شعور لؤي
صح ما يصح خوان يوم اليصح ضيج
بس انته ماي تصير من ينشف الريج
الكاتبة اميرة بأخلاقي
»»»
اميرة... شكو شبيك لؤي حاجيني
لؤي مصدوم ولا سمع من احد كلنة نحجي ويا بس نريد نعرف شنو الخبر الي وصله وشصاير مايرد
واخيرا بعد ثواني كام وراح يركض ويصيح اجيتك ياضلعي اجيتك اتحمل فدوه لعينك
اميرة... يوووووم شوفي ابنج شبي شكو وصرت اصرخ لأن حالت لؤي قلقتني حيل
حنين... شبيدي راح ومارد عليه
عبدالله... لحضه بس اخابر ادريس صاحبه
_ شلونك اكول منو خابر لؤي اجى اتصال فجاه ما ادري طلع يركض بره اكو شي لان ظل بالنا حيل
عبدالله... لا الله عليك وهسه هوا وين لا حول ولا قوه الا بالله شلون وضعه تمام تمام احنا جايين هسه لا والله ما يصير شلون ما نجي يعني اسعفو راح هناك تمام تمام جايين هسه بسرعه
اميرة بخوف... بابا شكو
عبدالله... خطيه هذا اسامه رايح لبغداد مسوي حادث بالطريق هناك لا حول ولا قوه الا بالله ما يستاهل والله يلا امشي بسرعه نروح
اميرة مو مصدكة هالحجي... لا بابا اكيد الله عليك بابا صحيح كول غيرها
حنين... اصخام صحمني اسامه ابني يا ويلي على هالمصيبه يلا مشي نروح بسرعه
عبدالله... الله بنتي شنسوي بعد هذا قدر رب العالمين بس ادعولة هسه هوا بالمستشفى ومامعروف وضعه
اميرة... اجي وياكم مو
عبدالله... اكيد وين اخليج هين وحدج
"اميرة"
لبست الجبه مالتي بسرعه وطلعنا للمستشفى اقرب مستشفى جانت علينا همه جايبينه هين لان هو اول طريق بغداد مسوي حادث حسب كلام ابويا
وصلنا للمستشفى ويا حال بي لؤي وادريس واحمد لؤي كاعد وصافن مخلي ايده على راسه واحمد وادريس واحد رايح وواحد جاي ومبين عليهم التوتر والخوف
عبدالله... ها شنو كاللكم شنو وضعه احجي شبيكم واحد يرد مو راح اوكع من طولي
ادريس... ما اعرف اي شي اني هسه هم اجيت قبلك جابوا كبل للعمليات وبعد ماحد جاي يجاوبنا ولؤي توته اجى ما يعرف اي شي بس احمد الي جابه
احمد بحزن عميق... اي اني جنت بالبيت خابروني حتى اجي اتعلل معاهم لؤي واسامه فكلتلهم تعبان ما اكدر اجي ورا كم ساعه خابرني اسامه كلت خير شاكو رديت علي يكول اني واحد من الشرطه واكف هين بالسيطره وصاحب هذا الموبايل سوى حادث واخر رقم حاجي وياه هو اني لهيج خابروني ما اعرف شنو اسوي رحت كبل بوجهي للمكان الي دلوني عليه وخابرت الاسعاف هم ضربه شاحنه يكول صاحب الشاحنه ما ادري يعني سكران ما اعرف بدايه ما ضرب السيارة الشاحنة ما تأذت حيل بس السيارة متاذيه هواي والله بس ادعوله ان شاء الله يطلع منها بخير
أنت تقرأ
عبور الأمل في بحر اليأس
Romantikرواية عراقية باللهجة العراقية»» 👇الوصف»» هناك فتاة تعيش حياة صعبة ومؤلمة. أمها تعذبها وتجعلها تشعر بالحزن العميق. لكن على الرغم من ذلك، تتمتع الفتاة بقوة داخلية هائلة وإرادة قوية. تحاول جاهدة تغيير مصيرها والبحث عن السعادة والحرية، قد تكون هناك م...
