كنت بكتب اخر فصول في روايه صالح ....ليا واحده صحبتي تقريبا كده هي كل حاجه ليا اصلا بحبها جدا
كانت في الفتره دي متخانقه مع جوزها هي بتحبه جدا وهو بيعشقها بس هي غبيه و مكنتش مصدقه 🤣🤣🤣 كنت احلف لها انه بيحبها بس هي الي مش قادره تفهمو تقولي لاااا (بجره🤣)
هو لقبه الباشا حقيقي فقولتلها مسيرك هتيجي تقوليلي انه قالك انتي قلب الباشا...و من هنا جاتلي فكره اسم الروايه من غير ما اكون رسمه تفاصيلها في خيالي
هو الاسم و بس
بعدها لقيت بنوته بتكلمني لاول مره عالخاص و بتقولي ممكن تخلي اسم البطله فالروايه الجديده علي اسمي لاني عمري ما حبيت و لا اتحبيت و نفسي اعيش الروايه كانها انا
وافقت من غير ذره تفكير و سميت البطله ندي علي اسمها
و بدات اتخيل الشخصيات و طباعهم
و كانت المفاجأه ان البنت كلمتني و كانت هتتجنن و تقولي انتي كانك بتوصفيني بجد و بقت طايره مالفرح
بقولكم كده ليه ...لاني اولا كسبت الرهان مع احلي و اجدع صاحبه ليا اختي و حببتي و جوزها طلع فعلا بيعشقها بس هو مكنش بيقول و بقت فعلا....قلب الباشا
و ندي حببتي كان في واحد زميلها فالشغل معجب بيها و هي مش فاهمه لانها جد جدا
لحد نص الروايه لقيتها بتقولي زميلي بيقولي انه بيحبني و عايز يتعرف عليا قولتلها لااااا لو بيحبك يدخل البيت من بابه و الخطوبه اتعملت للتعارف ....قالتلو كده و انها مش هتخون ثقه اهلها فيها ...اخدت اجازه كام يوم من الشغل ...قفلت الفون خالص....بعد تلت ايام عرفت انه كلم مامتها هو و مامته و اتقدملها......اكتشفت من فرحتها بالخبر انها هي كمان بتحبه ....المفاجأه بقي ...طلع صوته حلو و بيغني زي حسن 🤣🤣🤣 بجد و الله....انا فيا شيء لله
حكتلكم الكلام ده ليه .....عشان كل واحده تفهم زوجها صح و تحس بمشاعره و بلاش الدبش الي بتحدفوه من بوقكم ده( خاص بالمانجه🤣🤣🤣🤣)
تاني حاجه و الاهم للبنات الي نفسها تقابل حسن بتاعها...موجود و هتلاقيه بس انتي خليكي غاليه عشان يتعب لحد ما يوصلك
الهدوم الرخيصه بتبقي مرميه علي الرصيف الي رايح و الي جاي بيمسكها يشوفها و يرميها تاني
انما اللبس الغالي متصان جوه فاترينا محدش يقدر يلمسه غير الي يقدره و يدفع تمنه
دي نصيحه مني لكل بنوته
و كمان في بنوته تانيه اتخطبت امبارح و طلبت مني تدعولها ربنا يكملها علي خير
و ندي الحقيقيه خطوبتها يوم السبت بامر الله
ربنا يرزقكم راحه القلب و البال و الستر مع الراجل الي بجد يستاهلكم يا قمرات
اااه في واحده بردو اتخطبت لواحد اسمه حسن 🤣🤣🤣🤣 الروايه دي وشها حلو عالبنات و ربنا
ربنا يسعدكم حبيباتي
بحبكم جدااااا علي فكره
بكره بامر الله اخر بارت في قلب الباشا ...خلاص
فريده
أنت تقرأ
💙قلب الباشا💙
Mystery / Thrillerتلك المره لم اكتب مقدمه لقصتنا بل دعونا نعيش مع ابطالنا داخل تلك الحاره الشعبيه مع ابطالنا و نحيا معهم تفاصيل حياتهم الصاخبه لحظا بلحظه تنويه هذا المحتوي خاص بالبالغين لا ينصح بمن هم اقل من ١٨ لما يحتويه من الفاظ او مشاهد جريئه قد لا تناسب البعض مح...
