الغراض العطور والمكياج ؏َ الميز والملابس بالكنتور خلصت نزلت ليجوا للگراج اغسل سيارتي هستوني خلصت وسمعت صوت ورايه التفتت واشوف حيـدر الأبتسامه شگت حلگي من الأذن للأذن رحت حضنته وبـست معاني وجهه فد مشتاقتله حضني وضم وجهه برگبتي بقى تقريباً بالنص ساعه وخر واردف بأبتسامه . حيـدر:: شـلونچ حلوتي اديـان:: موبخير حيـدر:: لـُيش؟ اديـان:: الشرطه غلبت الجيش حيـدر:: ههههههههههه ، لا صدك ليش؟ اديـان:: صار اشهرررر انــتَ عايفني يعني لـُيش ياعيني؟ حيـدر:: اشتاقيتيلي؟ اديـان:: اي وهم هوايه وعـليّ حيـدر:: بعد روحي الغالي تسلم اديـان:: ههههههههههه حيـدر:: اضحكي بـعد ابوچ اديـان:: مادام انــتَ موجود الحزن ميمر على عيوني حيـدر:: ابـويه انــتِ اديـان:: عُـمري حيـدر:: اگلج اديـان:: گول حيـدر:: هم فقدتيني؟ اديـان:: اي هوايه حيـدر:: لـُيش احسج جذابه؟ اديـان:: عيب عليك حيـدر:: ههههههههههه احب سوالفج اديـان:: انچـب ابـو سوالف سوقيه حيـدر:: انچب لو كجب؟ اديـان:: يااا حيـدر:: وجعا اديـان:: اووووي حيـدر:: بنت الأوادم لا تجرين الكلمة وتتموعين اديـان:: بأمرك سيدي حيـدر:: سحلتي سيدج وعشيرة سيدج طايحت الحض اديـان:: عييب عليييكككك حيـدر:: صوتججججج اديـان:: عزااااااا نسيتتتت حيـدر:: لا تجرين الكلمة دگلجججج اديـان:: تمام تمام حيـدر:: عفيه اديـان:: حيـدر حيـدر:: عـيونه اديـان اديـان:: ويـن جنت هالفتره حيـدر:: بالحرب اديـان:: عزاا ياحرب؟ حيـدر:: حرب مابين گلبي وعقلي اديـان:: لـُيش؟ حيـدر:: عقلي يريد ينساج بَـس گلبي رافض وهايه اجيتج برجليه ، يدوه سنيني اديـان:: حيـدر حيـدر:: دوه سنينه اديـان:: تحبني؟ حيـدر:: لعد صار سنين شسوي اهز جتف؟ اديـان:: اهزلك خصر؟ حيـدر:: انچبي اديـان:: تمام حيـدر:: يلا اترخص اديـان:: الله وياك - تقرب باس معـاني وجهي وحضني وشم رگبتي وراح ، مرت الأيام وحيدر كاليوم جاي يمي سواء بالشغل او بالبيت وسوالفه هوَ وسوالفه السوقيه ، مره گاعده بالبيت انـي وحيدر نسولف تقرب يمي وباسني بشفتي ضل دقايق ووخر وحط گصته ؏ گصتي يلهث مرت دقيقتين وكرر اللي سوا كررها اكثر مَـن مره وخر عـني وهوَ ويلهث ويباع بعيوني حضنته بقيت نص ساعه وخرت عنه وحضنت وجهه بين اديه واردفت بهَدوء اديـان:: حيـدر مستعده انطيك فرصه حيـدر:: بطلي شقاج الخايس اديـان:: وداعتها لأمي مدشاقه حيـدر:: لا صدك اديـان:: وعـليّ صدُك - حضني حييييل وحسيت شي حار ؏ رگبتي وخرت ولگيته يبچي انصدمت واردفت بخوف وقلق اديـان:: شبيك حيدر؟ حيدر:: واخيراً راح تصيرين أليه اديان:: اي حيدر اي - بقينه نسولف راح وصعدت نمت گعدت الصبح رحت لشغلي خلصت ورجعت نمت سبحت وبدلت وطلعت ويه حيـدر للمطعم گاعدين نسولف واردف حيـدر بهَدوء وابتسـامه . حيـدر:: اديـان....
______________________________________
انـشَالله عجبكم البـارت ، وآســـفه اذا اكو سحگات ، طبعاً الأحداث كُلش عاديه والبطله هيج تختصرهم تگول مااريد البـارت طويل ولا اريد القصة طويله لأن الأحداث عاديه بَـس اخُذي الأحداث المهمه مـنهم والروايه قصيـره حتكون لأن الأحداث قليله
حَـسّابـيّ الأنَسـتّا الأول سَكُراتي انتوا 🫂🤎❕.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حَـسّابـيّ الأنَسـتّا الثـّاني حَـلوّاتُـي 🫂🤎❕.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حَـلوّاتُـي تنـوروني بـيهم ثنيهم وارد ؏ الكُل 🫂🤎❕.
