مشهد قصير من بارت الاول
واكفة وساندة روحي على الحايط ومخليه ادية على أذاني بعد ما وكعت التحفيه من ايدي وانكسرت وعله صوتها لمه وكعت وانكسرت
اباوعلها مصدومه ماعرف شسوي بس كعدت ابجي واباوع عليها
_دهر الدهرج هاااااي شسويتي
اجا صوتها اجت يعني خلاص راح تشوف التحفيه مكسورة صرت الملم بالكزاز انجرحت ايدي بس ماهتميت بكدما خايفة لا امي تشوفها انكسرت
_واكفة بالباب وضربت على خدودها
عزززا العززاج كسرتي تحفيتي ولج شون تتجرأين تلمسينها اصلا
اليوم اخلص عليج
_بقيت ساكته وبس دموعي تنزل من الخوف بس ارجف
هاي التحفيه هدية من امي الله يرحمها اهدتها اليه وهسه انتي كسرتيها
كامت تصيح واجت مسكتني من كتافي وصارت تهز بيه تريدني احجي
_ما ماما والله هيا انكسرت والله هيا اني ماعليه هيا وكعت من ايدي احجي وكوة تطلع الكلمة مني من الخوف والهبطه الاكلتها
_بضحكة هيا وتحجي
_اليوم شسوي بيج ولج اني كم مره منبهتج غرض اليه لاتجين علي تحفية غاليه علية رحتي كسرتيها عناد بيه
_بس ماما جنت بس اشوفها والله بس اشوفها وزلكت من ايدي
_بيا ايد لزمتيها
_ها
تصرخ ولازمة اديه
_بيا ايد جنتي ماسكتها
_هاي هاي بايدي واشرت براسي على اليمين
_بهاي عجل سحبت ايدي وضغطتها عالكاع الي بيها كزاز ناعم شاطت روحي صرت الوب
_عوفيني ماما الله يخليج عوفيني والله ماعيدها ولا بعد اجي يم غراضج
_بعد ايش بعد ما كسرتيلي هدية امي الاحبها
_ااااخ يوم عوفي ايدي والله توجعنننني كلش
_عجل من كسرتيها مافكرتي
_عافت ايدي ودفعتني حيل وراحت وكعت على ضهري ونبتت كزازة بضهري متت ماعد اعرف شسوي احير بأيدي الي فات بيها كزاز ناعم والا احير بضهري يمكن فاتت بي كزازة هم صرت ابجي وايدي تنز دم متت من الوجع ومتت من منظر ايدي رحت كعدت يم باب المطبخ انتظر بابا يجي حتى يساعدني ويشوفلي حل ساعة كاعده وهوا هسه يلا دك الباب راحت روحي واني انتظرة ركضت عالباب وفتحته بيدي المسالمه ابجي واباوع علي
_بابا شو شوف ايدي شصار بيها
_بنيييتي شنو هاي شبيها ايدج
_الله يخليك بس شوفها اكزاز فات بيها يمكن
ردت احجي اجت امي سوت هيج بس مثل كل مره اجت وغيرت الحقيقه لكذب
_هاي شبيج بنتي
_شنو شبيج عجل انتي وين جنتي شوفي ايد البنت شون صايرة
_ياااا ماشفتها هسه يلا شفت الصحن مكسور بالصالة كلت شنو هاي ماعبالي متصوبة
تباوع عليه وتحجي معكمشه وجها تمثل انها مقهورة
_هاي شون هيج صار بنتي وكعتي والصحن بيدج وفات الكزاز مو هيج
تحجي وتهز راسها بمعنى كولي اي
_امشي نودي البنت راح تروح ايدها هيج مو وقت الحجي
_توجعني بابا وكمت ابجي بالزايد
_مو الف مرة اكلج لاتجين على شي كزاز او ماعون لاتشيلين ولا تجين يم الطباخ انتي صغيرة عمرج كلة 8سنوات يابنتي
_ماحجيت شي سكتت امي زرفت خاصرتي بالكرص حتى مااحجي رحنه الدكتور وهم الدكتور استغرب مثل ابوي شون هيج الكزاز مأذي ايدي داواها الي وطلع الكزاز ولفها الي بقت ايدي توجعني قريب الشهر تعذبت بيها وكلمة اسوي شي غلط بدون قصد
امي تدوس عليها ماتعوفها ليمه تصير تنزف وتعوفها هلكت وايدي تضل توجعني بالزايد.... 👀
««تصويت ومتابعة لحسابي وردايات»»
أنت تقرأ
عبور الأمل في بحر اليأس
Romanceرواية عراقية باللهجة العراقية»» 👇الوصف»» هناك فتاة تعيش حياة صعبة ومؤلمة. أمها تعذبها وتجعلها تشعر بالحزن العميق. لكن على الرغم من ذلك، تتمتع الفتاة بقوة داخلية هائلة وإرادة قوية. تحاول جاهدة تغيير مصيرها والبحث عن السعادة والحرية، قد تكون هناك م...
